ڈسٹرکٹ پولیس شعبہ تعلقات عامہ
پریس ریلیز(460)
مورخہ 24.08.2023
بہاولپور( )پولیس کا جرائم پیشہ عناصر کے خلاف بھرپور کریک ڈان، گزشتہ روز مختلف مقدمات میں متعدد ملزمان گرفتار۔ گرفتار ملزمان سے بھاری مقدار میں منشیات و شراب برآمد، ملزمان پابند سلاسل
تفصیلات کے مطابق آئی جی پنجاب کی جرائم کی سرکوبی کیلئے جاری ہدایات پر عملدرآمد کو یقینی بناتے ہوئے ڈی پی او بہاولپور سید محمد عباس کی طرف سے جرائم پیشہ عناصر کے خلاف جاری مہم میں بڑی کامیابیاں ملنے کا سلسلہ جاری ہے۔ایس ایچ او تھانہ صدر حاصل پور بلال قریشی نے سپیشل ٹیم تشکیل دے کر منشیات فروشی کے مرتکب 01ملزم سجاد ولد احمد خان کو گرفتار کرکے اس کے قبضہ سے 1150گرام چرس برآمد کرلی۔اسی طرح شراب فروشوں کے خلاف بھرپور کارروائیاں عمل میں لاتے ہوئے تھانہ کینٹ اور تھانہ سٹی احمد پور شرقیہ پولیس نے 02ملزمان ندیم اور صابر قریشی کو گرفتار کرکے ان کے قبضہ سے 75لیٹر دیسی شراب برآمد کرلی۔گرفتار ملزمان کے خلاف علیحدہ علیحدہ مقدمات درج کر کے مزید تفتیش شروع کر دی۔ اس موقع پر ڈی پی او بہاولپور سید محمد عباس نے اپنے پیغام میں کہا کہ منشیات سے نوجوانوں کی زندگیاں متاثر ہورہی ہیں لہذا ایسے گھنائونے جرائم کرنے والے جرائم پیشہ افراد کے خلاف اسی طرح کریک ڈان جاری رکھتے ہوئے مزید موثر کارروائیاں عمل میں لائی جائیں گی تاکہ معاشرے کو امن کا گہوارہ بنایا جائے۔
ترجمان بہاولپور پولیس
*********************
ڈسٹرکٹ پولیس آفس / شعبہ تعلقات عامہ
پریس ریلیز(461)
24-08-2023
بہاولپور( ) آئی جی پنجاب کے احکامات، ڈسٹرکٹ پولیس آفیسر سید محمد عباس کی ضلع بھر کے ایس ڈی پی اوز اور ایس ایچ اوز سے میٹنگ، منشیات فروشوں کی گرفتاریوں اور قانونی کاروائی کے حوالے سے ضلعی پولیس کو ٹاسک، منشیات فروشوں کے خلاف جاری مہم کو مزید تیز کیا جائے، روزانہ کی بنیاد پر ہر تھانے کی پراگریس چیک کی جائے گی۔ وہی ایس ایچ او کامیاب تصور ہوگا جس کے علاقہ سے منشیات کا خاتمہ ہوگا، ڈی پی او
تفصیلات کے مطابق انسپکٹر جنرل آف پولیس پنجاب کی منشیات فروشوں کی گرفتاریوں کے حوالے سے جاری مہم کے تحت، ریجنل پولیس آفیسر راے بابر سعید کی ہدایات اور ڈسٹرکٹ پولیس آفیسر سید محمد عباس کے احکامات کی روشنی میں بہاولپور پولیس نے رواں ماہ اگست میں منشیات فروشوں کے خلاف کارروائیاں عمل میں لاتے کل 99مقدمات درج کرکے 99 ملزمان کو گرفتار کیا اور ان کے قبضہ سے 52کلو 715 گرام چرس ، 82گرام آئس، 900گرام ہیروئن، 100گرام افیون،1886لیٹر شراب ،600لیٹر لہن اور 06عدد چالو بھٹیاں برآمد کیں۔ ڈسٹرکٹ پولیس آفیسر نے ایس ڈی پی اوز اور ایس ایچ اوز سے میٹنگ کرتے ہوئے کہا کہ جناب آئی جی پنجاب ڈاکٹر عثمان انور کے احکامات کی روشنی میں منشیات فروشوں کے خلاف جاری مہم کو مزید تیز کیا جائے، منشیات فروشوں کی فہرستیں تیار کی جائیں اور تکنیکی وسائل کو بروئے کار لاتے ہوئے گرفتار کر کے قانون کے کٹہرے میں لایا جائے۔ آئی ٹی کی ٹیمیں تھانوں کی سطح پر افسران سے تعاون کر کے ملزمان کی نقل و حرکت کا تعین کریں اور ہر ممکن وسائل کو استعمال کرتے ہوئے منشیات فروشی کا خاتمہ کیا جائے۔ میں خود روزانہ کی بنیاد پر تمام تھانوں کی پراگرس چیک کروں گا اور اس بابت ہر ایس ایچ او اپنی کارکردگی رپورٹ بھیجے گا۔ وہی آفیسر کامیاب تصور ہوگا جس کے علاقہ سے منشیات کا خاتمہ ہوگا۔ اچھی پرفارمنس والے افسران کو سرٹیفکیٹس اور انعامات تقسیم کیے جائیں گے جبکہ ناقص کارکردگی پر سخت بازپرس ہوگی۔ میٹنگ کے دوران ڈی پی او نے مزید ہدایات جاری کرتے ہوئے کہا کہ منشیات فروشوں کے خلاف خفیہ سٹنگ آپریشن بھی کیا جائے گا جس بھی تھانے کی حدود سے منشیات فروشی کا عمل ہو رہا ہوگا وہ اپنے آپ کو محکمانہ احتساب کیلئے تیار رکھے۔
ترجمان بہاولپور پولیس
*******************
image
