ڈسٹرکٹ پولیس آفس بہاولپور / شعبہ تعلقات عامہ
پریس ریلیز(626)
24.11.2023
بہاول پور( )ڈی پی او سید محمد عباس کے احکامات، جمعتہ المبارک کے روز ایس ڈی پی اوز اور ایس ایچ اوز کے سیکیورٹی کے حوالے سے مساجد اور امام بارگاہوں کے وزٹ،موجودہ ملکی صورتحال کے پیش نظر ڈیوٹی پر مامور اہلکاروں کو الرٹ رہنے کی ہدایت، سیکیورٹی فرائض میں غفلت ہرگز برداشت نہیں کی جائے گی، ڈسٹرکٹ پولیس آفیسر سید محمد عباس
تفصیلات کے مطابق انسپکٹر جنرل آف پولیس پنجاب اور ایڈیشنل انسپکٹر جنرل آف پولیس جنوبی پنجاب کے احکامات کی روشنی میں ڈی پی او سید محمد عباس کی ہدایت پر عمل پیرا ہوتے ہوئے ایس ڈی پی اوز نے اپنے سرکل جبکہ ایس ایچ اوز نے اپنے اپنے تھانہ جات کی حدود میں جمعتہ المبارک کے حوالے سے مساجد اور امام بارگاہوں کی سیکیورٹی ڈیوٹی پر مامور افسران و جوانوں کو چیک کیا۔سیکیورٹی پر مامور جوانوں کے پاس موجود اسلحہ اور حفاظتی انتظامات کا جائزہ لیا۔موجودہ ملکی صورتحال کے پیش نظر جوانوں کو الرٹ رہ کر ڈیوٹی سرانجام دینے کی ہدایت کی۔ڈی پی او سید محمد عباس نے اپنے پیغام میں کہا ہے کہ ہمارا فرض بہت اہم ہے،شہریوں کو احساس تحفظ دلانا ہے کہ ہم انکی سیکیورٹی کے لیے موجود ہیں۔ ملکی صورتحال کے پیش نظر شرپسند عناصر پر کڑی نظر رکھیں اور الرٹ رہیں کیونکہ ہم الرٹ رہیں گے تو شرپسند عناصر اپنے مذموم مقاصد میں کامیاب نہیں ہوسکیں گے، سیکیورٹی فرائض میں غفلت و لا پرواہی بلکل برداشت نہیں کی جائے گی۔ انہوں نے ایس ڈی پی اوز اور ایس ایچ اوز کو اپنے اپنے ایریا میں موثر گشت اور سیکیورٹی انتظامات کے حوالے سے ہدایات بھی جاری کیں۔
ترجمان بہاولپور پولیس
************************
ڈسٹرکٹ پولیس شعبہ تعلقات عامہ
پریس ریلیز(627)
مورخہ 24.11.2023
بہاولپور( )ڈسٹرکٹ پولیس آفیسر سید محمد عباس کے احکامات ، گزشتہ روز مختلف کارروائیوں میں متعددملزمان گرفتار۔گرفتار ملزمان سے بھاری مقدار میں شراب،منشیات و اسلحہ ناجائز برآمد، ملزمان پابند سلاسل۔ جرائم پیشہ افراد کا تعاقب جاری رکھا جائیگا، ڈی پی او سید محمد عباس
تفصیلات کے مطابق ڈی پی او بہاولپور سید محمد عباس کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔ شراب فروشوں کے خلاف کامیاب کارروائی عمل میں لاتے ہوئے تھانہ بغداد الجدید، صدر احمدپورشرقیہ اور سٹی حاصلپور پولیس نے 04ملزمان یاسر، ساجد، غلام عباس اوربشیر کو گرفتار کرکے اس کے قبضہ سے 170لیٹر شراب برآمد کرلی۔اسی طرح منشیات فروشوں کے خلاف گھیرا تنگ کرتے ہوئے تھانہ سٹی یزمان اور صدر حاصلپورپولیس نے 02ملزمان اقبال اور طارق کو گرفتار کرکے ان کے قبضہ سے 2950گرام چرس برآمد کرلی۔