ڈسٹرکٹ پولیس شعبہ تعلقات عامہ
پریس ریلیز(580)
مورخہ 01.11.23
بہاولپور( )ڈی پی او سید محمد عباس کے احکامات، تھانہ صدر حاصل پور پولیس کی سماج دشمن عناصر کے خلاف کامیاب کارروائی ،بابا حاجی گینگ کا سرغنہ 02کارندوں سمیت گرفتار،گرفتار ملزمان سے چوری شدہ موٹر سائیکل، سامان گروسری اور نقد رقم برآمد ، شہریوں کے جان و مال کا تحفظ ہر صورت یقینی بنایا جائے گا،ڈی پی او
تفصیلات کے مطابق ڈسٹرکٹ پولیس آفیسر سید محمد عباس کی زیر کمانڈ بہاولپور پولیس کو کامیابیاں ملنے کا سلسلہ جاری ہے۔ ایس ایچ او تھانہ صدر حاصل پور نے اسپیشل ٹیم تشکیل دے کر جدید ٹیکنالوجی اور روائتی طریقہ کار کا استعمال کرتے ہوئے دن رات کی انتھک محنت کے بعد بابا حاجی گینگ کے 03ملزمان اسماعیل عرف حاجی، افضل اور حمزہ کو گرفتار کرلیا۔ گرفتار ملزمان کے قبضہ سے مبلغ 3لاکھ 50ہزار روپے نقد رقم، کریانہ کا لاکھوں مالیت کا سامان اور 04عدد موٹر سائیکل برآمد۔ گرفتار ملزمان سے مزید انٹیروگیشن جاری ہے اور گینگ کے دیگر ساتھیوں کی گرفتاریوں کے لئے چھاپے مارے جارہے ہیں۔ ریکور شدہ رقم ،موٹر سائیکل و دیگر سامان ضروری کارروائی کے بعد اصل مالکان کے حوالے کیا جارہا ہے۔ڈی پی او سید محمد عباس نے اس حوالے سے بات کرتے ہوئے کہا کہ کسی کو قانون ہاتھ میں لینے کی اجازت نہیں دے سکتے۔ عوام الناس کے جان و مال کا تحفظ پولیس کی اولین ذمہ داری ہے۔ انہوں نے مزید کہا کہ سماج دشمن عناصر کے خلاف کارروائیاں مزید تیز کی جائیں گی اور ملزمان کو کیفر کردار تک پہنچایا جائے گا ۔ اس کامیاب کارروائی پر ڈی پی او سید محمد عباس نے ایس ایچ او تھانہ صدر حاصل پور اور ان کی ٹیم کو شاباش دی۔
ترجمان بہاولپور پولیس
**********************
ڈسٹرکٹ پولیس شعبہ تعلقات عامہ
پریس ریلیز(581)
مورخہ 01.11.2023
بہاولپور( )پولیس کا جرائم پیشہ عناصر کے خلاف بھر پور کریک ڈاون، گزشتہ روز مختلف کارروائیوں میں 09 ملزمان گرفتار ۔گرفتار ملزمان سے بھاری مقدار میں منشیات، شراب و اسلحہ ناجائز برآمد،ملزمان پابند سلاسل۔ جرائم پیشہ افراد کا تعاقب جاری رکھا جائیگا، ڈی پی او سید محمد عباس
تفصیلات کے مطابق ڈی پی او بہاولپور سید محمد عباس کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔ شراب فروشوں کے خلاف کارروائیاں عمل میں لاتے ہوئے تھانہ صدر احمد پور شرقیہ، تھانہ نوشہرہ جدید اور تھانہ قائم پور پولیس نے 03ملزمان عرفان بلوچ، وارث اور چن شاہ کو گرفتار کرکے ان کے قبضہ سے 115لیٹر شراب برآمد کرلی۔اسی طرح منشیات فروشوں کے خلاف گھیرا تنگ کرتے ہوئے تھانہ صدر بہاولپور، تھانہ قائم پور اور تھانہ خیر پور ٹامیوالی پولیس نے 03ملزمان دلاور، ارشاد بھٹی اور عبدالوحید کو گرفتار کرکے ان کے قبضہ سے 02کلو 700گرام چرس اور 01کلو ہیروئن برآمد کرلی۔جبکہ تھانہ سول لائینز، تھانہ دھوڑ کوٹ اور تھانہ سٹی یزمان پولیس نے اسلحہ ناجائز رکھنے والوں کے خلاف ایکشن لیتے ہوئے 03ملزمان غلام محمد ، شبیر احمد اور سمیع اللہ کو گرفتار کرکے ان کے قبضہ سے 02عدد پسٹل 30 بوراور 01عدد پسٹل 9ایم ایم برآمد کرلیا۔ گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔ اس موقع پر ڈی پی او سید محمد عباس نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، شراب اور منشیات ایک لعنت ہے، معاشرے کو ایسے ناسور عناصر سے پاک کرنا پولیس کی اولین ترجیح ہے۔
ترجمان بہاولپور پولیس
*********************
image
