بہاولپور( ) ایڈیشنل انسپکٹر جنرل پولیس جنوبی پنجاب کامران خان کا دورہ بہاولپور، پولیس لائنز،پولیس اسٹیشنز،پولیس خدمت مرکز اور قائداعظم سولر پارک کا وزٹ کیا۔پولیس کے چاک وچوبند دستے نے سلامی دی ایڈیشنل آئی جی نے یاد گار شہدا پر پھول چڑھائے اور شہدا کے لئے دعا کی۔ سیف سٹی پراجیکٹ کو جلد از جلد مکمل کروائیں تاکہ بہاولپور سٹی کو محفوظ بنایا جاسکے۔ ایڈیشنل انسپکٹر جنرل آف پولیس جنوبی پنجاب کامران خان
کیمطابق ایڈیشنل انسپکٹر جنرل آف پولیس جنوبی پنجاب کامران خان کی پولیس لائنز بہاولپور آمد پر آر پی او بہاولپور رائے بابر سعید اور ڈی پی او بہاولپور سید محمد عباس نے ان کا استقبال کیا۔ پولیس کے چاک و چوبند دستے نے سلامی دی،ایڈیشنل انسپکٹر جنرل آف پولیس جنوبی پنجاب نے یاد گارِ شہدا پر پھول چڑھائے اور شہدا کے لئے دعا کی۔ انہوں نے پولیس لائنز میں زیر تعمیر سیف سٹی پروجیکٹ کی بلڈنگ کا بھی دورہ کیا۔آرپی او بہاولپور رائے بابر سعید نے سیف سٹی پراجیکٹ کی تکمیل کے حوالے سے بریفنگ دی جس پرانہوں نے ہدایت کی کہ اس پروجیکٹ کو جلد از جلد مکمل کروائیں تاکہ بہاولپور سٹی کو محفوظ بنایا جاسکے۔وزٹ کا سلسلہ جاری رکھتے ہوئے ایڈیشنل انسپکٹر جنرل آف پولیس جنوبی پنجاب کامران خان نے پولیس خدمت مرکز بہاولپور، اسپیشل انیشیٹیوپولیس اسٹیشنز سول لائنز، صدر بہاولپور اور کینٹ کو بھی چیک کیا،اسٹیٹ آف دی آرٹ انفراسٹرکچر اور عوام کو دی جانے والی بہترین سہولیات پراطمنان کا اظہار کیا۔ایڈیشنل انسپکٹر جنرل آف پولیس جنوبی پنجاب نے گفتگو کرتے ہوئے کہا کہ انسپکٹر جنرل آف پولیس پنجاب ڈاکٹر عثمان انور کی کاوشوں سے پنجاب حکومت نے پنجاب کے تمام تھانوں کو بہترین بلڈنگ،پرانے تھانوں کو اسٹیٹ آف دی آرٹ انفراسٹرکچر اور بہترین سہولیات سے آراستہ کر دیا ہے۔یقینا ان تھانوں کے ماحول اور سہولیات سے عام شہریوں کو زیادہ سے زیادہ ریلیف مل رہا ہے،پولیس اور عوام میں دوستانہ ماحول قائم ہو رہا ہے،فری اور فوری ایف آئی کا اندراج ہو رہا ہے اور ایسے معاملات جن میں ایف آئی کی ضرورت نہیں انہیں بھی بہترین طریقہ سے حل کیا جا رہے،ہمارا مقصد جنوبی پنجاب کی عوام کو زیادہ سے زیادہ ریلیف دینا ہے۔انہوں نے مزید کہا کہ انسپکٹر جنرل آف پولیس پنجاب نے ایک سال کے دوران 22ہزار سے زائد پروموشنز کیں جس سے پولیس کے افسران و اہلکاران کا مورال بلند ہوا ہے یہی نہیں آئی جی پنجاب نے نفری کی کمی کو پورا کرنے کے لئے بھرتی کا عمل بھی شروع کر دیا ہے جس کا پہلا مرحلہ جاری ہے اورپہلا مرحلہ مکمل ہوتے ہی دوسرا مرحلہ شروع کر دیا جائے گا جس کا باقاعدہ شیڈول آئی جی پنجاب کی جانب سے جاری کیا جا چکا ہے۔پولیس بہت اچھا کام کر رہی ہے میں اپنے پولیس افسران و اہلکاران کو شاباش دیتا ہوں اور امید کرتا ہوں کہ وہ اپنے کام میں مزید بہتری لا کر عوام کی خدمت کریں گے۔ایڈیشنل انسپکٹر جنرل آف پولیس جنوبی پنجاب نے قائداعظم سولر پارک کا بھی وزٹ کیا اور سیکیورٹی انتظاما ت کا جائزہ لیا۔بعد ازاں ایڈیشنل انسپکٹر جنرل پولیس جنوبی پنجاب نے ریجنل پولیس آفس بہاولپور میں ڈسٹرکٹ بہاولپور کے ایس پیز اور ڈی ایس پیز اور ٹریفک پولیس سے میٹنگ کی۔ریجنل پولیس آفیسر بہاولپور رائے بابر سعید نے انہیں کمیونٹی پولیسنگ، کرائم،کرائم کنٹرول کے حوالے سے پولیس کی جانب سے اپنائی گئی حکمت عملی،فارنرز کی سیکیورٹی، مساجد امام بارگاہوں اور چرچز کی سیکیورٹی کے بارے میں بتایا۔
ترجمان بہاولپور پولیس
**********************
ڈسٹرکٹ پولیس شعبہ تعلقات عامہ
پریس ریلیز(127)
مورخہ 07.03.24
بہاول پور( )ڈسٹرکٹ پولیس آفیسر سید محمد عباس کے احکامات ، گزشتہ دو روز کی مختلف کارروائیوں میں 05ملزمان گرفتار۔ گرفتار ملزمان سے بھاری مقدار میں شراب ومنشیات برآمد، ملزمان پابند سلاسل۔ جرائم پیشہ افراد کا تعاقب جاری رکھا جائیگا، ڈی پی او سید محمد عباس
تفصیلات کے مطابق ڈی پی او بہاولپور سید محمد عباس کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔تھانہ اوچشریف اور تھانہ دھوڑ کوٹ پولیس نے شراب فروشوں کے خلاف کارروائی عمل میں لاتے ہوئے 02ملزمان رمضان خان اور شفقت حسین کو گرفتار کرکے انکے قبضہ سے 90لیٹر شراب برآمد کرلی۔اسی طرح تھانہ کوتوالی ، تھانہ صدر یزمان اور تھانہ سٹی احمد پور شرقیہ پولیس نے منشیات فروشوں کے خلاف کارروائیاں عمل میں لاتے ہوئے 03ملزمان نادر علی، اقبال تبسم اور شہزاد خالق کو گرفتار کرکے ان کے قبضہ سے 02کلو 700گرام چرس برآمد کرلی۔ گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔اس موقع پر ڈی پی او سید محمد عباس نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، انہوں نے مزید کہا کہ جرائم پیشہ افراد کا تعاقب جاری رکھا جائے گا۔
