ڈسٹرکٹ پولیس شعبہ تعلقات عامہ
پریس ریلیز(587)
مورخہ 04.11.2023
بہاولپور( )پولیس کا جرائم پیشہ عناصر کے خلاف بھر پور کریک ڈاون، گزشتہ 02 روز کی مختلف کارروائیوں میں 19ملزمان گرفتار ۔گرفتار ملزمان سے بھاری مقدار میں منشیات، شراب وناجائز اسلحہ برآمد، ملزمان پابند سلاسل۔ جرائم پیشہ افراد کا تعاقب جاری رکھا جائیگا، ڈی پی او سید محمد عباس
تفصیلات کے مطابق ڈی پی او بہاولپور سید محمد عباس کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔ تھانہ صدر بہاولپور، تھانہ اوچشریف، تھانہ سمہ سٹہ، تھانہ ڈیروار اور تھانہ قائم پور پولیس نے شراب فروشوں کے خلاف کارروائیاں عمل میں لاتے ہوئے 08ملزمان دانش مسیح، فرید، رمضان، راشد، مظہر خان، فقیر حسین، صدیق اور شاہد کو گرفتار کرکے ان کے قبضہ سے 524لیٹر شراب برآمد کرلی۔ اسی طرح منشیات فروشوں کے گرد گھیرا تنگ کرتے ہوئے تھانہ صدر بہاولپور، تھانہ عباسنگر، تھانہ صدر حاصل پور، تھانہ اوچشریف اور تھانہ ہیڈ راجکاں پولیس نے 06 ملزمان شہزاد، آصف، شہباز، الیاس، ادریس اور اختر کو گرفتار کرکے ان کے قبضہ سے 08کلو 700گرام چرس برآمد کرلی۔ جبکہ اسلحہ ناجائز رکھنے والوں کے خلاف بھرپور کارروائیاں عمل میں لاتے ہوئے تھانہ سول لائینز، تھانہ کینٹ، تھانہ صدر حاصل پور اور تھانہ ڈیراور پولیس نے 05ملزمان علی حسنین، آصف، ادریس، اختر اور عمر فاروق کو گرفتار کرکے ان کے قبضہ سے 04 عدد پسٹل 30بور اور 01عدد رائفل 44بوربرآمد کرلی۔ گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔ اس موقع پر ڈی پی او سید محمد عباس نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، شراب اور منشیات ایک لعنت ہے، معاشرے کو ایسے ناسور عناصر سے پاک کرنا پولیس کی اولین ترجیح ہے۔
ترجمان بہاولپور پولیس
***********************
image
