ڈسٹرکٹ پولیس شعبہ تعلقات عامہ
پریس ریلیز(272)
مورخہ 15.05.24
بہاول پور( )ڈسٹرکٹ پولیس آفیسر اسد سرفراز خان کی زیر کمانڈ جرائم پیشہ افراد کے خلاف گرینڈ آپریشن جاری، گزشتہ روز کی مختلف کارروائیوں میں 12ملزمان گرفتار۔ بھاری مقدار میں شراب، منشیات و اسلحہ ناجائز برآمد۔ جرائم پیشہ افراد کے خلاف جاری کارروائیوں کو مزید تیز کیا جارہا ہے ، ڈی پی او اسد سرفراز خان
تفصیلات کے مطابق ڈی پی او اسد سرفراز خان کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔تھانہ سول لائینز ،صدر بہاولپور، مسافرخانہ، ہیڈ راجکاں اور تھانہ خیر پور ٹامیوالی پولیس نے شراب فروشوں کے خلاف بھر پور کارروائیاں عمل میں لاتے ہوئے 05ملزمان ذیشان، مشتاق، وسیم اسلم، صغیر اور حق نواز کو گرفتار کرکے ان کے قبضہ سے 126لیٹر شراب برآمد کرلی۔اسی طرح منشیات فروشوں کے خلاف ایکشن لیتے ہوئے تھانہ سول لائینز اور تھانہ سٹی احمد پور شرقیہ پولیس نے 02ملزمان اختر اور اکمل کو گرفتار کرکے ان کے قبضہ سے 01کلو سے زائد چرس اور 15کلو بھنگ برآمد کرلی۔ جبکہ اسلحہ ناجائز رکھنے والوں کے خلاف گھیرا تنگ کرتے ہوئے تھانہ سول لائینز، بغدادالجدید، سمہ سٹہ اور خیر پور ٹامیوالی پولیس نے 05ملزمان یونس، عابد، بلال،عمران اور خالد کو گرفتار کرکے ان کے قبضہ سے 02عدد پسٹل 30 بور،01عدد رائفل، 01عدد ریوالور 32بور اور 01عدد رپیٹر 12بور برآمد کرلیا۔ پولیس نے گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔اس موقع پر ڈی پی او اسد سرفراز خان نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، انہوں نے مزید کہا کہ جرائم پیشہ افراد کا تعاقب جاری رکھا جائے گا۔
ترجمان بہاولپور پولیس
