ڈسٹرکٹ پولیس آفس / شعبہ تعلقات عامہ
پریس ریلیز(489)
09-09-2023
بہاولپور( )وزیر اعلی پنجاب اور آئی جی پنجاب کے احکامات کی روشنی میں ضلع بھر میں منشیات فروشوں کے خلاف بھرپور کریک ڈائون کا سلسلہ جاری، گزشتہ 48گھنٹے میں متعدد ملزمان گرفتار کرکے ان کے قبضہ سے بھاری مقدار میں شراب و منشیات برآمد کرلی۔ منشیات کے مکمل خاتمے تک کارروائیاں جاری رہیں گی۔ ڈی پی او سید محمد عباس
تفصیلات کے مطابق وزیر اعلی پنجاب اور انسپکٹر جنرل آف پولیس پنجاب کی طرف منشیات فروشوں کی سرکوبی کے لئے جاری کردہ احکامات کی روشنی میں ڈسٹرکٹ پولیس آفیسر سید محمد عباس نے ضلع بھر کے ایس ایچ اوز کو سپیشل ٹیمیں تشکیل دے کر منشیات فروشوں کی گرفتاری کا ٹاسک دیا تھا، جس کے نتیجہ میں بہاولپور پولیس کا منشیات فروشوں کے خلاف بھرپور ایکشن جاری ہے۔ گزشتہ 48گھنٹے میں 11مقدمات درج رجسٹرڈ کئے ۔گرفتار ملزمان کے قبضہ سے 305لیٹر دیسی شراب، 02 کلو 700گرام چرس،15گرام کرسٹل آئس برآمد کرلی۔اسی طرح تھانہ سول لائینز پولیس کی منشیات فروشوں کے خلاف نمایاں کارگزاری 02 کلو 430 گرام ہیروئن،05 کلو 920 گرام چرس ،23 گرام کرسٹل آئس اور 30لیٹر شراب برآمد کرلی۔جبکہ گزشتہ 24گھنٹوں میں 09منشیات کے عادی افراد کو برائے علاج معالجہ ہسپتال داخل کروایا گیا۔اس موقع پر ڈی پی او سید محمد عباس نے افسران کو ہدایات جاری کرتے ہوئے کہا کہ منشیات فروشوں کے خلاف خفیہ سٹنگ آپریشن کو مزید تیز کیا جائے۔منشیات مافیا کے خلاف بلا امتیاز کارروائیاں عمل میں لائی جائیں گی، خاص کر تعلیمی اداروں میں یہ فعل ہر گز برداشت نہیں کیا جائے گا۔ اس مہم میں تمام تر وسائل کو بروئے کار لاتے ہوئے مزید کارروائیاں عمل میں لائی جائیں۔ انہوں نے مزید کہا کہ منشیات ایک لعنت ہے جس کا بہاولپور سے خاتمہ ہر صورت یقینی بنایا جائے گا۔
ترجمان بہاولپور پولیس
********************
ڈسٹرکٹ پولیس آفس بہاولپور / شعبہ تعلقات عامہ
پریس ریلیز(488)
09-09-2023
بہاولپور( )ڈی پی او بہاولپور سید محمد عباس کی جانب سے اپنی مدت ملازمت مکمل کرنے کے بعد ریٹائرڈ ہونے والے ہیڈ کانسٹیبل سید سجاد حسین شاہ نائب ریڈر ڈی پی او آفس کے اعزاز میں پروقار تقریب کا اہتمام۔ ڈی پی او نے پھولوں کا گلدستہ پیش کیا اور نیک تمنائوں کے ساتھ انہیں رخصت کیا۔ ہر آفیسر ریٹائرڈ ہونے کے بعد بھی محکمہ پولیس کا ممبر ہوتا ہے، آپکی گراں قدر خدمات کو ہمیشہ یاد رکھا جائے گا، ڈی پی او سید محمد عباس
تفصیلات کے مطابق ڈی پی او بہاولپور سید محمد عباس کی جانب سے اپنی مدت ملازمت مکمل کرنے کے بعد ریٹائرڈ ہونے والے ہیڈ کانسٹیبل سید سجاد حسین شاہ کے اعزاز میں پروقار تقریب کا اہتمام کیا گیا۔ ڈی پی او نے پھولوں کا گلدستہ پیش کیا اور نیک تمنائوں کے ساتھ انہیں رخصت کیا۔ اس موقع پر پی اے ٹو ڈی پی او، اکائونٹنٹ ، انسپکٹر اسٹیبلشمنٹ اور ریڈر ٹو ڈی پی او عبدالغفار بھی موجود تھے۔ ڈی پی او سید محمد عباس نے ریٹائرڈ ہونے والے آفیسر کیلئے نیک خواہشات کا اظہار کرتے ہوئے کہا کہ ہر ریٹائرڈ ہونے والا آفیسر ہمیشہ اس محکمہ کا حصہ رہتا ہے۔ آپ نے محکمہ پولیس کیلئے اپنی زندگی کا بیشتر حصہ وقف کیا، انہوں نے مزید کہا کہ یہ پولیس ڈیپارٹمنٹ آپکی گراں قدر خدمات کو ہمیشہ یاد رکھے گا۔ریٹائرڈ ہونے والے ہیڈ کانسٹیبل نے اس موقع پر عزت افزائی پر شکریہ ادا کیا اور کہا کہ محکمہ پولیس میں اپنی زندگی کا اہم حصہ گزارا اور مجھے فخر ہیکہ میں اس باوقار ڈیپارٹمنٹ کا حصہ رہا ہوں۔
ترجمان بہاولپور پولیس
******************
image
