ڈسٹرکٹ پولیس شعبہ تعلقات عامہ
پریس ریلیز(239)
مورخہ 27/04/2023
بہاولپور( )پولیس کا سماج دشمن عناصر کے خلاف کریک ڈان ۔ مختلف مقدمات میں 05 ملزمان گرفتار ۔ منشیات و اسلحہ ناجائز برآمد ، شہریوں کی زندگیوں سے کھیلنے والے منفی عناصر کا بھر پور تعاقب کیا جائے گا۔ ڈی پی او سید محمد عباس
تفصیلات کے مطابق آئی جی پنجاب کی جرائم کی سرکوبی کیلئے جاری ہدایات پر عملدرآمد کو یقینی بناتے ہوئے ڈی پی او بہاولپور سید محمد عباس کی طرف سے جرائم پیشہ عناصر کے خلاف جاری مہم میں بڑی کامیابیاں ملنے کا سلسلہ جاری ہے۔ ڈسٹرکٹ پولیس آفیسر سید محمد عباس کی ہدایات پر عمل درآمد کرتے ہوئے بہاولپور پولیس نے جرائم پیشہ عناصر کے خلاف بھر پور ایکشن لیا۔ جس کے نتیجے میں متعدد ملزمان کو گرفتار کرکے ان کے قبضہ سے منشیات، شراب اور اسلحہ ناجائز برآمد کر لیا۔تھانہ صدر یزمان پولیس نے مخبر کی اطلاع پر حق نواز کو گرفتار کرکے اس کے قبضہ سے 50لیٹر دیسی شراب برآمد کرلی۔ تھانہ سول لائینز اور تھانہ ہیڈ راجکاں پولیس نے منشیات فروشوں کے خلاف کارروائی کرتے ہوئے 02 ملزمان متین احمد اور محمد حسن عرف حسنی کو گرفتار کرتے ہوئے ان کے قبضہ سے 2600گرام سے زائد چرس برآمد کر لی ،جبکہ تھانہ سٹی یزمان اور تھانہ سٹی حاصل پور پولیس نے 02ملزمان محمد سجاد بھٹہ اور محمد راشد کو گرفتار کر کے ان کے قبضہ سے 01پسٹل 30بور،01رپیٹر 12بور برآمد کر لیے۔گرفتار ملزمان کے خلاف علیحدہ علیحدہ مقدمات درج کر لیے گئے۔اس موقع پر ڈی پی او سید محمد عباس نے اس حوالے سے اپنے پیغام میں کہا کہ سماج دشمن عناصر کے خلاف اسی طرح کارروائیاں جاری رکھی جائیں گی،شہریوں کی زندگیوں سے کھیلنے والے منفی عناصر کا بھر پور تعاقب کیا جائے گا۔بہاولپور پولیس ہمہ قسم کی برائیوں کے خاتمے اور جرائم کی روک تھام کے لئے دن رات کوشاں ہے۔
ترجمان بہاولپور پولیس
*********************
ڈسٹرکٹ پولیس آفس / شعبہ تعلقات عامہ
پریس ریلیز(240)
27-04-2023
بہاولپور( )آئی جی پنجاب کے احکامات، " نہ انتظار، نہ سفارش، نہ رشوت،"ڈی پی او بہاولپور سید محمد عباس کی ہدایت پر مقدمات کے اندراج کا دورانیہ متعین کر دیا گیا، اگر کسی بھی آفیسر نے وضع کردہ پالیسی کے تحت مقدمہ کا اندراج نہ کیا تو اس آفیسر کو سخت محکمانہ احتساب سے گزرنا پڑے گا، ڈی پی او سید محمد عباس
تفصیلات کے مطابق آئی جی پنجاب ڈاکٹر عثمان انور کے شہریوں کے بنیادی حقوق کے تحفظ کیلئے جاری کردہ احکامات کے تحت ڈسٹرکٹ پولیس آفیسر سید محمد عباس نے بہاولپور میں مقدمات کے اندراج کا دورانیہ متعین کر دیا، تاکہ شہریوں کو " نہ انتظار، نہ سفارش، نہ رشوت", کے نظریہ کے تحت خدمات فراہم کی جا سکیں۔ قتل، اقدام قتل ، بدکاری/ بد فعلی، اغوا برائے تاوان اور ضرر کے مقدمات میڈیکل لیگل سرٹیفکیٹ کے حصول کے بعد8 گھنٹے کے دورانیہ میں درج کیے جائیں گے۔ اسی طرح چھینا جھپٹی ، چوری، گاڑی کا چھیننا، گاڑی چوری ، ڈکیتی اور راہزنی کے مقدمات کے اندراج کا زیادہ سے زیادہ دورانیہ 24گھنٹے ہے جبکہ مالیاتی دستاویزات و معاملات سے متعلق مقدمات کا اندراج زیادہ سے زیادہ 5دن کے اندر اندر ہوگا۔ ڈسٹرکٹ پولیس آفیسر سید محمد عباس نے افسران کو ہدایات جاری کرتے ہوئے کہا کہ اگر کسی بھی آفیسر نے وضع کردہ پالیسی کے تحت مقدمہ درج نہ کیا یا تاخیر سے کیا تو اس متعلقہ آفیسر کو سخت محکمانہ احتساب سے گزرنا پڑے گا، روازنہ کی بنیاد پر پراگرس چیک کروں گا، اور شہریوں سے فیڈ بیک لیا جائے گا ، ڈی پی او نے مزید کہا کہ اگر کسی شہری کو اس معاملہ میں پولیس سے کوئی بھی شکایت ہو تو میرے دفتر کے دروازے ہمیشہ کھلے ہیں، شہریوں کی شکایت کا ہر ممکن ازالہ کیا جائے گا
ترجمان پولیس بہاولپور
*********************
image
