ڈسٹرکٹ پولیس آفس بہاولپور / شعبہ تعلقات عامہ
پریس ریلیز(511)
22-09-2023
بہاول پور( )ڈی پی او سید محمد عباس کے احکامات، جمعتہ المبارک کے روز ایس ڈی پی اوز اور ایس ایچ اوز کے سیکیورٹی کے حوالے سے مساجد اور امام بارگاہوں کے وزٹ،موجودہ ملکی صورتحال کے پیش نظر ڈیوٹی پر مامور اہلکاروں کو الرٹ رہنے کی ہدایت،سیکیورٹی فرائض میں غفلت ہرگز برداشت نہیں کی جائے گی،ڈسٹرکٹ پولیس آفیسر سید محمد عباس
تفصیلات کے مطابق انسپکٹر جنرل آف پولیس پنجاب اور ایڈیشنل انسپکٹر جنرل آف پولیس جنوبی پنجاب کے احکامات کی روشنی میں ڈی پی او سید محمد عباس کی ہدایت پر عمل پیرا ہوتے ہوئے ایس ڈی پی اوز نے اپنے سرکل جبکہ ایس ایچ اوز نے اپنے اپنے تھانہ جات کی حدود میں جمعتہ المبارک کے حوالے سے مساجد اور امام بارگاہوں کی سیکیورٹی ڈیوٹی پر مامور افسران و جوانوں کو چیک کیا۔سیکیورٹی پر مامور جوانوں کے پاس موجود اسلحہ اور حفاظتی انتظامات کا جائزہ لیا۔موجودہ ملکی صورتحال کے پیش نظر جوانوں کو الرٹ رہ کر ڈیوٹی سرانجام دینے کی ہدایت کی۔ڈی پی او سید محمد عباس نے اپنے پیغام میں کہا ہے کہ ہمارا فرض بہت اہم ہے،شہریوں کو احساس تحفظ دلانا ہے کہ ہم انکی سیکیورٹی کے لیے موجود ہیں۔ ملکی صورتحال کے پیش نظر شرپسند عناصر پر کڑی نظر رکھیں اور الرٹ رہیں کیونکہ ہم الرٹ رہیں گے تو شرپسند عناصر اپنے مذموم مقاصد میں کامیاب نہیں ہوسکیں گے، سیکیورٹی فرائض میں غفلت و لا پرواہی بلکل برداشت نہیں کی جائے گی۔ انہوں نے ایس ڈی پی اوز اور ایس ایچ اوز کو اپنے اپنے ایریا میں موثر گشت اور سیکیورٹی انتظامات کے حوالے سے ہدایات بھی جاری کیں۔
ترجمان بہاولپور پولیس
***************************
ڈسٹرکٹ پولیس شعبہ تعلقات عامہ
پریس ریلیز(512)
مورخہ 22.09.23
بہاولپور( )ڈی پی او سید محمد عباس کے احکامات، تھانہ عنائتی پولیس کی کامیاب کارروائی، چوری کی متعدد وارداتوں میں ملوث فیروز شاہ گینگ کا سرغنہ ساتھیوں سمیت گرفتار۔گرفتار ملزمان کے قبضہ سے لاکھوں روپے مالیت کا مال مسروقہ، اسلحہ ناجائز اور منشیات برآمد۔ معاشرے کے ایسے منفی عناصر کے خلاف مزید کارروائیاں جاری رکھی جائیں گی،ڈی پی او
تفصیلات کے مطابق آئی جی پنجاب کی جرائم کی سرکوبی کیلئے جاری ہدایات اور ڈی پی او بہاولپور سید محمد عباس کی سربراہی میں جرائم پیشہ عناصر کے خلاف جاری مہم میں بڑی کامیابیاں ملنے کا سلسلہ جاری ہے۔ایس ایچ او تھانہ عنائتی نے ایس ڈی پی او سرکل خیر پور ٹامیوالی کی زیرنگرانی جدید ٹیکنالوجی کا استعمال کرتے ہوئے اسپیشل ٹیمیں تشکیل دے کر چوری کی متعدد وارداتوں میں ملوث فیروز گینگ کو ساتھیوں سمیت گرفتار کرلیا، گرفتار ملزمان میں فیروز شاہ ، شان شاہ اور صابر علی شامل ہیں۔ جن سے متعدد مقدمات ٹریس ہوئے۔ گرفتار ملزمان کے قبضہ سے نقد رقم 2,50,000/-روپے، 01عدد موٹر سائیکل 125،03 تولہ سونا ، 40تولہ چاندی ، 06شاخ بکریاں، قیمتی موبائل فونز ، زنانہ اور مردانہ سوٹ جبکہ گرفتار دیگر منشیات فروش ملزمان سے 1720گرام چرس ، 135لیٹر دیسی شراب ، 02عدد چالوبھٹیاں اور وارداتوں میں استعمال ہونے والا اسلحہ ناجائز برآمد کرلیا۔ ریکور شدہ موٹر سائیکل ودیگر مال مسروقہ اصل مالکان کے حوالے کئے جارہے ہیں۔اسی طرح تھانہ عنائتی پولیس نے مجرمان اشتہاریوں کے خلاف کارروائیاں عمل میں لاتے ہوئے 10عدالتی مفرور اور 16مجرمان اشتہاریوں کو گرفتار کرلیا۔ ڈی پی او سید محمد عباس نے اس موقع پر کہا کہ شہریوں کا لوٹا ہوا مال جرائم پیشہ افراد سے ریکور کرایا جا رہا ہے تاکہ شہریوں کو زیادہ سے زیادہ ریلیف مہیا کیا جا سکے۔ انہوں نے مزید کہا بہاولپور پولیس جرائم کی بیخ کنی کیلئے بہترین حکمت عملی کو اپنا کر جرائم پیشہ افراد کا تدارک جاری رکھے گی۔ ڈی پی او سید محمد عباس نے بہترین کارکردگی پر ایس ایچ او تھانہ عنائتی و ٹیم کو شاباش دی۔
ترجمان بہاولپور پولیس
***********************
image