جبکہ تھانہ سول لائینز ،تھانہ نوشہرہ جدید، تھانہ سٹی یزمان، تھانہ صدر حاصل پور اور عنائتی پولیس نے اسلحہ ناجائز رکھنے والوں کے خلاف ایکشن لیتے ہوئے 02ملزمان محمدحسین اور خضرعباس کو گرفتار کرکے ان کے قبضہ سے 02عدد پسٹل 30بور برآمد کرلئے۔ گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔ اس موقع پر ڈی پی او سید محمد عباس نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، شراب، منشیات کے ساتھ ساتھ اسلحہ ناجائز رکھنے والوں کے خلاف جاری آپریشن کو مزید تیز کیا جارہا ہے، معاشرے کو ایسے ناسور عناصر سے پاک کرنا پولیس کی اولین ترجیح ہے۔
ترجمان بہاولپور پولیس
***********************
ڈسٹرکٹ پولیس شعبہ تعلقات عامہ
پریس ریلیز(628)
مورخہ 24.11.2023
بہاول پور()پولیس تھانہ قائم پور کی کامیاب کارروائی۔سرقہ بالجبر اور ڈکیتی کی وارداتوں میں ملوث 02 ڈاکو گرفتار، لاکھوں روپے کیش، طلائی انگوٹھی اور موٹرسائکل برآمد۔دستیاب وسائل کو بروئے کار لاتے ہوئے شہریوں کی جان ومال کی حفاظت اور جرائم پر قابو پانا ہمارے اولین فرائض میں شامل ہے، ڈسٹرکٹ پولیس آفیسر بہاولپور سید محمد عباس۔
تفصیل کے مطابق انسپکٹر جنرل آف پولیس پنجاب اور ایڈیشنل انسپکٹر جنرل آف پولیس جنوبی پنجاب کی '' عوام خدمت پالیسی ''کے تحت ڈسٹرکٹ پولیس آفیسر بہاولپور سید محمد عباس کی قیادت اور کامیاب پولیسنگ کے تحت نتائج آنے کا سلسلہ جاری ہے، تھانہ قائمپور پولیس کی کامیاب کارروائی۔ڈی ایس پی سرکل حاصلپور کی سربراہی میں اور ایس ایچ او تھانہ قائمپور محمد احمد چیمہ اور ٹیم نے جدید ٹیکنالوجی کا سہارا لیتے ہوئے شب و روز کی محنت کے بعد سرقہ بالجبر کی متعدد مقدمات میں ملوث ملزم جاوید عرف جیدی اپنے ساتھی ملزم دلشاد احمد سمیت گرفتار کرلیا۔ملزمان نے دوران اینٹروگیشن قائمپور کے علاوہ دیگر اضلاع میں بھی سرقہ بالجبر کے متعدد مقدمات میں ملوث ہونے کا اعتراف بھی کیا۔، ملزمان کی نشاندہی پر نقدی 02 لاکھ 77 ہزار روپے سے زائد اور طلائی انگوٹھی اور موٹر سائکل برآمد کرلیا۔ ملزمان کے قبضہ سے وارداتوں کے دوران استعمال ہونے والا اسلحہ ناجائز 02 پسٹل 30 بور برآمد کرکے الگ سے مقدمات درج کرلیے۔ بازیافتہ مال مسروقہ کو قانونی طریقہ کار کے بعد اصل مالکان کے حوالے کردیا گیا،ڈی پی او نے اپنے پیغام میں کہا کہ بہاول پور پولیس شہریوں کی حفاظت کے لیے دن رات محنت کررہی ہے،اگر کوئی جرم سرزد ہوتا ہے تو اس کو ٹریس کرنا اور شہریوں کا لوٹا ہوا مال بر آمد کرنا پولیس کے لیے ایک اہم ٹاسک ہوتا ہے۔
ترجمان بہاولپور پولیس
*********************
image
