ڈسٹرکٹ پولیس آفس بہاولپور / شعبہ تعلقات عامہ
پریس ریلیز(283)
19-05-2023
بہاول پور( )جمعتہ المبارک کے روز ایس ڈی پی اوز اور ایس ایچ اوزکے سیکیورٹی کے حوالے سے مساجد اور امام بارگاہوں کے وزٹ،سیکیورٹی ڈیوٹی کو چیک کیا،ملکی صورتحال کے پیش نظر ڈیوٹی پر مامور اہلکاروں کو الرٹ رہنے کی ہدایت کی، سیکیورٹی فرائض میں غفلت ہرگز برداشت نہیں کی جائے گی ،ڈسٹرکٹ پولیس آفیسر سید محمد عباس۔
تفصیل کے مطابق انسپکٹر جنرل آف پولیس پنجاب اور ایڈیشنل انسپکٹر جنرل آف پولیس جنوبی پنجاب کے احکامات کی روشنی میں ڈی پی او سید محمد عباس کی ہدایت پر عمل پیرا ہوتے ہوئے ایس ڈی پی اوز نے اپنے سرکل جبکہ ایس ایچ اوز نے اپنے تھانہ جات کی حدود میں جمعتہ المبارک کے حوالے سے مساجد اور امام بارگاہوں کے سیکیورٹی ڈیوٹی پر مامور افسران و جوانوں کوچیک کیا۔سیکیورٹی پر مامور جوانوں کے پاس موجود اسلحہ اور حفاظتی انتظامات کا جائزہ لیا۔جوانوں کو الرٹ رہ کر ڈیوٹی سرانجام دینے کی ہدایت کی۔ڈی پی او سید محمد عباس نے اپنے پیغام میں کہا ہے کہ ہمارا فرض بہت اہم ہے،شہریوں کو احساس تحفظ دلانا ہے کہ ہم انکی سیکیورٹی کے لیے موجود ہیں۔ملکی صورتحال کے پیش نظر شرپسند عناصر پر کڑی نظر رکھیں اور الرٹ رہیں کیونکہ ہم الرٹ رہیں گے تو شرپسند عناصر اپنے مذموم مقاصد میں کامیاب نہیں ہوسکیں گے، سیکیورٹی فرائض میں غفلت و لا پرواہی بلکل برداشت نہیں جائے گی۔ انہوں نے ایس ڈی پی اوز اور ایس ایچ اوز کو اپنے اپنے ایریا میں موثر گشت اور سیکیورٹی انتظامات کے حوالے سے ہدایات بھی جاری کیں۔
ترجمان بہاولپور پولیس
***********************
ڈسٹرکٹ پولیس شعبہ تعلقات عامہ
پریس ریلیز(284)
مورخہ 19/05/2023
بہاولپور( )پولیس کا جرائم پیشہ عناصر کے خلاف کریک ڈائون۔گزشتہ روز مختلف مقدمات میں خاتون منشیات فروش سمیت متعدد ملزمان گرفتار۔ بھاری مقدار میں منشیات ، شراب و ناجائز اسلحہ برآمد ۔ ناجائز اسلحہ کے ذریعے دہشت پھیلانے والوں اور منشیات کے کاروبار میں ملوث افراد کا محاصرہ جاری رہے گا۔ ڈی پی او سید محمد عباس
تفصیلات کے مطابق آئی جی پنجاب کی جرائم کی سرکوبی کیلئے جاری ہدایات پر عملدرآمد کو یقینی بناتے ہوئے ڈی پی او بہاولپور سید محمد عباس کی طرف سے جرائم پیشہ عناصر کے خلاف جاری مہم میں بڑی کامیابیاں ملنے کا سلسلہ جاری ہے۔ تھانہ سٹی حاصلپور پولیس نے خاتون منشیات فروش سمیت 02ملزمان ارم شہزادی اور مشتاق احمد کو گرفتار کر کے قبضہ سے 01کلو 420گرام چرس برآمد کر لی۔ تھانہ ڈیرہ نواب پولیس نے شراب فروشی کے خلاف کارروائیاں عمل میں لاتے ہوئے 01ملزم محمد صدیق کو گرفتار کرکے اس کے قبضہ سے 60لیٹر دیسی شراب برآمد کرلی۔