ڈسٹرکٹ پولیس شعبہ تعلقات عامہ
پریس ریلیز(368)
مورخہ 08.07.24
بہاول پور( )ڈسٹرکٹ پولیس آفیسر اسد سرفراز خان کی زیر کمانڈ جرائم پیشہ افراد کے خلاف گرینڈ آپریشن جاری، گزشتہ روز کی مختلف کارروائیوں میں 12ملزمان گرفتار۔ بھاری مقدار میں شراب، منشیات و اسلحہ ناجائز برآمد۔ جرائم پیشہ افراد کے خلاف جاری کارروائیوں کو مزید تیز کیاجائے، روزانہ کی بنیاد پر ہر تھانے کی پراگرس چیک کی جا رہی ہے، ڈی پی او اسد سرفراز خان
تفصیلات کے مطابق ڈی پی او اسد سرفراز خان کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔ تھانہ صدر احمد پور شرقیہ اور تھانہ عنائتی پولیس نے شراب فروشوں کے خلاف کارروائیاں عمل میں لاتے ہوئے 02ملزمان کو گرفتار کرکے انکے قبضہ سے 70لیٹر شراب برآمد کرلی۔اسی طرح تھانہ ہیڈ راجکاں پولیس نے منشیات فروشوں کے خلاف کارروائیاں کرتے ہوئے03ملزمان کو گرفتار کرکے ان کے قبضہ سے 2260گرام چرس اور 600گرام ہیروئن برآمد کرلی۔جبکہ اسلحہ ناجائز رکھنے والوں کے خلاف گھیرا تنگ کرتے ہوئے تھانہ کوتوالی، سٹی یزمان، ڈیراور ، عنائتی اور تھانہ خیرپورٹامیوالی پولیس نے 08ملزمان کو گرفتار کرکے ان کے قبضہ سے05عدد پسٹل 30بور،01عدد رپیٹر 12بور،01عدد کاربین12بور اور 01عدد ریوالور 32بور برآمد کرلیا۔ پولیس نے گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔اس موقع پر ڈی پی او اسد سرفراز خان نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، انہوں نے مزید کہا کہ جرائم پیشہ افراد کا تعاقب جاری رکھا جائے گا۔
ترجمان بہاولپور پولیس
*********************
ڈسٹرکٹ پولیس شعبہ تعلقات عامہ
پریس ریلیز(369)
08.07.24
بہاول پور( )ڈسٹرکٹ پولیس آفیسراسد سرفرازخان کے احکامات ، تھانہ سٹی یزمان پولیس کی منشیات فروشوں کے خلاف کارروائیاں، متعدد منشیات فروش گرفتار ،بھاری مقدار میں منشیات برآمد، ملزم پابند سلاسل۔ جرائم پیشہ افراد کا تعاقب جاری رکھا جائیگا، ڈی پی او اسد سرفرازخان
تفصیلات کے مطابق ڈی پی او بہاولپور اسد سرفرازخان کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔ تھانہ سٹی یزمان پولیس نے سپیشل ٹیمیں تشکیل دے کر منشیات فروشوں کے خلاف بھرپورکارروائیاں عمل میں لاتے ہوئے 05ملزمان صفدر علی، غلام مرتضیٰ،قاسم علی، ارشد علی اور جمشید عرف اسامہ کوگرفتار کرکے ان کے قبضہ سے 05کلو 220گرام چرس اور 155گرام کرسٹل آئس برآمد کرلی۔گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔ اس موقع پر ڈی پی او اسد سرفرازخان نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، معاشرے کو ایسے ناسور عناصر سے پاک کرنا پولیس کی اولین ترجیح ہے۔ڈی پی او بہاولپور نے منشیات فروشوں کے خلاف بھرپور کارروائیاں کرنے پر ایس ایچ او تھانہ سٹی یزمان اور ان کی ٹیم کو شاباش دی۔
ترجمان بہاولپور پولیس
*********************