ڈسٹرکٹ پولیس آفس / شعبہ تعلقات عامہ
پریس ریلیز(409)
04.08.2024
4 اگست// یوم شہدا پولیس// بہاولپور پولیس کے شہداء کو سلام، ڈسٹرکٹ پولیس آفیسر اسد سرفرازخان کی یادگار شہداء پر حاضری، شہدا ء کو خراج عقیدت پیش کرنے کیلئے پروقار تقریب کا اہتمام شہدا ء کی لازوال قربانیوں کو ہمیشہ یاد رکھا جائیگا،شہدا ء نے ہمارے روشن کل کی خاطر اپنا آج قربان کر دیا،ڈپٹی ا سپیکر بہاولپورملک ظہیراقبال چنڑ۔ہم اپنے شہدا پولیس کو یاد کرکے یہ عہد کرتے ہیں کہ ملک وقوم کی خاطر کسی قربانی سے دریغ اور اپنے فرائض کی انجام دہی میں کسی قسم کی کوتاہی نہیں کریں گے، یوم شہدا پولیس ہمیں عظیم قربانیوں کی یاد دلاتا ہے،ہم کوئی شہادت بھولے نہیں، ڈسٹرکٹ پولیس آفیسر بہاولپور اسد سرفرازخان
مہمانان گرامی نے اپنے اپنے خیالات کا اظہار کیا اور شہدا کو خراج عقیدت پیش کیا۔
بہاولپور( )تفصیلات کے مطابق آئی جی پنجاب ڈاکٹر عثمان انور کے ا حکامات کی روشنی میں پولیس لائنز بہاولپور میں یوم شہدا پولیس منایا گیا۔تقریب کا آغاز یاد گارِ شہدا پر سلامی سے ہوا ڈسٹرکٹ پولیس آفیسراسد سرفرازخان نے یاد گار شہدا پر پھولوں کی چادر چڑھائی اور فاتحہ خوانی کی ۔بعد ازاں تقریب کا باقاعدہ آغازاسلامیہ یونیورسٹی بغداد کیمپس کے فکیلٹی آف کیمیکل بیالوجیکل سائنس ہال میں تلاوت کلام پاک اور نعت رسول مقبولﷺ سے ہوا۔ تقریب میںشہداء پولیس کی فیملیز کے ساتھ ساتھ ڈپٹی سپیکرملک ظہیراقبال چنڑ، بریگیڈیئر محمد علی ،سینئر آرمی افسران،چیمبر آف کامرس، انجمن تاجران،سول سوسائٹی اور میڈیا کمیونٹی کی خصوصی شرکت۔ یوم شہدا ء پولیس کی تقریب کے حوالے سے ڈپٹی سپیکر نے اپنے پیغام میں کہا کہ آج کا دن ہمیں اپنے ان شہیدوں کی عظیم قربانیوں کی یاد دلاتا ہے اور ہم انہیں خراج تحسین پیش کرتے ہوئے اس عزم کا اعادہ کرتے ہیں کہ ہم ان کی عظیم قربانیوں کو رائیگاں نہیں جانیں دیں گے۔میں ان مائوں کو سلام پیش کرتا ہوں جنہوں نے فرض کی خاطر اس قوم کی خاطر اپنے لخت جگر قربان کئے۔تقریب سے خطاب کرتے ہوئے ڈسٹرکٹ پولیس آفیسر نے کہا کہ آج ہم اپنے شہدا ء پولیس کو یاد کرکے یہ عہد کرتے ہیں کہ ملک وقوم کی خاطر کسی قربانی سے دریغ اور اپنے فرائض کی انجام دہی میں کسی قسم کی کوتاہی نہیں کریں گے۔ انہوں نے کہا کہ مجھے خوشی ہے کہ میں ایک ایسی فورس کا حصہ ہوں جس کے شہدا کی فہرست بہت طویل ہے اور جنہوں نے ملک و قوم کے لئے اپنی شاندار خدمات دے کر ہمیشہ کے لئے عوام کے دِلوں میں زندہ ہو گئے ۔ میں سلام پیش کرتا ہوں اپنے شہیدوں کو جنہوں نے شہریوں کے سینوں پر چلائی گئیں گولیاں سینہ تان کر اپنی چھاتی پر کھائیں اور مسکراتے ہوئے اپنی قوم پر قربان ہو گئے۔پولیس عوام کے تحفظ کی ذمہ دار ہے اور ہم یہ فرض پوری دیانتداری اور فرض شناسی سے ادا کر رہے ہیں۔انہوں نے مزید کہا کہ ہم عوام کے محافظ ہیں اور ہمیں یہ فخر ہے کہ اللہ تعالی اور اس ملک نے یہ ذمہ داری ہمیں سونپی اور ہم اپنے ملک ، اپنی پولیس فورس اور اپنی عوام کے اعتماد کا پرچم بلند کئے رکھیںگے کوئی خوف ، لالچ اور کوئی ترغیب ہمارے عزائم کو شکست نہیں دے سکے گی۔ ڈی پی او نے فردا ًفردا ًتمام فیملیز سے ان کے مسائل بھی دریافت کیے اور موقع پر حل کیلئے احکامات جاری کیے۔ شہدا کی فیملیز کے اعزاز میں پروقار ظہرانہ بھی دیا گیا۔ تقریب کے اختتام پربریگیڈیئر محمد ،ڈپٹی سپیکرملک ظہیر اقبال چنڑ اور ڈسٹرکٹ پولیس آفیسراسد سرفرازخان نے شہداء کے ورثا میں بہاولپور پور پولیس کی جانب سے تحائف پیش کئے۔تقریب میںپولیس افسران و جوانوں کی کثیر تعداد نے بھی شرکت کی۔
ترجمان بہاولپور پولیس
