ڈسٹرکٹ پولیس شعبہ تعلقات عامہ
پریس ریلیز(360)
مورخہ 04.07.23
بہاولپور( )ڈی پی او سید محمد عباس کے احکامات، تھانہ نوشہرہ جدید پولیس کی کامیاب کارروائی، چور گینگ کے دو ارکان گرفتار ، گرفتار ملزمان کے قبضہ سے لاکھوں روپے مالیت کے موٹر سائیکلز ، چوری شدہ بکریاں اور وارداتوں میں استعمال ہونے والا اسلحہ برآمد، ملزمان سے مزید تفتیش جاری ہے ۔معاشرے کے ایسے منفی عناصر کے خلاف مزید کارروائیاں جاری رکھی جائیں گی،ڈی پی او
تفصیلات کے مطابق آئی جی پنجاب کی جرائم کی سرکوبی کیلئے جاری ہدایات اور ڈی پی او بہاولپور سید محمد عباس کی سربراہی میں جرائم پیشہ عناصر کے خلاف جاری مہم میں بڑی کامیابیاں ملنے کا سلسلہ جاری ہے۔تھانہ نوشہرہ جدید پولیس نے جدید ٹیکنالوجی کا استعمال کرتے ہوئے مخصوص انفارمیشن پر ریڈ کرکے 02ملزمان محمد اسماعیل جوئیہ اور عابد رٹہ کو گرفتار کر لیا۔گرفتار ملزمان کے قبضہ سے تقریبا 03عدد موٹر سائیکل ، 03عدد بکریاں اور وارادت میں استعمال ہونے والا 01عدد پسٹل 30بور برآمد کر لیا۔ گرفتار ملزمان سے مزید تفتیش جاری ہے ۔ ڈی پی او سید محمد عباس نے اس موقع پر کہا کہ ایسے گھنائونے جرائم کرنے والے افراد کے خلاف اسی طرح کریک ڈان کرتے ہوئے مزید موثر کارروائیاں عمل میں لائی جائیں گی تاکہ معاشرے کو ایسے ناسور عناصر سے پاک کیا جاسکے۔ اور عوام الناس کو زیادہ سے زیادہ ریلیف مہیا کیا جا سکے۔
ترجمان بہاولپور پولیس
*******************
ڈسٹرکٹ پولیس شعبہ تعلقات عامہ
پریس ریلیز(361)
مورخہ 04.07.2023
بہاولپو( )پولیس کا جرائم پیشہ عناصر کے خلاف بھر پور کریک ڈاون، گزشتہ روز مختلف کارروائیوں میں 07 ملزمان گرفتار ۔گرفتار ملزمان سے بھاری مقدار میں ناجائز اسلحہ ، منشیات و شراب برآمد، ملزمان پابند سلاسل۔ جرائم پیشہ افراد کا تعاقب جاری رکھا جائیگا، ڈی پی او سید محمد عباس
تفصیلات کے مطابق ڈی پی او بہاولپور سید محمد عباس کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔ تھانہ ڈیرہ نواب صاحب ، تھانہ اوچ شریف اور تھانہ صدر یزمان پولیس نے ناجائز اسلحہ رکھنے والے 03 ملزمان محمد عطا ، امتیاز علی اور شان علی کو گرفتار کرکے ان کے قبضہ سے 03 عدد پسٹل 30 بور برآمد کرلئے۔اسی طرح تھانہ کینٹ اور تھانہ قائم پور پولیس نے منشیات فروشی کے مرتکب محمد عمران اور محمد شفیق کو گرفتار کرکے ان کے قبضہ سے 1070 گرام چرس برآمد کرلی ، جبکہ تھانہ بغداد الجدید پولیس نے محمد ارسلان کو 25 گرام کرسٹل آئس برآمد کر کے بند حوالات کیا ۔ تھانہ ڈیراور پولیس نے شراب فروشی کے مرتکب بالم رام کو گرفتار کرکے اس کے قبضہ سے 50 لیٹر دیسی شراب برآمد کرلی۔ گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔ اس موقع پر ڈی پی او سید محمد عباس نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، معاشرے کو ایسے ناسور عناصر سے پاک کرنا پولیس کی اولین ترجیح ہے۔
ترجمان بہاولپور پولیس
**********************
ڈسٹرکٹ پولیس شعبہ تعلقات عامہ
پریس ریلیز(362)
مورخہ 04.07.23
بہاولپور( )ڈی پی او سید محمد عباس کے احکامات، تھانہ کینٹ پولیس کی کامیاب کارروائی، مختلف وارداتوں میں ملوث زوار گینگ کا سرغنہ ساتھی سمیت گرفتار۔ملزمان کے قبضہ سے 09عدد موٹر سائیکل ، طلائی زیورات اور چوری شدہ رقم برآمد۔معاشرے کے ایسے منفی عناصر کے خلاف مزید کارروائیاں جاری رکھی جائیں گی،ڈی پی او
تفصیلات کے مطابق آئی جی پنجاب کی جرائم کی سرکوبی کیلئے جاری ہدایات اور ڈی پی او بہاولپور سید محمد عباس کی سربراہی میں جرائم پیشہ عناصر کے خلاف جاری مہم میں بڑی کامیابیاں ملنے کا سلسلہ جاری ہے۔ تھانہ کینٹ پولیس نے جدید ٹیکنالوجی کا استعمال کرتے ہوئے سپیشل ٹیم تشکیل دے کر زوار گینگ کے سرغنہ ماسٹر مائنڈ زوار کو ساتھی احسن سمیت حراست میں لے لیا۔ جن سے متعدد مقدمات ٹریس ہوے۔ گرفتار ملزمان کے قبضہ سے 09عدد موٹر سائیکل ، ایک تولہ طلائی زیورات اور ڈیڑھ لاکھ روپے برآمد کرلئے۔ گینگ کے دیگر ساتھیوں کے خلاف پولیس آپریشن جاری ہے۔ جن کو جلد گرفتار کر لیا جائے گا۔ پولیس نے مختلف مقدمات کی ریکوری مالکان کے حوالے کر دی۔ ڈی پی او سید محمد عباس نے اس موقع پر کہا کہ شہریوں کا لوٹا ہوا مال جرائم پیشہ افراد ریکور کرایا جا رہا ہے تاکہ شہریوں کو زیادہ سے زیادہ ریلیف مہیا کیا جا سکے۔ انہوں نے مزید کہا ایسے مجرموں کو ان کے منطقی انجام تک پہنچایا جائے گا تاکہ دوبارہ ایسے جرائم کرنے کی جرات نہ کریں۔
ترجمان بہاولپور پولیس
*******************
image
