ڈسٹرکٹ پولیس شعبہ تعلقات عامہ
پریس ریلیز(327)
مورخہ 11.06.24
بہاول پور( )ڈسٹرکٹ پولیس آفیسر اسد سرفراز خان کی زیر کمانڈ جرائم پیشہ افراد کے خلاف گرینڈ آپریشن جاری، گزشتہ روز کی مختلف کارروائیوں میں 11ملزمان گرفتار۔ بھاری مقدار میں شراب، منشیات و اسلحہ ناجائز برآمد۔ جرائم پیشہ افراد کے خلاف جاری کارروائیوں کو مزید تیز کیا جارہا ہے ، ڈی پی او اسد سرفراز خان
تفصیلات کے مطابق ڈی پی او اسد سرفراز خان کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔تھانہ سٹی احمد پور شرقیہ اور تھانہ سٹی یزمان پولیس نے شراب فروشوں کے خلاف بھر پور کارروائیاں عمل میں لاتے ہوئے 03ملزمان ارشد ، طاہر بھٹہ اور ثنا اللہ کو گرفتار کرکے ان کے قبضہ سے 150لیٹر شراب برآمد کرلی۔اسی طرح تھانہ خیر پور ٹامیوالی ، تھانہ قائم پور اور تھانہ سول لائینز پولیس نے منشیات فروشوں کے خلاف کارروائیاں عمل میں لاتے ہوئے 03ملزمان آصف، امداد اللہ خان اور علی رضا کو گرفتار کرکے ان کے قبضہ سے 02کلو 600گرام چرس اور 11کلو گرام بھنگ برآمد کرلی۔جبکہ اسلحہ ناجائز رکھنے والوں کے خلاف گھیرا تنگ کرتے ہوئے تھانہ بغدادالجدید، کینٹ، صدر بہاولپور، عباس نگر اور تھانہ اوچشریف پولیس نے 05ملزمان جعفر رزاق ،وجاہت، احمد، مقبول اور ابوبکر کو گرفتار کرکے ان کے قبضہ 03عدد پسٹل 30بور اور 02عدد رپیٹر 12بور برآمد کرلیے۔ پولیس نے گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔اس موقع پر ڈی پی او اسد سرفراز خان نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، انہوں نے مزید کہا کہ جرائم پیشہ افراد کا تعاقب جاری رکھا جائے گا۔
ترجمان بہاولپور پولیس
************************
ڈسٹرکٹ پولیس آفس / شعبہ تعلقات عامہ
پریس ریلیز(328)
11.06.24
بہاولپور( )ڈسٹرکٹ پولیس آفیسر اسد سرفراز خان کا شہریوں کے مسائل ترجیحی بنیادوں پر حل کرنے کیلئے روزانہ کی بنیاد پر اپنے دفتر میں کھلی کچہری کا انعقاد، 20سے زائد شہریوں نے اپنے مسائل ڈی پی او کے سامنے رکھے۔ پراپرٹی کے مقدمات میں جلد ریکوری کرکے رپورٹ پیش کریں، تاخیر کسی صورت برداشت نہیں کی جائے گی، شہریوں کے مسائل حل کرنے کیلئے ہر ممکن وسائل کو بروئے کار لایا جا رہا ہے ،ڈی پی او اسد سرفراز خان
تفصیلات کے مطابق وزیر اعلی پنجاب اور انسپکٹر جنرل آف پولیس پنجاب کے ویژن اور احکامات کی روشنی میں ڈی پی او اسد سرفراز خان کی روزانہ کی بنیاد پر اپنے دفتر میں کھلی کچہری کے دوران 20سے زائد شہریوں کے مسائل دریافت کئے۔ ڈی پی او اسد سرفراز خان نے کھلی کچہری میں تمام سائلین کو باری باری تفصیل سے سنا اور انفرادی طور پر متعلقہ افسران کو بذریعہ فون کال بروقت قانونی کارروائی اور واپسی رپورٹ کے احکامات جاری کیے جبکہ متعدد ایس ایچ اوز کو کھلی کچہری میں طلب کر کے براہ راست جواب طلبی کی۔ کھلی کچہری میں ڈی پی او اسد سرفراز خان نے متعدد سائلین کی درخواستوں پر انکوائریوں کا حکم دیا اور متعدد پر ایس ایچ اوز اور تفتیشی افسران سے کھلی کچہری میں متعلقہ شہری کی موجودگی میں مقدمات کی پراگریس لی۔ ریکوری کے مقدمات میں ڈی پی او اسد سرفراز خان نے تفتیشی افسران کو حکم دیا ایک ہفتے کے اندر اندر ریکوری کرکے مدعی مقدمہ کے حوالے کر کے رپورٹ جمع کروائیں۔ ڈی پی او اسد سرفراز خان نے کھلی کچہری میں شہریوں سے بات کرتے ہوئے کہا کہ کھلی کچہری کا مقصد ہیکہ شہریوں اور پولیس افسران کے درمیان خلیج نہ رہے اور تمام جائز مسائل بروقت میرٹ پر حل ہوں۔انہوں نے مزید کہا کہ مقدمات کو طے شدہ ضابطہ کے مطابق بر وقت یکسو نہ کرنا اور شہریوں کو انصاف فراہم نہ کرنے والے افسران سے جواب طلبی کی جا رہی ہے، سرکل اور تھانہ جات میں موجود افسران شہریوں کو پہلی فرصت میں انصاف فراہم کریں۔انہوں نے ایس ڈی پی اوز اور ایس ایچ اوز کو ہدایات جاری کرتے ہوئے کہا کہ عوام الناس کے مسائل ان کی دہلیز پر ہی حل کیے جائیں اور یہی ہمارا اولین فرض بھی ہے۔
ترجمان بہاولپور پولیس
***********************
ڈسٹرکٹ پولیس آفس / شعبہ تعلقات عامہ
پریس ریلیز(329)
11.06.24
بہاول پور( )ڈسٹرکٹ پولیس آفیسر اسد سرفراز خان کے احکامات ، تھانہ سول لائینز پولیس کا قحبہ خانہ پر چھاپہ ، نائیکہ سمیت 09مرد و خواتین گرفتار،قحبہ خانہ کی نائیکہ سے منشیات بھی برآمد۔ معاشرتی برائیوں کا خاتمہ ہی پر امن معاشرے کی ضمانت ہے ، ڈی پی او اسد سرفراز خان
تفصیلات کے مطابق انسپکٹر جنرل آف پولیس پنجاب کی پالیسی ''جرائم سے پاک معاشرہ''پر عمل پیرا ہوتے ہوئے ڈسٹرکٹ پولیس آفیسر اسد سرفراز خان کی ہدایات کے مطابق تھانہ سول لائینز پولیس جرائم پیشہ عناصر کے خلاف کریک ڈائون جاری رکھے ہوئے ہے۔پولیس نے برائی کے اڈے پر ریڈ کرکے نائیکہ ریحانہ کوثر کو بذریعہ لیڈی کنسٹیبل گرفتار کرلیا۔ گرفتار ملزمہ کے قبضہ سے 25گرام کرسٹل آئس برآمد کرلی۔ اسی طرح قحبہ خانہ کے دیگر کمروں سے رنگ رلیاں مناتے ہوئے 04مرد ممتاز، طارق، مصطفی اور محبوب کو گرفتار کرلیا جبکہ 04خواتین سونیا بی بی، فیض بی بی ، سونیا بی بی اور شہناز کی گرفتاری بذریعہ لیڈی کنسٹیبل عمل میں لائی گئی۔ تمام گرفتار ملزمان کے خلاف مقدمہ درج کرکے تفتیش شروع کردی ۔ اس حوالے سے ڈی پی او بہاولپور نے اپنے پیغام میں کہا کہ معاشرتی برائیوں کا خاتمہ ہی پرامن معاشرے کی ضمانت ہے۔
ترجمان بہاولپور پولیس
*********************
image
