ڈسٹرکٹ پولیس شعبہ تعلقات عامہ
پریس ریلیز(259)
مورخہ 10.05.24
بہاول پور( )ڈسٹرکٹ پولیس آفیسر اسد سرفراز خان کی زیر کمانڈ جرائم پیشہ افراد کے خلاف گرینڈ آپریشن جاری، گزشتہ دو روز کی مختلف کارروائیوں میں 34ملزمان گرفتار۔ بھاری مقدار میں شراب،منشیات و اسلحہ ناجائز برآمد۔ جرائم پیشہ افراد کے خلاف جاری کارروائیوں کو مزید تیز کیا جارہا ہے ، ڈی پی او اسد سرفراز خان
تفصیلات کے مطابق ڈی پی او اسد سرفراز خان کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔تھانہ بغداد، صدر بہاولپور، سمہ سٹہ،مسافر خانہ، سٹی و صدر احمد پور شرقیہ،ہیڈ راجکاں، عنائتی، خیر پور ٹامیوالی، سٹی حاصل پور اور تھانہ سٹی یزمان پولیس نے شراب فروشوں کے خلاف بھرپور کارروائیاں عمل میں لاتے ہوئے 17ملزمان کو گرفتار کرکے ان کے قبضہ سے 616لیٹر شراب اور چالو بھٹیاں برآمد کرلیں۔اسی طرح منشیات فروشوں کے خلاف ایکشن لیتے ہوئے تھانہ سول لائینز، بغدادالجدید، سمہ سٹہ، سٹی احمد پور شرقیہ اور تھانہ اوچشریف پولیس نے 05ملزمان کو گرفتار کرکے ان کے قبضہ سے 05کلو 120گرام چرس اور 15کلو بھنگ برآمد کرلی۔ جبکہ اسلحہ ناجائز رکھنے والوں کے خلاف گھیرا تنگ کرتے ہوئے تھانہ سول لائینز، سمہ سٹہ ، ڈیراور، سٹی و صدر حاصل پور ، صدر احمد پور شرقیہ اور تھانہ عنائتی پولیس نے 12ملزمان کو گرفتار کرکے ان کے قبضہ 01عدد رائفل 44بور، 08عدد پسٹل 30بور،01عدد بندوق 12بور اور 02عدد ریوالور 32 بور برآمد کرلئے۔ پولیس نے گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔اس موقع پر ڈی پی او اسد سرفراز خان نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، انہوں نے مزید کہا کہ جرائم پیشہ افراد کا تعاقب جاری رکھا جائے گا۔
ترجمان بہاولپور پولیس
************************
ڈسٹرکٹ پولیس آفس بہاولپور / شعبہ تعلقات عامہ
پریس ریلیز(260)
10.05.24
بہاول پور( )ڈی پی او اسد سرفراز خان کے احکامات، جمعتہ المبارک کے روز ایس ڈی پی اوز اور ایس ایچ اوز کے سیکیورٹی کے حوالے سے مساجد اور امام بارگاہوں کے وزٹ، موجودہ ملکی صورتحال کے پیش نظر ڈیوٹی پر مامور اہلکاروں کو الرٹ رہنے کی ہدایت، سیکیورٹی فرائض میں غفلت ہرگز برداشت نہیں کی جائے گی، ڈسٹرکٹ پولیس آفیسر اسد سرفراز خان
