ڈسٹرکٹ پولیس شعبہ تعلقات عامہ
پریس ریلیز(337)
مورخہ 15.06.24
بہاول پور( )ڈسٹرکٹ پولیس آفیسر اسد سرفراز خان کی زیر کمانڈ جرائم پیشہ افراد کے خلاف گرینڈ آپریشن جاری، گزشتہ روز کی مختلف کارروائیوں میں 10ملزمان گرفتار۔ بھاری مقدار میں شراب، منشیات و اسلحہ ناجائز برآمد۔ جرائم پیشہ افراد کے خلاف جاری کارروائیوں کو مزید تیز کیا جارہا ہے ، ڈی پی او اسد سرفراز خان
تفصیلات کے مطابق ڈی پی او اسد سرفراز خان کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔تھانہ صدر احمد پور شرقیہ ،نوشہرہ جدیداور تھانہ صدر حاصل پور پولیس نے شراب فروشوں کے خلاف بھر پور کارروائیاں عمل میں لاتے ہوئے 03ملزمان حبیب احمد، بشیر احمد اور زاہد رشید کو گرفتار کرکے ان کے قبضہ سے 215لیٹر شراب اور 02عدد چالوبھٹیاں برآمد کرلیں۔اسی طرح تھانہ دھوڑ کوٹ اور تھانہ صدر یزمان پولیس نے منشیات فروشوں کے خلاف کارروائیاں عمل میں لاتے ہوئے 03ملزمان شاہد ،نوید عباسی اور سلطان کو گرفتار کرکے ان کے قبضہ سے 1080گرام چرس اور 10 گرام کرسٹل آئس برآمد کرلی۔جبکہ اسلحہ ناجائز رکھنے والوں کے خلاف گھیرا تنگ کرتے ہوئے تھانہ سمہ سٹہ پولیس نے 04ملزمان حسان ، حمزہ علی، شاکر اور عابد کو گرفتار کرکے ان کے قبضہ 02عدد پسٹل 30بور اور 02عدد ریوالور32بور برآمد کرلیے۔ پولیس نے گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔اس موقع پر ڈی پی او اسد سرفراز خان نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، انہوں نے مزید کہا کہ جرائم پیشہ افراد کا تعاقب جاری رکھا جائے گا۔
ترجمان بہاولپور پولیس
image