جبکہ تھانہ کوتوالی پولیس نے اسلحہ ناجائز رکھنے والوں کے خلاف کارروائی عمل میں لاتے ہوئے 01ملزم محمد بلال کو گرفتار کرکے اس کے قبضہ سے 01عدد پسٹل 30بور برآمد کرلیا۔ گرفتار ملزمان کے خلاف علیحدہ علیحدہ مقدمات درج کر لیے گئے، ملزمان سے مزید تفتیش جاری ہے۔ اس موقع پر ڈی پی او بہاولپور سید محمد عباس نے اپنے پیغام میں کہا کہ ایسے گھنانے جرائم کرنے والے جرائم پیشہ افراد کے خلاف اسی طرح کریک ڈائون کرتے ہوئے مزید موثر کارروائیاں عمل میں لائی جائیں گی تاکہ معاشرے کو ایسے ناسور عناصر سے پاک کیا جاسکے۔عوام الناس کے جان و مال کا تحفظ یقینی بنانے کے لئے بھاولپور پولیس شب و روز مصروف عمل ہے۔ ناجائز اسلحہ کے ذریعے دہشت پھیلانے والوں اور منشیات کے کاروبار میں ملوث افراد کا محاصرہ جاری رہے گا۔
ترجمان بہاولپور پولیس
*******************
ڈسٹرکٹ پولیس آفس بہاولپور/ شعبہ تعلقات عامہ
پریس ریلیز(285)
19.05.2023
بہاولپور( )ڈی پی او سید محمد عباس کی مسلسل مانیٹرنگ کی وجہ سے ضلع میں سنگین مقدمات کے ٹریس کرنے کی شرح میں اضافہ۔تھانہ سمہ سٹہ کے علاقہ میں کمسن بچے کا اندھا قتل ٹریس۔ڈی پی او سید محمد عباس کا خانقاہ شریف کا وزٹ، لواحقین سے ملاقات، علاقہ مکینوں کے پولیس کے حق میں فلگ شگاف نعرے بلند
تفصیلات کے مطابق آئی جی پنجاب کی جرائم کی سرکوبی کیلئے جاری ہدایات پر عملدرآمد کو یقینی بناتے ہوئے ڈی پی او بہاولپور سید محمد عباس کی حکمت عملی کی بدولت ضلع میں سنگین وارداتوں کے ٹریس ہونے کی شرح میں نمایاں اضافہ ہونے لگا ہے ۔تھانہ سمہ سٹہ کے علاقہ میں کمسن بچے کا اندھا قتل ٹریس۔ڈی پی او سید محمد عباس کا خانقاہ شریف کا وزٹ، لواحقین سے ملاقات، علاقہ مکینوں کے پولیس کے حق میں فلگ شگاف نعرے بلند۔گزشتہ دن پولیس کی شب و روز کی محنت کے بعد سفاک قاتل گرفتار کیا جس نے کمسن بچے کو بے دردی سے قتل کیا تھا۔ڈی پی او سید محمد عباس نے خانقاہ شریف کا وزٹ کیا۔ لواحقین سے اظہار افسوس کیااور دعائے مغفرت فرمائی۔علاقہ مکینوں کی طرف سے پولیس کی انتھک محنت کے بعد سفاک قاتل کی گرفتاری پر پولیس کو خراج تحسین پیش کیا گیا۔ڈی پی او بہاولپور اور صدر سرکل پولیس کے حق میں فلگ شگاف نعرے بلند کیے۔ ڈی پی او سید محمد عباس نے کہا کہ درندہ صفت قاتل کو ٹھوس شواہد کی بنا پر تختہ دار تک پہنچایا جائے گا، لواحقین کے غم میں برابر کے شریک ہیں، انصاف کا بول بالا ہوگا، ڈی پی او نے ڈی ایس پی صدر سرکل سید اظہر گیلانی، ایس ایچ او فرحان حسین اور ٹیم کو ملزم کی گرفتاری پر سراہا۔
ترجمان بہاولپور پولیس
***********************
image
