ڈسٹرکٹ پولیس آفس بہاولپور / شعبہ تعلقات عامہ
پریس ریلیز(343)
23-06-2023
بہاول پور( )جمعتہ المبارک کے روز ایس ڈی پی اوز اور ایس ایچ اوز کے سیکیورٹی کے حوالے سے مساجد اور امام بارگاہوں کے وزٹ، ملکی صورتحال کے پیش نظر ڈیوٹی پر مامور اہلکاروں کو الرٹ رہنے کی ہدایت کی،سیکیورٹی فرائض میں غفلت ہرگز برداشت نہیں کی جائے گی،ڈسٹرکٹ پولیس آفیسر سید محمد عباس۔
تفصیل کے مطابق انسپکٹر جنرل آف پولیس پنجاب اور ایڈیشنل انسپکٹر جنرل آف پولیس جنوبی پنجاب کے احکامات کی روشنی میں ڈی پی او سید محمد عباس کی ہدایت پر عمل پیرا ہوتے ہوئے ایس ڈی پی اوز نے اپنے سرکل جبکہ ایس ایچ اوز نے اپنے اپنے تھانہ جات کی حدود میں جمعتہ المبارک کے حوالے سے مساجد اور امام بارگاہوں کی سیکیورٹی ڈیوٹی پر مامور افسران و جوانوں کو چیک کیا۔سیکیورٹی پر مامور جوانوں کے پاس موجود اسلحہ اور حفاظتی انتظامات کا جائزہ لیا۔جوانوں کو الرٹ رہ کر ڈیوٹی سرانجام دینے کی ہدایت کی۔ڈی پی او سید محمد عباس نے اپنے پیغام میں کہا ہے کہ ہمارا فرض بہت اہم ہے،شہریوں کو احساس تحفظ دلانا ہے کہ ہم انکی سیکیورٹی کے لیے موجود ہیں۔ملکی صورتحال کے پیش نظر شرپسند عناصر پر کڑی نظر رکھیں اور الرٹ رہیں کیونکہ ہم الرٹ رہیں گے تو شرپسند عناصر اپنے مذموم مقاصد میں کامیاب نہیں ہوسکیں گے، سیکیورٹی فرائض میں غفلت و لا پرواہی بلکل برداشت نہیں جائے گی۔ انہوں نے ایس ڈی پی اوز اور ایس ایچ اوز کو اپنے اپنے ایریا میں مثر گشت اور سیکیورٹی انتظامات کے حوالے سے ہدایات بھی جاری کیں۔
ترجمان بہاولپور پولیس
**********************
ڈسٹرکٹ پولیس آفس / شعبہ تعلقات عامہ
پریس ریلیز(344) 23.06.23
بہاولپور( )ڈی پی او سید محمد عباس نے عید الضحی کی آمد کے پیش نظر ضلع بھر کے ایس ڈی پی اوز اور ایس ایچ اوز کو ضلعی انتظامیہ کی طرف سے منظور شدہ مویشی منڈیوں کی سکیورٹی کو یقینی بنانے کی ہدایت۔ پٹرولنگ کرنے والے پولیس افسران اپنے علاقوں کی مویشی منڈیوں کی سیکیورٹی چیکنگ کے ذمہ دار بھی ہوں گے، ڈی پی او
تفصیلات کے مطابق آئی جی پنجاب کی جاری کردہ ہدایات کی روشنی میں ڈسٹرکٹ پولیس آفیسر سید محمد عباس معاشرے کے ہر طبقہ کے جان ومال کے تحفظ کے لئے کمیونٹی پولیسنگ کی پالیسی کو جاری رکھے ہوئے ہیں، انہوں نے کہا کہ ضلع بھر کے ایس ڈی پی اوز خود نکلیں اپنے سرکلز میں واقع مویشی و بکرمنڈیوں کی سیکیورٹی چیک کریں اور سیکیورٹی انتظامات کا جائزہ لیں،پولیس پٹرولنگ پر جو افسران مامور ہوں گے وہ روزانہ کی بنیاد پر مویشی و بکر منڈیوں کی سیکیورٹی چیکنگ کے بھی ذمہ دار ہوں گے۔ ایس ایچ اوز ڈیوٹی پر مامور افسران و جوانوں کو ڈیوٹی کے متعلق مکمل بریف کریں ،منڈیوں میں جرائم پیشہ افراد پر کڑی نظر رکھی جائے ۔ ڈی پی او نے مزید ہدایت جاری کیں کہ اس موقع پر اکثر رش کی وجہ سے روڈ بلاک ہو جاتے ہیں ، ٹریفک پولیس آنے جانے والی ٹریفک کی روانی کو ہر صورت یقینی بنائے تاکہ عوام الناس کو کسی قسم کی دشواری پیش نہ آئے۔
ترجمان بہاول پور پولیس
************************
image
