ڈسٹرکٹ پولیس آفس / شعبہ تعلقات عامہ
پریس ریلیز(469)
29-08-2023
بہاولپور( )وزیر اعلی پنجاب اور آئی جی پنجاب کے احکامات کی روشنی میں ضلع بھر میں منشیات فروشوں کے خلاف بھرپور کریک ڈاون کا سلسلہ جاری، گزشتہ 24 گھنٹے میں متعدد ملزمان گرفتار کرکے ان کے قبضہ سے بھاری مقدار میں شراب و منشیات برآمد کرلی۔ضلع بہاولپور کو منشیات سے پاک کرنے کا عزم۔ ڈی پی او سید محمد عباس
تفصیلات کے مطابق وزیر اعلی پنجاب اور انسپکٹر جنرل آف پولیس پنجاب کی طرف منشیات فروشوں کی سرکوبی کے لئے جاری کردہ احکامات کی روشنی میں ڈسٹرکٹ پولیس آفیسر سید محمد عباس نے ضلع بھر کے ایس ایچ اوز کو سپیشل ٹیمیں تشکیل دے کر منشیات فروشوں کی گرفتاری کا ٹاسک دیا تھا، جس کے نتیجہ میں بہاولپور پولیس نے منشیات فروشوں کے خلاف بھرپور ایکشن جاری ہے۔ گزشتہ 24گھنٹے میں 24مقدمات درج رجسٹرڈ کئے ۔گرفتار ملزمان کے قبضہ سے 1036لیٹر دیسی شراب،132لیٹر لہن ، 04عدد چالو بھٹیاں، 07کلو 190گرام چرس برآمد کرلی۔جبکہ گزشتہ 24گھنٹوں میں 08 منشیات کے عادی افراد کو برائے علاج معالجہ ہسپتال داخل کروایا گیا۔اس موقع پر ڈی پی او سید محمد عباس نے افسران کو ہدایات جاری کرتے ہوئے کہا کہ منشیات فروشوں کے خلاف خفیہ سٹنگ آپریشن کو مزید تیز کیا جائے۔منشیات مافیا کے خلاف بلا امتیاز کارروائیاں عمل میں لائی جائیں گی، خاص کر تعلیمی اداروں میں یہ فعل ہر گز برداشت نہیں کیا جائے گا۔ افسران بالا کے احکامات کے مطابق اپنی کارکردگی کو بہتر بنائیں۔ اس مہم میں تمام تر وسائل کو بروئے کار لاتے ہوئے مزید کارروائیاں عمل میں لائی جائیں۔ انہوں نے مزید کہا کہ منشیات ایک لعنت ہے جس کا بہاولپور سے خاتمہ ہر صورت یقینی بنایا جائے گا۔
ترجمان بہاولپور پولیس
******************
image
