ڈسٹرکٹ پولیس شعبہ تعلقات عامہ
پریس ریلیز(629)
مورخہ 25.11.2023
بہاول پور( )ڈسٹرکٹ پولیس آفیسر سید محمد عباس کے احکامات ، گزشتہ روز مختلف کارروائیوں میں متعددملزمان گرفتار۔گرفتار ملزمان سے بھاری مقدار میں شراب،منشیات و اسلحہ ناجائز برآمد، ملزمان پابند سلاسل۔ جرائم پیشہ افراد کا تعاقب جاری رکھا جائیگا، ڈی پی او سید محمد عباس
تفصیلات کے مطابق ڈی پی او بہاولپور سید محمد عباس کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔ شراب فروشوں کے خلاف کامیاب کارروائی عمل میں لاتے ہوئے تھانہ سول لائینز اور تھانہ سٹی یزمان پولیس نے 03ملزمان طلحہ عمر، ساجد محمود اور راشد قدیر کو گرفتار کرکے اس کے قبضہ سے 135لیٹر شراب برآمد کرلی۔اسی طرح منشیات فروشوں کے خلاف گھیرا تنگ کرتے ہوئے تھانہ دھوڑ کوٹ اور تھانہ سٹی حاصلپور پولیس نے 02ملزمان غلام یسین اور ریاض عرف راجو کو گرفتار کرکے ان کے قبضہ سے 1200گرام چرس اور 2400گرام بھنگ برآمد کرلی۔جبکہ تھانہ عباس نگر ، تھانہ سٹی احمد پور شرقیہ اور تھانہ صدر حاصل پور پولیس نے اسلحہ ناجائز رکھنے والوں کے خلاف ایکشن لیتے ہوئے 03 ملزمان زبیر، نادر اور عمر فاروق کو گرفتار کرکے ان کے قبضہ سے 02عدد پسٹل 30بور اور 01عدد ریوالور 32بور برآمد کرلیا۔ گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔ اس موقع پر ڈی پی او سید محمد عباس نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، شراب، منشیات کے ساتھ ساتھ اسلحہ ناجائز رکھنے والوں کے خلاف جاری آپریشن کو مزید تیز کیا جارہا ہے، معاشرے کو ایسے ناسور عناصر سے پاک کرنا پولیس کی اولین ترجیح ہے۔
ترجمان بہاولپور پولیس
********************
image
