ڈسٹرکٹ پولیس آفس / شعبہ تعلقات عامہ
پریس ریلیز(458)
23-08-2023
بہاولپور( ) ڈی پی او سید محمد عباس کی ہدایات کی روشنی میں عادی منشیات بحالی اسکواڈ
( Drug Addict rehabilitation squad)
اپنے کام کو عملی جامہ پہناتے ہوئے ایک ماہ کی کارکردگی رپورٹ جاری کردی ۔ منشیات کی دلدل میں پھنسے102افراد میں سے66کو صحت یاب ہونے پر ان کی فیملیز کے حوالے کیا جاچکا ہے ۔بہاولپور کو منشیات فری زون بنانے کا عزم کیا ہے، ڈی پی او سید محمد عباس
تفصیلات کے مطابق وزیر اعلی پنجاب اور آئی جی پنجاب ڈاکٹر عثمان انور کی طرف سے منشیات کے خلاف جاری مہم میں ڈی پی او سید محمد عباس کی قیادت میںمنشیات فروشوںکے خلاف آپریشن جاری ہے جبکہ منشیات کی دلدل میں پھنسے ایسے تمام شہری جنہیں نا صرف گھر والے بلکہ معاشرہ بھی بوجھ کے طور پر گردانتا ہے، ایسے تمام منشیات کے عادی افرادکو ڈسٹرکٹ پولیس نے اپناتے ہوئے مختلف مقامات سے پک کیا اور مفت علاج معالجہ ، رہائش کھانا وغیرہ کی سہولیات دے کر نئی زندگی کی جانب قدم بڑھانے میں مدد کرتے ہوئے معاشرے کا معزز شہری بنانے میں اہم کردار ادا کر رہی ہے۔منشیات کے عادی افراد کی بحالی کیلئے خصوصی اسکواڈ نے منشیات کے عادی افراد کے علاج معالجہ کا کام جاری رکھتے ہوئے اب تک 102افراد کو ہسپتال داخل کیا جن میں سے 66کو افراد صحت یاب ہونے کے بعد اپنے گھر وںکا روانہ کیا جاچکا ہے۔ بقیہ 36نشے کے عادی افراد ہسپتا ل میں زیر علاج ہیں۔ جن کو فری رہائش، بہترین کھانا، دھوبی، ہیئر کٹنگ کی سہولیات کے ساتھ ساتھ روزانہ کی بنیاد پر مختلف جسمانی ورزش اور ان کی اصلاح کے لئے مختلف کلاسز کا بھی عمل جاری ہے۔ اس موقع پر ڈی پی او سید محمد عباس نے بات کرتے ہوئے کہا کہ نوجوانوں کا مستقبل تاریک ہونے سے بچانے کی بھر پور کوشش جاری ہے، یہ ایک صدقہ جاریہ بھی ہے اور ہمارا فرض بھی۔ بہاولپور کو منشیات فری زون بنانے کا عزم کیا ہے۔صحت یاب ہونے والے افراد کی فیملیز نے ڈی پی او بہاولپور کی اس کاوش کو سراہا اور شکریہ ادا کیا۔
ترجمان بہاولپور پولیس
*********************
ڈسٹرکٹ پولیس شعبہ تعلقات عامہ
پریس ریلیز(459)
مورخہ 23.08.2023
بہاولپور( )پولیس کا جرائم پیشہ عناصر کے خلاف بھرپور کریک ڈائون، گزشتہ روز مختلف مقدمات میں 08 ملزمان گرفتار۔ گرفتار ملزمان سے بھاری مقدار میں منشیات،شراب و اسلحہ ناجائز برآمد، ملزمان پابند سلاسل۔معاشرے کے ایسے منفی عناصر کسی رعائت کے مستحق نہیں، ڈی پی او سید محمد عباس
تفصیلات کے مطابق آئی جی پنجاب کی جرائم کی سرکوبی کیلئے جاری ہدایات پر عملدرآمد کو یقینی بناتے ہوئے ڈی پی او بہاولپور سید محمد عباس کی طرف سے جرائم پیشہ عناصر کے خلاف جاری مہم میں بڑی کامیابیاں ملنے کا سلسلہ جاری ہے۔تھانہ کینٹ، تھانہ صدر بہاولپور اور تھانہ صدر حاصل پور پولیس نے سپیشل ٹیمیں تشکیل دے کر منشیات فروشوں کے خلاف کارروائیاں عمل میں لاتے ہوئے 03ملزمان حارث اختر انصاری، اعظم اور سجاد کو گرفتار کرکے ان کے قبضہ سے 04کلو 510گرام چرس برآمد کرلی، جبکہ تھانہ سمہ سٹہ اور تھانہ اوچشریف پولیس نے شراب فروشی کے مرتکب 02ملزمان طارق اعجاز اور وقاص بھٹی کو گرفتار کرکے ان کے قبضہ سے 100لیٹر دیسی شراب، 80لیٹر لہن اور 01عدد چالوبھٹی برآمد کرلی۔اسی طرح اسلحہ ناجائز رکھنے والے افراد کے خلاف کارروائیاں عمل میں لاتے ہوئے تھانہ بغدادالجدید، تھانہ عنائتی اور تھانہ سٹی حاصل پور پولیس نے 03ملزمان دانیال علی، سرور اور عاصم بلوچ کو گرفتار کرکے ان کے قبضہ سے 01عدد پسٹل،1رپیٹر 12بور اور 01عدد پسٹل 30بور برآمد کرکے بند حوالات کیا۔گرفتار ملزمان کے خلاف علیحدہ علیحدہ مقدمات درج کر کے مزید تفتیش شروع کر دی۔ اس موقع پر ڈی پی او بہاولپور سید محمد عباس نے اپنے پیغام میں کہا کہ منشیات سے نوجوانوں کی زندگیاں متاثر ہورہی ہیں لہذا ایسے گھنائونے جرائم کرنے والے جرائم پیشہ افراد کے خلاف اسی طرح کریک ڈائون جاری رکھتے ہوئے مزید موثر کارروائیاں عمل میں لائی جائیں گی تاکہ معاشرے کو امن کا گہوارہ بنایا جائے۔
ترجمان بہاولپور پولیس
***********************
image
