ڈسٹرکٹ پولیس شعبہ تعلقات عامہ
پریس ریلیز(573)
مورخہ 28.10.2023
بہاولپور( )پولیس کا جرائم پیشہ عناصر کے خلاف بھر پور کریک ڈائون، گزشتہ روز مختلف کارروائیوں میں 05 ملزمان گرفتار ۔گرفتار ملزمان سے بھاری مقدار میں منشیات برآمد،ملزمان پابند سلاسل۔ جرائم پیشہ افراد کا تعاقب جاری رکھا جائیگا، ڈی پی او سید محمد عباس
تفصیلات کے مطابق ڈی پی او بہاولپور سید محمد عباس کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔ تھانہ بغدادالجدید اور تھانہ صدر بہاولپور پولیس نے منشیات فروشوں کے خلاف کارروائیاں عمل میں لاتے ہوئے 03ملزمان زاہد علی، اسلم اور سعید احمد کو گرفتار کرکے ان کے قبضہ سے 03کلو 640گرام چرس اور 20گرام کرسٹل آئس برآمد کرلی۔اسی طرح تھانہ صدر حاصل پور پولیس نے شراب فروشی کے مرتکب 02ملزمان غلام محمد اور سرورکو گرفتار کرکے اس کے قبضہ سے 26لیٹر شراب برآمد کرلی۔ گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔ اس موقع پر ڈی پی او سید محمد عباس نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، شراب اور منشیات ایک لعنت ہے، معاشرے کو ایسے ناسور عناصر سے پاک کرنا پولیس کی اولین ترجیح ہے۔
ترجمان بہاولپور پولیس
*********************
image
