PRESS RELEASE DATE 18.06.2023 (02 Files) شعبہ تعلقات عامہ پریس ریلیز

ڈسٹرکٹ پولیس آفس / شعبہ تعلقات عامہ
پریس ریلیز(334)
18-06-2023
ڈسٹرکٹ پولیس آفیسر سید محمد عباس کی ہدایت پر مسیحی عبادت گاہوں کی سیکیورٹی کے سخت انتظامات، سینکڑوں پولیس افسران و اہلکار ڈیوٹی پر تعینات، مسیحی برادری سمیت تمام شہریوں کی حفاظت ہمارے اولین فرائض میں شامل ہے، ڈی پی او سید محمد عباس۔
بہاول پور(       )تفصیل کے مطابق انسپکٹر جنرل آف پولیس پنجاب کی فول پروف سیکیورٹی کی ایس او پی کے تحت ڈی پی او سید محمد عباس کی ہدایت پر اتوار کے روز مسیحی عبادت گاہوں پر سیکیورٹی کے فول پروف انتظامات کئے گئے۔جن پر سینکڑوں کی تعداد میں پولیس افسران و اہلکار تعینات کیے گئے ، چھتوں پر بھی پولیس اہلکاروں کو تعینات کیا گیا۔ ضلع کے سرکل افسران اور ایس ایچ اوز نے جاری شدہ سیکیورٹی پلان کے مطابق ڈیوٹی پر مامور افسران و اہلکاروں کو چیک کرنے کے ساتھ ساتھ بریف کیا اور ڈیوٹی الرٹ رہ کر سرانجام دینے کی ہدایت کی۔ بعد ازاں سیکیورٹی سکینینگ کے آلات کی انسٹالیشن اور ورکنگ کے ساتھ ساتھ جامعہ تلاشی کے عمل کا بھی جائزہ لیا۔ سول پارچات میں سیکیورٹی اہلکاروں کے ساتھ معاونین اداروں نے بھی اردگرد کے ماحول اور غیر متعلقہ افراد کی سرگرمیوں پر نظر رکھی۔ اس موقع پر ڈی پی او سید محمد عباس نے ہدایات جاری کرتے ہوئے کہا کہ ضلع میں امن و امان کے حوالے سے دیگر سیکیورٹی فرائض کے ساتھ عبادت گاہوں میں بھی سیکیورٹی ایس او پیز پر عملدرآمد کو یقینی بنائیں، ایسے مقامات کی سیکیورٹی جہاں پر عوام الناس بھاری تعداد میں جمع ہوں ایسی جگہوں پر امن و امان کی صورتحال کو برقرار رکھنا نہایت ضروری ہے، مسیحی برادری سمیت تمام شہریوں کی حفاظت ہمارے اولین فرائض میں شامل ہیں 
ترجمان بہاولپور پولیس

**********************

ڈسٹرکٹ پولیس شعبہ تعلقات عامہ 
پریس ریلیز(335)
مورخہ 18.06.2023
بہاولپور(        ) ڈی پی او سید محمد عباس کے پریکٹیکل پولیسنگ کے حوالے سے احکامات، تھانہ سٹی حاصلپور کی منشیات فروشوں کے خلاف کارروائی،02ملزمان سے1600گرام چرس برآمد،ملزمان گرفتار۔جرائم پیشہ عناصرکے خلاف ایسی مزید کارروائیاں جاری رکھی جائیں گی۔ ڈی پی او سید محمد عباس  
تفصیلات کے مطابق آئی جی پنجاب ڈاکٹر عثمان انور کی طرف سے جرائم پیشہ عناصر کے خلاف جاری مہم کے تحت ڈی پی او بہاولپور سید محمد عباس کی کمانڈ میں بڑی کامیابیاں ملنے کا سلسلہ جاری ہے۔ڈسٹرکٹ پولیس آفیسر سید محمد عباس نے پولیس پریکٹیکل ورک پر زور دیا اور منشیات فروشوں کے خلاف بھر پور کارروائی کے احکامات جاری کیے، اسی سلسلے کو جاری رکھتے ہوئے تھانہ سٹی حاصلپور پولیس نے منشیات فروشوں کے خلاف کارروائی کرتے ہوئے 02ملزمان محمد عمران اور معین الدین کو گرفتار کرکے قبضہ سے 1600گرام چرس برآمد کرلی۔ سٹی حاصلپور پولیس نے علیحدہ علیحدہ مقدمات درج کر کے تفتیش شروع کر دی۔ ڈی پی او بہاولپور سید محمد عباس نے اپنے پیغام میں کہا کہ منشیات فروشی جیسے گھنانے کاروبار کو ہر صورت بہاولپور سے ختم کر کے دم لیں گے تاکہ نوجوان نسل کو تباہی سے بچایا جا سکے۔ انہوں نے کہا کہ مستقبل میں بھی ایسی مزید کارروائیاں کی جاکر جرائم پیشہ افراد کو ان کے منطقی انجام تک پہنچایا جائے گا۔ ڈی پی او نے بہترین کارکردگی پر تھانہ سٹی حاصلپور پولیس کو شاباش دی۔
 ترجمان بہاولپور پولیس

*********************