ڈسٹرکٹ پولیس آفس / شعبہ تعلقات عامہ
پریس ریلیز(786)
13-12-2022
بہاول پور() پولیس کی ماہ دسمبر2022 کے پہلے عشرے کی کارکردگی رپورٹ جاری،136مجرمان اشتہاری سمیت256 ملزمان گرفتارکرلیے ، قماربازوں سے دائو پر لگی رقم، 72 کلوگرام سے زائد چرس،08کلوگرام سے زائد افیون،01کلوسے زائد بھنگ،1655لیٹر شراب،204لیٹر لہن اور04چالو بھٹیاں شراب برآمد، جرائم پر قابو پانے کے ساتھ ساتھ کمیونٹی پولیسنگ پر بھی توجہ دی جارہی ہے تاکہ عوام اور پولیس میں موجود خلیج کو دور کرکے اعتماد کی فضاء کو بحال کیا جاسکے،جرائم پر مکمل کنٹرول کرنے کے لیے شہری پولیس کا ساتھ اور جرائم پیشہ عناصر کی نشاندہی کریں، ڈسٹرکٹ پولیس آفیسرعبادت نثار۔
تفصیل کے مطابق انسپکٹر جنرل آف پولیس پنجاب کے احکامات کی روشنی میں بہاول پورپولیس نے مختلف کارروائیاں کرتے ہوئے درجنوں ملزمان کو گرفتار کرکے ان سے دائو پرلگی رقم،منشیات اورغیر قانونی اسلحہ برآمدکرلیا۔پولیس نے قماربازوں کے خلاف کارروائیاں کرتے ہوئے16ملزمان کوگرفتارکرکے ان کے قبضہ سے دائو پرلگی ہوئی رقم اورجواء کا سامان برآمدکرلیا۔ شراب فروشوں کے خلاف کارروائیاں کرتے ہوئے کو34ملزمان کوگرفتارکرکے قبضہ سے1655 لیٹر دیسی شراب ، 204لیٹر لہن معہ 04چالو بھٹیاںبرآمدکرلیں۔ منشیات فروشوں کے خلاف کارروائیوں میں17ملزمان کو گرفتار کر کے 72کلو190گرام سے چرس، 08کلو 400گرام افیون اور1200گرام بھنگ برآمد کر لی۔پولیس نے غیر قانونی اسلحہ رکھنے والوں کے خلاف کارروائیاں کرتے ہوئے32ملزمان کو گرفتار کر کے قبضہ سے 20عددپسٹل30بور،02عدد رکلاشنکوف اور 01عددرپیٹربرآمدکرلیا۔مجرمان اشتہاریوں کے خلاف کریک ڈاؤن کرتے ہوئے ضلع بھر کی پولیس نے کیٹگری ''A'' کے10اور ''B'' کے116سمیت136 مجرم اشتہاریوں کوجبکہ ''B'' کے 14عدالتی مفروران کوبھی گرفتار کرکے چالان عدالت کیاگیا ۔اسی طرح پنجاب سائونڈ ایکٹ کی خلاف کاروائیاں کرتے ہوئے 16ملزمان کو گرفتار کرکے پابند سلاسل کردیا۔گرفتارملزمان کے خلاف مقدمات درج کر لیے گئے۔ڈی پی او نے اپنے پیغام میں کہا کہ ضلع میںجرائم پیشہ عناصر کا قلع قمع کرنے کا تہیہ کیا ہوا ہے، معاشر ے کو ایسے عناصر سے پاک کیا جائے گا۔
ترجمان بہاولپور پولیس
**************************************
ڈسٹرکٹ پولیس آفس / شعبہ تعلقات عامہ
پریس ریلیز(787)
13-11-2022
