PRESS RELEASE DATE 26.10.2023 (02 Files) شعبہ تعلقات عامہ پریس ریلیز

ڈسٹرکٹ پولیس شعبہ تعلقات عامہ 

پریس ریلیز(569)

مورخہ 26.10.2023

بہاولپور(          )  ڈی پی او سید محمد عباس کی کمانڈ میں بہاولپور پولیس کو جرائم پیشہ افراد کے خلاف کامیابیاں ملنے کا سلسلہ جاری، تھانہ سٹی حاصل پور پولیس کی کامیاب کارروائی، آصف لنڈا گینگ کا سرغنہ اپنے ساتھی سمیت گرفتار۔لاکھوں مالیت کے چوری شدہ موٹر سائیکل برآمد کرکے اصل مالکان کے حوالے کئے جارہے ہیں۔عوام الناس کو لوٹنے والے کسی رعائت کے مستحق نہیں، ڈی پی او

تفصیل کے مطابق ڈی پی او بہاولپور سید محمد عباس کی کمانڈ میں شہریوں کو ریلیف مہیا کرنے کا سلسلہ جاری ہے۔ تھانہ سٹی حاصل پور پولیس نے جدید ٹیکنالوجی کے استعمال اور موثر حکمت عملی سے اسپیشل ٹیمیں تشکیل دے کر موٹر سائیکل چوری کی وارداتوں میں ملوث آصف لنڈا گینگ کے 02کارندوں آصف اور عرفان کو گرفتار کرکے ان کے قبضہ سے چوری شدہ لاکھوں روپے مالیت کی 09عدد موٹر سائیکلز برآمد کرلیے۔ گرفتار ملزمان سے مزید انٹیروگیشن جاری ہے ، جلد گینگ کے باقی ساتھیوں کو بھی گرفتار کرلیا جائے گا ۔ برآمد شدہ موٹرسائیکلز ضروری کارروائی کے بعد اصل مالکان کے حوالے کی جارہی ہیں۔ ڈی پی او سید محمد عباس نے اس موقع پر بات کرتے ہوئے کہا کہ شہریوں کا لوٹا ہوا مال ریکور کرایا جا رہا ہے تاکہ شہریوں کو زیادہ سے زیادہ ریلیف مہیا کیا جا سکے۔ ڈی پی او سید محمد عباس نے بہترین کارکردگی پر تھانہ سٹی حاصل پور پولیس کو شاباش دی۔

ترجمان بہاولپور پولیس

*******************

ڈسٹرکٹ پولیس شعبہ تعلقات عامہ

 پریس ریلیز(570)

مورخہ 26.10.2023

بہاولپور( )پولیس کا جرائم پیشہ عناصر کے خلاف بھر پور کریک ڈائون، منشیات فروشوں کے خلاف تھانہ سول لائینز کی کامیاب کارروائی 02ملزمان گرفتار ، بھاری مقدار میں منشیات برآمد، ملزمان پابند سلاسل۔ جرائم پیشہ افراد کا تعاقب جاری رکھا جائیگا، ڈی پی او سید محمد عباس

تفصیلات کے مطابق ڈی پی او بہاولپور سید محمد عباس کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔ تھانہ سول لائینز پولیس نے منشیات فروشوں کے خلاف بھرپور کارروائیاں عمل میں لاتے ہوئے سپیشل ٹیمیں تشکیل دے کر 02ملزمان آصف قریشی عرف بچھو اور محمد بخش عرف مما کو گرفتار کرکے ان کے قبضہ سے 02کلو 400 گرام چرس اور 02کلو 200گرام افیون برآمد کرلی۔ گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔ اس موقع پر ڈی پی او سید محمد عباس نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، منشیات ایک لعنت ہے، معاشرے کو ایسے ناسور عناصر سے پاک کرنا پولیس کی اولین ترجیح ہے۔ بہترین کارروائی پر ڈی پی او سید محمد عباس نے تھانہ سول لائنز پولیس کو سراہا۔

 ترجمان بہاولپور پولیس

******************