ڈسٹرکٹ پولیس آفس / شعبہ تعلقات عامہ
پریس ریلیز(395)
26.07.24
بہاولپور( )ڈسٹرکٹ پولیس آفیسر اسد سرفراز خان نے نماز جمعہ جامعہ مسجداہلحدیث شکاری پوری گیٹ میں ادا کی اور نماز کے بعد مسجد میں کھلی کچہری کا انعقاد کیا۔ ضلع بھر میں ایس ڈی پی اوز ، ایس ایچ اوز اور تفتیشی افسران نے نماز جمعہ کے بعد کمیونٹی پولیسنگ کو فروغ دیتے ہوئے پولیس اور عوام کے درمیان خلیج کے خاتمے کیلئے کھلی کچہری کا انعقاد کیا۔ عوام کی سہولیات کے لئے اٹھائے گئے اقدامات بارے بریف کیا۔ بہاولپور پولیس عوام الناس کی حفاظت کیلئے ہمہ وقت کوشاں ہے، ڈی پی او اسد سرفراز خان
تفصیلات کے مطابق انسپکٹر جنرل آف پولیس پنجاب کے احکامات کی روشنی میں ڈی پی او بہاولپور کی اوپن ڈور پالیسی کے تحت اور شہریوں کے مسائل ان کی دہلیز پر حل کرنے کے حوالے سے ڈی پی او بہاولپور نے جامعہ مسجد اہلحدیث شکاری پوری گیٹ علاقہ تھانہ کوتوالی میں کھلی کچہری کے دوران شہریوں کے اجتماعی و انفرادی مسائل دریافت کئے اور متعلقہ افسران کو فوری داد رسی کے احکامات جاری کئے۔ اسی طرح ایس ڈی پی اوز اور ایس ایچ اوز نے اپنے اپنے علاقہ کی مساجد میں جمعتہ المبارک کے روز کھلی کچہری منعقد کرتے ہوئے شہریوں کے مسائل تفصیل سے سنے اور میرٹ پر انصاف فراہم کرنے کی یقین دہانی کرائی۔ڈی پی او نے کھلی کچہری کے حوالے سے اپنے پیغام میں کہا کہ مساجد میں کھلی کچہری منعقد کرنے کا تسلسل اسی طرح جاری رہے گا تاکہ شہریوں کے مسائل کو ان کی دہلیز پر سنا اور حل کیا جاسکے۔ عوام کی سہولیات کے لئے اٹھائے گئے پولیس کے سپیشل انیشیٹیوز، فری رجسٹریشن آف کرائم، خدمت کاونٹرز، تحفط مراکز، لائسنسنگ سینٹرز ،میثاق سینٹر سمیت مختلف شعبہ ہائے پولیس کی ورکنگ اور 15کال پر پولیس رسپانس کے متعلق مساجد میں منعقد کھلی کچہریوں میں عوام الناس کو تفصیلا آگاہی فراہم کی گئی۔انہوں نے مزید کہا کہ عوام کو انصاف فراہم کرنا ہماری اولین ذمہ داری ہے،جس پر تمام فیلڈ افسران عمل پیرا ہیں۔عام آدمی کی دہلیز تک انصاف کی فراہمی کے لیے تمام تر وسائل کو بروئے کار لایا جارہا ہے۔ بہاولپور پولیس عوام الناس کے تحفظ کیلئے ہمہ وقت کوشاں ہے۔
ترجمان بہاولپور پولیس
***********************
ڈسٹرکٹ پولیس آفس بہاولپور / شعبہ تعلقات عامہ
پریس ریلیز(396)
26.07.24
بہاول پور( )ڈی پی او اسد سرفراز خان کے احکامات، جمعتہ المبارک کے روز ایس ڈی پی اوز اور ایس ایچ اوز کے سیکیورٹی کے حوالے سے مساجد اور امام بارگاہوں کے وزٹ، موجودہ ملکی صورتحال کے پیش نظر ڈیوٹی پر مامور اہلکاروں کو الرٹ رہنے کی ہدایت، سیکیورٹی فرائض میں غفلت ہرگز برداشت نہیں کی جائے گی، ڈسٹرکٹ پولیس آفیسر اسد سرفراز خان
