ڈسٹرکٹ پولیس شعبہ تعلقات عامہ
پریس ریلیز(655)
مورخہ 07.12.2023
بہاول پور( )ڈسٹرکٹ پولیس آفیسر سید محمد عباس کے احکامات ، گزشتہ روز کی مختلف کارروائیوں میں 28 ملزمان گرفتار۔گرفتار ملزمان سے بھاری مقدار میں شراب و اسلحہ ناجائز برآمد، ملزمان پابند سلاسل۔ جرائم پیشہ افراد کا تعاقب جاری رکھا جائیگا، ڈی پی او سید محمد عباس
تفصیلات کے مطابق ڈی پی او بہاولپور سید محمد عباس کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔سول لائنز ، عباس نگر، مسافرخانہ ، صدر احمد پورشرقیہ، عنائتی اور قائمپور پولیس نے شراب فروشوں کے خلاف کارروائیاں عمل میں لاتے ہوئے 10 ملزمان قاسم، صغیر ذیشان، خادم، شاہد، شاکر، غلام محمد، رمضان، اعجاز اور امیر معاویہ کو گرفتار کرکے ان کے قبضہ سے 355 لیٹر شراب ،50 لیٹر لہن اور 02 عدد چالو بھٹیاں برآمد کرلیں۔ اسی طرح تھانہ صدر احمد پور شرقیہ ، اوچ شریف ، عنائتی اور صدر حاصلپور پولیس نے اسلحہ ناجائز رکھنے والوں کے خلاف ایکشن لیتے ہوئے 06 ملزمان کاشف ، اشرف، خالد، نادر ،محمد اشرف اور محمد امیر کو گرفتار کرکے ان کے قبضہ سے 03 عدد پسٹل 30 بور،02 عدد بندوق 12 بور اور 01 عدد ریوالور 32 بور برآمد کرلیا ۔جبکہ منشیات فروشوں کے خلاف کاروائی کرتے ہوئے تھانہ سول لائنز اور بغداد الجدید پولیس نے 02 ملزمان ذوالقرنین اور غلام فرید کو گرفتار کرکے ان کے قبضہ سے 20 گرام آئس اور 1200 گرام چرس برآمد کرلی، تھانہ اوچ شریف پولیس نے قمار بازی ایکٹ کے خلاف ورزی کرنے پر 04 ملزمان کو گرفتار کرکے باپند سلاسل کردیا۔گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔ اس موقع پر ڈی پی او سید محمد عباس نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، شراب، منشیات کے ساتھ ساتھ اسلحہ ناجائز رکھنے والوں کے خلاف جاری آپریشن کو مزید تیز کیا جارہا ہے، معاشرے کو ایسے ناسور عناصر سے پاک کرنا پولیس کی اولین ترجیح ہے۔
ترجمان بہاولپور پولیس
*********************
image