تفصیلات کے مطابق انسپکٹر جنرل آف پولیس پنجاب کے احکامات اور ڈی پی او اسد سرفراز خان کی ہدایت پر عمل پیرا ہوتے ہوئے ایس ڈی پی اوز نے اپنے سرکل جبکہ ایس ایچ اوز نے اپنے اپنے تھانہ جات کی حدود میں جمعتہ المبارک کے حوالے سے مساجد اور امام بارگاہوں کی سیکیورٹی ڈیوٹی پر مامور افسران و جوانوں کو چیک کیا۔سیکیورٹی پر مامور جوانوں کے پاس موجود اسلحہ اور حفاظتی انتظامات کا جائزہ لیا۔ موجودہ ملکی صورتحال کے پیش نظر جوانوں کو الرٹ رہ کر ڈیوٹی سرانجام دینے کی ہدایت کی۔ڈی پی او اسد سرفراز خان نے اپنے پیغام میں کہا ہے کہ ہمارا فرض بہت اہم ہے،شہریوں کو احساس تحفظ دلانا ہے کہ ہم انکی سیکیورٹی کے لیے موجود ہیں۔ ملکی صورتحال کے پیش نظر شرپسند عناصر پر کڑی نظر رکھیں اور الرٹ رہیں کیونکہ ہم الرٹ رہیں گے تو شرپسند عناصر اپنے مذموم مقاصد میں کامیاب نہیں ہوسکیں گے۔ سیکیورٹی فرائض میں غفلت و لا پرواہی بلکل برداشت نہیں کی جائے گی۔ انہوں نے ایس ڈی پی اوز اور ایس ایچ اوز کو اپنے اپنے ایریا میں موثر گشت اور سیکیورٹی انتظامات کے حوالے سے ہدایات بھی جاری کیں۔
ترجمان بہاولپور پولیس
***********************
ڈسٹرکٹ پولیس آفس / شعبہ تعلقات عامہ
پریس ریلیز(261)
10.05.24
بہاول پور( ) ڈسٹرکٹ پولیس آفیسر اسد سرفراز خان کے احکامات، تھانہ ڈیراور پولیس کی شراب ڈیلر کے خلاف کامیاب کارروائی ،شراب کی بڑی کھیپ برآمد، بدنام زمانہ شراب سمگلر گرفتار، مقدمہ درج۔ منشیات و شراب فروشوں کے خلاف کارروائیوں کو مزید تیز کیا جا رہا ہے، ڈی پی او اسد سرفراز خان
تفصیلات کے مطابق انسپکٹر جنرل آف پولیس پنجاب کی طرف سے سماج دشمن عناصر کی سرکوبی کے لئے جاری کردہ احکامات کی روشنی میں ڈسٹرکٹ پولیس آفیسر اسد سرفراز خان کی زیر کمانڈ ایس ایچ او تھانہ ڈیراور نے خفیہ انفارمیشن پر سپیشل ٹیم تشکیل دے کر شراب کی بڑی سپلائی ناکام بناتے ہوئے ڈیلر کی زیر سواری کار سے بھاری مقدار میں شراب برآمد کر لی۔پولیس نے شراب کے ڈیلر رانا شہباز جو کہ ملتان کا رہائشی ہے کو گرفتار کر لیا۔ ملزم کے زیر سواری کار ایکس ایل آئی سے 48بوتلیں ولائتی شراب، 96عدد ٹین پیک بیئر اور 500عدد کپی برآمد کر لیں، ملزم شراب ملتان سے لا کر ڈیراور، یزمان و مضافات میں سپلائی کرتا تھا۔ پولیس نے گرفتار ملزم کے خلاف مقدمہ درج کرکے تفتیش شروع کر دی۔ گرفتار ملزم کے زیر سواری گاڑی بھی قبضہ پولیس میں لے لی گئی۔ڈی پی او سرفراز خان نے اس حوالے سے بات کرتے ہوئے کہا کہ ڈیراور پولیس نے نوجوان نسل کو بڑی تباہی سے بچا لیا۔ گرفتار شراب کے ڈیلر کے دیگر نیٹ ورک کو بھی بے نقاب کرتے ہوئے قانون کے کٹہرے میں لایا جائے گا۔بہترین کارکردگی پر ڈی پی او اسد سرفراز خان نے ایس ایچ او تھانہ ڈیراور اور ان کی ٹیم کو شاباش دی۔
ترجمان بہاولپور پولیس
