ڈسٹرکٹ پولیس شعبہ تعلقات عامہ
پریس ریلیز(286)
مورخہ 20/05/2023
بہاولپور( )پولیس کا جرائم پیشہ عناصر کے خلاف کریک ڈائون۔گزشتہ روز مختلف مقدمات میں متعدد ملزمان گرفتار۔ بھاری مقدار میں منشیات ، شراب و ناجائز اسلحہ برآمد ۔ ناجائز اسلحہ کے ذریعے دہشت پھیلانے والوں اور منشیات کے کاروبار میں ملوث افراد کا محاصرہ جاری رہے گا۔ ڈی پی او سید محمد عباس
تفصیلات کے مطابق آئی جی پنجاب کی جرائم کی سرکوبی کیلئے جاری ہدایات پر عملدرآمد کو یقینی بناتے ہوئے ڈی پی او بہاولپور سید محمد عباس کی طرف سے جرائم پیشہ عناصر کے خلاف جاری مہم میں بڑی کامیابیاں ملنے کا سلسلہ جاری ہے۔ تھانہ کینٹ اور عباسنگر پولیس نے منشیات فروشی میں ملوث 02ملزمان کامران رشید اور فخر الزمان کو گرفتار کر کے قبضہ سے 02کلو 180گرام چرس برآمد کر لی۔ تھانہ سٹی حاصلپورپولیس نے اسلحہ ناجائز رکھنے والوں کے خلاف کارروائی عمل میں لاتے ہوئے 01ملزم عمر فاروق کو گرفتار کرکے اس کے قبضہ سے 01عدد پسٹل 30بور برآمد کرلیا۔ تھانہ ڈیرہ نواب اورکینٹ پولیس نے قمار بازی ایکٹ کی خلاف ورزی کرنے پر 08ملزمان محمد آصف اور دلاور وغیرہ کو گرفتار کرکے ان کے قبضہ سے دا پر لگی رقم برآمد کرلی۔اسی طرح تھانہ خیر پور ٹامیوالی پولیس نے انتہائی تیز رفتاری اور لا پرواہی سے ڈرائیونگ کرنے پر 01ملزم فیصل انور شاہ کو گرفتار کر لیا۔گرفتار ملزمان کے خلاف علیحدہ علیحدہ مقدمات درج کر لیے گئے، ملزمان سے مزید تفتیش جاری ہے۔ اس موقع پر ڈی پی او بہاولپور سید محمد عباس نے اپنے پیغام میں کہا کہ ایسے گھناونے جرائم کرنے والے جرائم پیشہ افراد کے خلاف اسی طرح کریک ڈائون کرتے ہوئے مزید موثر کارروائیاں عمل میں لائی جائیں گی تاکہ معاشرے کو ایسے ناسور عناصر سے پاک کیا جاسکے۔عوام الناس کے جان و مال کا تحفظ یقینی بنانے کے لئے بھاولپور پولیس شب و روز مصروف عمل ہے۔ ناجائز اسلحہ کے ذریعے دہشت پھیلانے والوں اور منشیات کے کاروبار میں ملوث افراد کا محاصرہ جاری رہے گا۔
ترجمان بہاولپور پولیس
************************
ڈسٹرکٹ پولیس شعبہ تعلقات عامہ
پریس ریلیز(287)
مورخہ 20/05/2023
بہاولپور( )ڈی پی او سید محمد عباس نے پولیس افسران کو اہم تنصیبات کے سیکیورٹی آڈٹ کا حکم دے دیا۔ عدالتوں، مالیاتی اداروں، پولیس کی تنصیبات اور غیر ملکی باشندوں کی رہائش گاہوں کی سیکیورٹی فول پروف بنائی جائے، ڈی پی او
تفصیلات کے مطابق آئی جی پنجاب ڈاکٹر عثمان انور کی سیکیورٹی بارے ہدایات کی روشنی میں ڈی پی او سید محمد عباس نے پولیس افسران اور سیکیورٹی برانچ کو ضلع بھر کی اہم تنصیبات کے سیکیورٹی آڈٹ کا حکم دے دیا، ڈی پی او نے ہدایات جاری کرتے ہوئے کہا کہ ہائی کورٹ ، ضلعی عدالتوں، اسٹیٹ بینک، سولر پارک، پولیس کی تنصیبات اور غیر ملکی باشندوں کی رہائش گاہوں کے علاوہ دیگر ایسے مقامات کی سیکیورٹی کو فول پروف بنایا جائے، دیگر سسٹر ایجنسیز کی مدد سے ایسی جگہوں کے اطراف میں سرچ آپریشن کیا جائے، کسی بھی غیر متعلقہ اور مشکوک افراد کو اردگرد منڈلانے کی اجازتِ نہ دی جائے، جدید ٹیکنالوجی اور سی سی ٹی وی کیمرہ جات کی مدد سے کڑی نگرانی کی جائے، انہوں نے مزید کہا کہ اہم تنصیبات پر تعینات پرائیوٹ سیکیورٹی گارڈز کے کوائف کا تفصیلی جائزہ لیا جائے، روزانہ کی بنیاد پر مختلف اوقات میں سرپرائز وزٹ کیے جائیں اور ڈیوٹی پر مامور پولیس افسران کو الرٹ رہنے بارے سخت ہدایات جاری کی جائیں، انہوں نے کہا کہ اگر ہم الرٹ اور تسلسل سے فرائض سرانجام دیں گے تو شرپسند عناصر کسی صورت اپنے مذموم عزائم میں کامیاب نہیں ہوسکیں گے، سیکیورٹی فرائض میں غفلت پر ذمہ داران کو سخت محکمانہ احتساب کا سامنا کرنا پڑے گا۔ غفلت لاپرواہی برداشت نہیں کی جائے گی۔
ترجمان بہاولپور پولیس
**************************
image
