ڈسٹرکٹ پولیس آفس / شعبہ تعلقات عامہ
پریس ریلیز(476)
02-09-2023
بہاولپور( )وزیر اعلی پنجاب اور آئی جی پنجاب کے احکامات کی روشنی میں ڈی پی او سید محمد عباس کی قیادت میں ضلع بھر میں منشیات فروشوں کے خلاف بھرپور کریک ڈاون کا سلسلہ جاری، گزشتہ 24گھنٹے 21مقدمات درج کرکے متعدد ملزمان گرفتار، قبضہ سے بھاری مقدار میں شراب و منشیات برآمد کرلی۔ منشیات کے مکمل خاتمے تک کارروائیاں جاری رہیں گی۔ ڈی پی او سید محمد عباس
تفصیلات کے مطابق وزیر اعلی پنجاب اور انسپکٹر جنرل آف پولیس پنجاب کی طرف منشیات فروشوں کی سرکوبی کے لئے جاری کردہ احکامات کی روشنی میں ڈسٹرکٹ پولیس آفیسر سید محمد عباس نے ضلع بھر کے ایس ایچ اوز کو سپیشل ٹیمیں تشکیل دے کر منشیات فروشوں کی گرفتاری کا ٹاسک دیا تھا، جس کے نتیجہ میں بہاولپور پولیس کا منشیات فروشوں کے خلاف بھرپور ایکشن جاری ہے۔ گزشتہ 24 گھنٹے میں 21مقدمات درج رجسٹرڈ کئے ۔گرفتار ملزمان کے قبضہ سے 395لیٹر دیسی شراب،80 لیٹر لہن ،01عدد چالو بھٹی، 08کلو 170گرام چرس ،23گرام کرسٹل آئس اور 25گرام ہیروئن برآمد کرلی۔جبکہ گزشتہ 24گھنٹوں میں 05منشیات کے عادی افراد کو برائے علاج معالجہ ہسپتال داخل کروایا گیا۔اس موقع پر ڈی پی او سید محمد عباس نے افسران کو ہدایات جاری کرتے ہوئے کہا کہ منشیات فروشوں کے خلاف خفیہ سٹنگ آپریشن کیا جا رہا ہے۔ منشیات مافیا کے خلاف بلا امتیاز کارروائیاں عمل میں لائی جائیں گی، خاص کر تعلیمی اداروں میں یہ فعل ہر گز برداشت نہیں کیا جائے گا۔ اس مہم میں تمام تر وسائل کو بروئے کار لاتے ہوئے مزید کارروائیاں عمل میں لائی جائیں۔ انہوں نے مزید کہا کہ منشیات ایک لعنت ہے جس کا بہاولپور سے خاتمہ ہر صورت یقینی بنایا جائے گا۔
ترجمان بہاولپور پولیس
image
