ڈسٹرکٹ پولیس آفس / شعبہ تعلقات عامہ
پریس ریلیز(212)
09-04-2023
بہاول پور( )ڈسٹرکٹ پولیس آفیسر سید محمد عباس کی ہدایت پر مسیحی عبادت گاہوں کی ایسٹر کے موقع پر سیکیورٹی کے سخت انتظامات۔ تفریحی مقامات و پارکس وغیرہ پر بھی سیکیورٹی کے انتظامات ۔سینکڑوں پولیس افسران و اہلکار ڈیوٹی پر تعینات، مسیحی برادری سمیت تمام شہریوں کی حفاظت ہمارے اولین فرائض میں شامل ہے، ڈی پی اوسید محمد عباس۔
تفصیلات کے مطابق انسپکٹر جنرل آف پولیس پنجاب کی فول پروف سیکیورٹی کی ایس او پی کے تحت ڈی پی او سید محمد عباس کی ہدایت پر مسیحی عبادت گاہوں کی ایسٹر کے موقع پر سیکیورٹی کے فول پروف انتظامات کئے گئے۔ایسٹر کے موقع پر ضلع بہاولپور میں 30چرچوں میں 29پروگرام کا انعقاد ہوا جس میں اے" "کیٹگری کا 01، "بی"کیٹگری کا 01 اور "سی"کیٹگری کے کل 27پروگرام شامل ہیں۔ 400سے زائد پولیس افسران و اہلکار نے اپنے فرائض سرانجام دیے۔ اس کے علاوہ ڈولفن فورس، ایلیٹ فورس اور ایگل اسکواڈ گردو نواح میں گشت پر موجود رہے۔ چھتوں پر بھی پولیس ملازمان کو تعینات کیا گیا۔ ضلع کے سرکل افسران اور ایس ایچ اوز نے جاری شدہ سیکیورٹی پلان کے مطابق ڈیوٹی پر مامور افسران و اہلکاروں کو چیک کرنے کے ساتھ ساتھ بریف کیا اور ڈیوٹی الرٹ رہ کر سرانجام دینے کی ہدایت کی۔تفریحی مقامات و پارکس وغیرہ پر بھی سیکیورٹی سخت کے انتظامات کیے گئے۔ بعد ازاں سیکیورٹی سکینینگ کے آلات کی انسٹالیشن اور ورکنگ کے ساتھ ساتھ جامعہ تلاشی کے عمل کا بھی جائزہ لیا گیا،ارد گرد ماحول اور مشکوک افراد کی نگرانی بھی کی گئی ۔سول پارچات میں سیکیورٹی اہلکاروں کے ساتھ معاونین اداروں نے بھی اردگرد کے ماحول اور غیر متعلقہ افراد کی سرگرمیوں پر نظر رکھی۔ اس موقع پر ڈی پی او سید محمد عباس نے ہدایات جاری کرتے ہوئے کہا کہ ضلع میں امن و امان کے حوالے سے دیگر سیکیورٹی فرائض کے ساتھ عبادت گاہوں میں بھی سیکیورٹی ایس او پیز پر عملدرآمد کو یقینی بنائیں،مسیحی برادری سمیت تمام شہریوں کی حفاظت ہمارے اولین فرائض میں شامل ہے۔
ترجمان بہاولپور پولیس
**************************************
image
