ڈسٹرکٹ پولیس آفس / شعبہ تعلقات عامہ
پریس ریلیز(539)
11.11.2024
بہاول پور( )ڈسٹرکٹ پولیس آفیسراسد سرفرازخان کی زیر نگرانی پولیس لائینز بہاولپور میں محکمانہ ترقی کے سلسلہ میں لسٹ Aکے امتحان کا انعقاد کیا گیا۔امتحان میں ضلع بہاول پور سے کانسٹیبلز اور لیڈی کانسٹیبلز نے شرکت کی۔امتحان دینے والے جوانوں کے لیے تمام سہولیات کا خصوصی طور پر انتظام کیا گیا۔ محنتی اور میرٹ پر آنے والے جوان ہی ترقی کے اہل ہوں گے۔ ڈی پی او اسد سرفرازخان
تفصیل کے مطابق آئی جی پنجاب کے احکامات کی روشنی میں ڈی پی او بہاول پور اسدسرفرازخان کی زیرنگرانی پولیس لائنز میں محکمانہ ترقی کے سلسلہ میں لسٹ Aکے امتحان کا انعقاد کیا گیا۔امتحان میں ضلع بھر سے جوانوں نے شرکت کی ۔ تمام جوان اپنی ترقی کے لیے انتہائی پرجوش اور مکمل تیاری کے ساتھ آئے ہوئے تھے۔لسٹ A کا امتحان اس لیے بھی اہمیت کا حامل ہے کہ محکمہ میں مسلسل ترقی کی طرف پہلا قدم ہوتا ہے۔ امتحان کے تمام مراحل کی ڈی پی او بہاولپور اسدسرفرازخان نے بذات خود نگرانی کی ۔ ڈی پی او بہاولپورنے اس حوالے سے بات کرتے ہوئے کہا کہ ترقی کے اس عمل میں 100فیصد میرٹ کو مدنظر رکھا جائے گا۔ محنتی اور میرٹ پر پورا اترنے والے جوان ہی ترقی کے اہل ہوں گے۔امتحان میں شفافیت اور میرٹ کو یقینی بنانے کے لیے تمام عمل کو بذریعہ ویڈیو کیمرہ محفوظ کیا گیاہے اور موبائل سروس کو معطل رکھنے کے لئے جیمبرز کا استعمال کیا گیا۔ ترقی کے عمل سے جوانوں کا مورال بلند ہوتا ہے۔ سکیورٹی خدشات کے پیش نظر پولیس لائنز میں سکیورٹی کے فول پروف انتظامات کیے گئے۔اس موقع پرایس پی انوسٹی گیشن خالد تبسم، ڈی ایس پی ہیڈ کوارٹر زبیر بنگش، ڈی ایس پی لیگل Iعبدالرئوف جاوید، ڈی ایس پی لیگل IIجام محمد محسن اور دیگر متعلقہ افسران بھی موجود تھے۔
ترجمان بہاولپور پولیس