تفصیلات کے مطابق انسپکٹر جنرل آف پولیس پنجاب کے احکامات اور ڈی پی او اسد سرفراز خان کی ہدایت پر عمل پیرا ہوتے ہوئے ایس ڈی پی اوز نے اپنے سرکل جبکہ ایس ایچ اوز نے اپنے اپنے تھانہ جات کی حدود میں جمعتہ المبارک کے حوالے سے مساجد اور امام بارگاہوں کی سیکیورٹی ڈیوٹی پر مامور افسران و جوانوں کو چیک کیا۔سیکیورٹی پر مامور جوانوں کے پاس موجود اسلحہ اور حفاظتی انتظامات کا جائزہ لیا۔ موجودہ ملکی صورتحال کے پیش نظر جوانوں کو الرٹ رہ کر ڈیوٹی سرانجام دینے کی ہدایت کی۔ڈی پی او اسد سرفراز خان نے اپنے پیغام میں کہا ہے کہ ہمارا فرض بہت اہم ہے،شہریوں کو احساس تحفظ دلانا ہے کہ ہم انکی سیکیورٹی کے لیے موجود ہیں۔ ملکی صورتحال کے پیش نظر شرپسند عناصر پر کڑی نظر رکھیں اور الرٹ رہیں کیونکہ ہم الرٹ رہیں گے تو شرپسند عناصر اپنے مذموم مقاصد میں کامیاب نہیں ہوسکیں گے۔ سیکیورٹی فرائض میں غفلت و لا پرواہی بلکل برداشت نہیں کی جائے گی۔ انہوں نے ایس ڈی پی اوز اور ایس ایچ اوز کو اپنے اپنے ایریا میں موثر گشت اور سیکیورٹی انتظامات کے حوالے سے ہدایات بھی جاری کیں۔
ترجمان بہاولپور پولیس
********************
ڈسٹرکٹ پولیس آفس / شعبہ تعلقات عامہ
پریس ریلیز(397)
26.07.2024
بہاول پور) ( ڈسٹرکٹ پولیس آفیسر اسد سرفرازخان کا شہریوں کے لئے احسن اقدام ، ڈی ایس پی ٹریفک کی زیرنگرانی شہر بھر میں موٹر سائیکل سواروں میں ہیلمٹ اور وائر لاک تقسیم کئے گئے ۔ شاہراہوں پر ٹریفک کی روانی اور حادثات سے بچائو ہماری اولین ترجیحات میں شامل ہے، ڈسٹرکٹ پولیس آفیسراسد سرفرازخان
تفصیلات کے مطابق ڈسٹرکٹ پولیس آفیسراسد سرفرازخان کی ہدایات کی روشنی میں ڈی ایس پی ٹریفک ریاض احمد فیاض نے شہر کے مختلف مقامات پر بغیر ہیلمٹ کے موٹر سائیکل پر سفر کرنے والوں میں مفت ہیلمٹ تقسیم کئے۔شہر میں موٹر سائیکل چوری کی بڑھتی ہوئی وارداتوں کو مدنظر رکھتے ہوئے شہریوں میں وائر لاک بھی تقسیم کئے گئے ۔ڈسٹرکٹ پولیس آفیسر اسد سرفرازخانے اس حوالے سے بات کرتے ہوئے کہا کہ موٹر سائیکل سوار کے لئے ہیلمٹ کا استعمال لازمی ہے ، بغیر ہیلمٹ کے موٹر سائیکل چلانے والوں کے خلاف سخت کارروائیاں عمل میں لائی جارہی ہیں۔انہوںنے کہا کہ شہری گھر وں یا دکانوں کے باہر موٹر سائیکل کھڑی کرتے وقت وائر لاک کا استعمال یقینی بنائیں ۔شہریوں میں ہیلمٹ تقسیم کرنے کا مقصد شہریوں میں اس بات کو اجاگر کرنا ہے کہ ہیلمٹ کے استعمال سے کسی بھی حادثہ کی صورت میں بہت سی قیمتی جانوں کو ضائع ہونے سے بچایا جاسکتاہے۔ڈی پی او بہاولپورنے شہریوں کوپیغام دیتے ہوئے کہا کہ پوری ذمہ داری کے ساتھ ہیلمٹ کے استعمال کو یقینی بنائیں اور اپنے موٹر سائیکل کو کہیں بھی پارک کرتے وقت سیفٹی کے لئے وائر لاک کا استعمال کریں یہ ہر شہری کی ضرورت بھی ہے اور سماجی ذمہ داری بھی ۔
ترجمان بہاولپور پولیس
*********************
