ڈسٹرکٹ پولیس شعبہ تعلقات عامہ
پریس ریلیز(678)
مورخہ 21.12.2023
بہاول پور( )ڈسٹرکٹ پولیس آفیسر سید محمد عباس کے احکامات ،ضلع بھر میں نیو ائیر نائٹ کے حوالے سے شراب فروشوں کے خلاف گھیرا تنگ ، جاری آپریشن میں 12ملزمان گرفتار، بھاری مقدار میں دیسی شراب کی کھیپ ، چالو بھٹیاں اور منشیات برآمد ، ملزمان پابند سلاسل۔جرائم پیشہ افراد کا تعاقب جاری رکھا جائیگا، ڈی پی او سید محمد عباس
تفصیلات کے مطابق ڈی پی او بہاولپور سید محمد عباس کی طرف سے نیوائیر نائٹ کے حوالے سے جاری احکامات کی روشنی میں جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔تھانہ کوتوالی،تھانہ سول لائینز، عباس نگر، مسافرخانہ، سٹی احمد پور شرقیہ، دھوڑ کوٹ، ہیڈراجکاں اور تھانہ ڈیراور پولیس نے شراب فروشوں کے خلاف کامیاب کارروائیاں عمل میں لاتے ہوئے 11ملزمان رضوان سلطان، شہزاد، وقار سلیم، ظفر عرف کالی، رفیق، عمران، امجد، آفتاب، دلشاد احمد، عبدالمجید اور بشیر احمد کو گرفتار کرکے ان کے قبضہ سے 550لیٹر دیسی شراب اور 03عدد چالو بھٹیاں برآمد کرلیں۔جبکہ تھانہ بغدادالجدید پولیس نے منشیات فروشی کے مرتکب 01ملزم جمشید کو گرفتار کرکے اس کے قبضہ سے 1500 گرام چرس برآمد کرلی ۔گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔ اس موقع پر ڈی پی او سید محمد عباس نے اپنے پیغام میں کہا کہ نیو ائیر نائٹ کے حوالے سے جاری آپریشن کو مزید تیز کیا جارہا ہے ، معاشرے کو ایسے ناسور عناصر سے پاک کرنا پولیس کی اولین ترجیح ہے۔
ترجمان بہاولپور پولیس
**************************
ڈسٹرکٹ پولیس شعبہ تعلقات عامہ
پریس ریلیز(679)
مورخہ 21.12.2023
بہاول پور( )ڈی پی او سید محمد عباس کی کمانڈ میں بہاولپور پولیس کو جرائم پیشہ افراد کے خلاف کامیابیاں ملنے کا سلسلہ جاری، تھانہ سٹی حاصل پور پولیس کی کامیاب کارروائی،چوری کی متعدد وارداتوں میں ملوث ملزمان گرفتار۔ لاکھوں مالیت کا مال مسروقہ برآمد کرکے اصل مالکان کے حوالے کیا جا رہاہے۔عوام الناس کو لوٹنے والے کسی رعائت کے مستحق نہیں، ڈی پی او
تفصیلات کے مطابق ڈی پی او بہاولپور سید محمد عباس کی کمانڈ میں شہریوں کو ریلیف مہیا کرنے کا سلسلہ جاری ہے۔ تھانہ سٹی حاصل پور پولیس نے جدید ٹیکنالوجی کے استعمال اور موثر حکمت عملی سے اسپیشل ٹیمیں تشکیل دے کر چوری کی متعدد وارداتوں میں ملوث 03کس ملزمان کو گرفتار کرکے ان کے قبضہ سے چوری شدہ 03عدد بکریاں، سولر پلیٹس اور نقد رقم 80,000/-روپے برآمد کرلئے۔ گرفتار ملزمان سے مزید انٹیروگیشن جاری ہے ، جلد ان کے باقی ساتھیوں کو بھی گرفتار کرلیا جائے گا ۔ برآمد شدہ نقد رقم و دیگر مال مسروقہ ضروری کارروائی کے بعد اصل مالکان کے حوالے کی جارہی ہیں۔ ڈی پی او سید محمد عباس نے اس موقع پر بات کرتے ہوئے کہا کہ شہریوں کا لوٹا ہوا مال ریکور کرایا جا رہا ہے تاکہ شہریوں کو زیادہ سے زیادہ ریلیف مہیا کیا جا سکے۔ ڈی پی او سید محمد عباس نے بہترین کارکردگی پر تھانہ سٹی حاصل پور پولیس کو شاباش دی۔
ترجمان بہاولپور پولیس
*****************************************
image
