ڈسٹرکٹ پولیس آفس / شعبہ تعلقات عامہ
پریس ریلیز(254)
04-05-2023
بہاولپور( )پولیس کی جانب سے سمارٹ پولیسنگ کے ذریعے مجرمان اشتہاری اور عدالتی مفروران کی گرفتاریوں کا سلسلہ جاری، ماہ اپریل 2023میں بہاولپور پولیس نے 398مجرمان اشتہاری اور 64عدالتی مفروران گرفتار کیئے۔ڈی پی او سید محمد عباس
تفصیل کے مطابق آئی جی پنجاب نے اشتہاری مجرمان اور عادی مجرمان کی گرفتاریوں کے حوالے سے احکامات جاری کیے۔ اسی سلسلے میں ڈی پی او بہاولپور سید محمد عباس نے جدید ٹیکنالوجی کا استعمال کرتے ہوئے بہاولپور پولیس کو اشتہاری مجرمان کی گرفتاریوں کا ٹاسک دیا ۔ماہ اپریل 2023میں بہاولپور پولیس نے سمارٹ پولیسنگ اور جدید ٹیکنالوجی کو بروئے کار لاتے ہوئے مجرمان اشتہاری اور عدالتی مفروران کو گرفتار کرنے کیلئے اسپیشل ٹیمیں تشکیل دیں۔ اشتہاری مجرمان کے خلاف کارروائیاں کرتے ہوئے بہاولپور پولیس نے اے کیٹگری کے 23اشتہاری مجرمان اور بی کیٹگری کے 375اشتہاری مجرمان سمیت کل 398مجرمان اشتہاری گرفتار کیے۔ عدالتی مفروران کے خلاف کاروائیاں عمل میں لاتے ہوئے اے کیٹگری کا 1جبکہ بی کیٹگری کے 63عدالتی مفروران سمیت کل 64 گرفتار کر لیے۔اس موقع پر ڈسٹرکٹ پولیس آفیسر سید محمد عباس نے پولیس افسران کو ہدایات جاری کیں کہ روزانہ کی بنیاد پر ایسی کارروائیوں کو مزید تیز کیا جائے، جدید تکنیکی استعارات کا استعمال جرم کو ہونے سے پہلے روک سکتا ہے۔ جرائم پیشہ افراد کی نقل و حرکت کو مانیٹر کیا جا کر انکو انجام تک پہنچایا جائے جس کے وہ مستحق ہیں۔ انہوں نے مزید کہا کہ اشتہاری مجرمان اور عدالتی مفرور اشخاص کی گرفتاریوں سے مقدمات کو جلد از جلد یکسو کیا جا سکتا ہے اور شہریوں کو بروقت انصاف مہیا کیا جا سکتا ہے جس سے عوام کا پولیس پر اعتماد بڑھتا ہے۔
ترجمان بہاولپور پولیس
*********************
ڈسٹرکٹ پولیس آفس / شعبہ تعلقات عامہ
پریس ریلیز(255)
04.05.2023
بہاولپور( )ڈی پی او سید محمد عباس کی ضلع کے تمام ایس ایچ اوز کو زیر تفتیش مقدمات کی تکمیل کیلئے سخت ہدایات، تکمیل شدہ مقدمات کو فوری طور پر عدالت بھجوائے جانے اور زیر تکمیل مقدمات کو یکسو کرنے کے احکامات، انصاف میں تاخیر انصاف نہ ملنے کے مترادف ہے۔ ڈی پی او۔
تفصیلات کے مطابق انسپکٹر جنرل آف پولیس پنجاب اور ایڈیشنل انسپکٹر جنرل آف پولیس جنوبی پنجاب کی مقدمات کو متعینہ وقت میں تکمیل کرنے کے احکامات کی روشنی میں ڈسٹرکٹ پولیس آفیسر سید محمد عباس نے ضلع بھر کے ایس ڈی پی اوز اور ایس ایچ اوز کو زیر تفتیش مقدمات کی تکمیل کیلئے سخت ہدایات جاری کیں۔نیز تکمیل شدہ مقدمات کو فوری طور پر عدالت بھجوائے جانے اور زیرتکمیل مقدمات کو یکسو کرنے کے احکامات جاری کیے گئے۔ 3مہینے سے زیادہ عرصے سے پینڈنگ مقدمات کو دی گئی ڈیڈ لائن سے پہلے میرٹ پر تفتیش کرتے ہوئے مکمل کیا جائے۔ عدم گرفتار ملزمان، اشتہاری ملزمان اور عدالتی مفروران کو فوری گرفتار کیا جائے۔ اسی طرح ایسے مقدمات جو کہ تکمیل ہو چکے ہیں ان کو ہر صورت فوری طور پر عدالت بھجوایا جائے تاکہ ان پر کیس ٹرائل شروع ہو سکے۔ ڈی پی او کی ہدایات پر روزانہ کی بنیاد پر پراگرس چیک کرنے کا طریقہ کار واضع کیا گیا۔ ڈی پی او سید محمد عباس نے احکامات جاری کرتے ہوئے کہا کہ ہمارا اولین مقصد شہریوں کو بروقت انصاف مہیا کرنا ہے۔ کیونکہ انصاف میں تاخیر انصاف نہ ملنے کے مترادف ہے۔ لہذا تمام افسران ان ہدایات پر من و عن عمل کریں۔ سستی کا مظاہرہ کرنے والے افسران کو محکمانہ احتساب کا سامنا کرنا پڑے گا۔
ترجمان بہاولپور پولیس
image
