ڈسٹرکٹ پولیس آفس / شعبہ تعلقات عامہ
پریس ریلیز(518)
26.09.2023
بہاولپور( )وزیر اعلی پنجاب اور آئی جی پنجاب کے احکامات کی روشنی میں ضلع بھر میں منشیات فروشوں کے خلاف بھرپور کریک ڈائون کا سلسلہ جاری، جاری مہم میں اب تک 366مقدمات درج کرکے 367ملزمان کو گرفتار کرکے ان کے قبضہ سے بھاری مقدار میں شراب و منشیات برآمد کرلی۔ منشیات کے مکمل خاتمے تک کارروائیاں جاری رہیں گی، ڈی پی او سید محمد عباس
تفصیلات کے مطابق وزیر اعلی پنجاب اور انسپکٹر جنرل آف پولیس پنجاب کی طرف منشیات فروشوں کی سرکوبی کے لئے جاری کردہ احکامات کی روشنی میں ڈسٹرکٹ پولیس آفیسر سید محمد عباس نے ضلع بھر کے ایس ایچ اوز کو سپیشل ٹیمیں تشکیل دے کر منشیات فروشوں کی گرفتاری کا ٹاسک دیا تھا، جس کے نتیجہ میں بہاولپور پولیس کا منشیات فروشوں کے خلاف بھرپور ایکشن جاری ہے۔منشیات مافیا کے خلاف جاری مہم میں بہاولپور پولیس نے اب تک 366مقدمات درج رجسٹرڈ کئے ۔گرفتار 367ملزمان کے قبضہ سے 15438لیٹر شراب و لہن، 09کلو 895گرام ہیروئن ، 96عدد چالو بھٹیاں، 149کلو 809 گرام چرس ،681گرام آئس،01کلو 200گرام افیون اور 65کلو بھنگ برآمد کرلی۔جبکہ جاری مہم کے دوران 238 منشیات کے عادی افراد کو برائے علاج معالجہ ہسپتال داخل کروایا گیا،جن میں سے 187افرادکو صحت یاب ہونے کے بعد لواحقین کے حوالے کیاگیا ہے ۔اس موقع پر ڈی پی او سید محمد عباس نے افسران کو ہدایات جاری کرتے ہوئے کہا کہ منشیات فروشوں کے خلاف خفیہ سٹنگ آپریشن کو مزید تیز کیا جائے۔منشیات مافیا کے خلاف بلا امتیاز کارروائیاں عمل میں لائی جائیں گی، خاص کر تعلیمی اداروں میں یہ فعل ہر گز برداشت نہیں کیا جائے گا۔ اس مہم میں تمام تر وسائل کو بروئے کار لاتے ہوئے مزید کارروائیاں عمل میں لائی جائیں۔ انہوں نے مزید کہا کہ منشیات ایک لعنت ہے جس کا بہاولپور سے خاتمہ ہر صورت یقینی بنایا جائے گا۔
ترجمان بہاولپور پولیس
image