بہاول پور پولیس جرائم پیشہ عناصر پر قابو پانے کے لئے تکنیکی بنیادوں پر بھی متحرک، سمارٹ پولیسنگ اور آن لائن سسٹم کا بھرپور استعمال، ایک مہینہ میں 250سے زائد پرائیویٹ ملازمان کی رجسٹریشن مکمل ،ڈی پی او عبادت نثار کے حکم پر رہائش گاہوں ، کاروباری مراکز اور فیکٹریوں میں کام کرنے والے پرائیویٹ ملازمین کی رجسٹریشن مہم جاری ، شہریوں کی حفاظت اور کرائم کنٹرول میں سول سوسائٹی کا پولیس کے ساتھ تعاون نہایت ضروری ہے،اپنی ر ہائش گاہوں ، کاروباری مراکز اور فیکٹریوں پرپرائیویٹ ملازم رکھنے سے پہلے قریبی تھانے میں رجسٹریشن لازمی کروائیں تاکہ عوام الناس کا تحفظ یقینی بنایا جاسکے ڈی پی او۔
بہاولپور()تفصیلات کے مطابق بہاولپور پولیس کی طرف سے انسداد جرائیم مہم اور عوام الناس کو تحفظ فراہم کرنے کے حوالے سے کاوشیں تیز کردی گئیں ۔ڈسٹرکٹ پولیس آفیسرعبادت نثارکی ہدایت پر ایک مہینہ میں 250سے زائد پرائیوٹ ملازمین رجسٹرڈ کیے گئے جس میں مزید تیزی لائی جارہی ہے ۔ ڈی پی او بہاولپور نے شہریوں سے درخواست کی ہے کہ مکان کی کرایہ داری اور اپنی ہائش گاہوں ، کاروباری مراکز اور فیکٹریوں پر ملازم رکھنے سے پہلے قریبی تھانے میں رجسٹریشن لازمی کروائیں تاکہ عوام الناس کا تحفظ یقینی بنایا جاسکے ۔ ڈی پی اوعبادت نثار نے ہدایات جاری کرتے ہوئے کہا کہ جرائم پیشہ افراد اور شر پسند عناصر ایک شہر سے دوسرے شہر جرم کی نیت سے جاتے ہیں یا پھر مختلف مقدمات میں مطلوب افراد اپنے آپ کو چھپانے کیلئے ہوٹلز، سرائے یا مکان کرائے پر لیکر پناہ اختیار کرتے ہیں۔علاوہ ازیں عوام الناس کی ر ہائش گاہوں ، کاروباری مراکز اور فیکٹریوں پر کام کرنے والے پرائیویٹ ملازمین بھی غیر قانونی سرگرمیوں میں ملوث ہوسکتے ہیں ۔قیام امن اور انسداد جرائم کے سلسلہ میں ر ہائش گاہوں ، کاروباری مراکز اور فیکٹریوں پر کام کرنے والے پرائیویٹ ملازمین کی رجسٹریشن انتہائی اہمیت کی حامل ہے۔ شہریوں کی حفاظت اور کرائم کنٹرول میں سول سوسائٹی کا پولیس کے ساتھ تعاون نہایت ضروری ہے۔ غیرذمہ داری کا مظاہرہ کرنے والے شہری ضلع کا امن خراب کرنے اور دوسرے شہریوں کی زندگی بھی خطرے میں ڈال سکتے ہیں۔ انسداد جرائم مہم کے تحت بہاولپورپولیس انتہائی تندہی سے کاوشوں میں مصروف عمل ہے جس میں مستقبل میں مزید تیزی لائی جاے گی۔ تاکہ ضلع بہاولپور کو امن کا گہوارہ اور عوام الناس کے جان ومال کاتحفظ یقینی بنایا جاسکے ۔ڈی پی او نے اس موقع پر کہاکہ معاشرے میں قانون کی بالادستی کو برقرار رکھتے ہوئے شہریوں کو سروس ڈلیوری کی باآسانی فراہمی اور جرائم پیشہ عناصر کا قلع قمع پنجاب پولیس کا نصب العین ہے افسران جدید اور عوام دوست پولیسنگ کے ساتھ بھرپور انسدادی کاروائیوں سے معاشرے میں احساس تحفظ کی فضا کو فروغ دیں۔
ترجمان پولیس بہاولپور
********************
