ڈسٹرکٹ پولیس شعبہ تعلقات عامہ
پریس ریلیز(342)
مورخہ 22.06.24
بہاول پور( )ڈسٹرکٹ پولیس آفیسر اسد سرفراز خان کی زیر کمانڈ جرائم پیشہ افراد کے خلاف گرینڈ آپریشن جاری، گزشتہ روز کی مختلف کارروائیوں میں 10ملزمان گرفتار۔ بھاری مقدار میں شراب، منشیات و اسلحہ ناجائز برآمد۔ جرائم پیشہ افراد کے خلاف جاری کارروائیوں کو مزید تیز کیا جارہا ہے ، ڈی پی او اسد سرفراز خان
تفصیلات کے مطابق ڈی پی او اسد سرفراز خان کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔تھانہ کوتوالی، کینٹ،صدربہاولپور، صدر احمد پور شرقیہ،اوچشریف اور تھانہ سٹی حاصل پور پولیس نے شراب فروشوں کے خلاف بھر پور کارروائیاں عمل میں لاتے ہوئے 06ملزمان سراج احمد، عمانوائل مسیح، ظہوراحمد ، عباس، آکاش اور شہزاد کو گرفتار کرکے ان کے قبضہ سے 341لیٹردیسی شراب اور 02عدد چالو بھٹیاں برآمد کرلیں۔اسی طرح تھانہ نوشہرہ جدید پولیس نے منشیات فروشی کے مرتکب 01ملزم صابر کو گرفتار کرکے اس کے قبضہ سے 150گرام چرس برآمد کرلی۔جبکہ اسلحہ ناجائز رکھنے والوں کے خلاف گھیرا تنگ کرتے ہوئے تھانہ صدر بہاولپور،چنی گوٹھ اور تھانہ قائم پور پولیس نے 03ملزمان اکبر، عابد حسین اور اسلم کو گرفتار کرکے ان کے قبضہ 03عدد پسٹل 30بور برآمد کرلیے۔ پولیس نے گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔اس موقع پر ڈی پی او اسد سرفراز خان نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، انہوں نے مزید کہا کہ جرائم پیشہ افراد کا تعاقب جاری رکھا جائے گا۔
ترجمان بہاولپور پولیس
****************
