ڈسٹرکٹ پولیس شعبہ تعلقات عامہ
پریس ریلیز(444)
مورخہ 27.08.24
بہاول پور( )ڈسٹرکٹ پولیس آفیسربہاولپور اسد سرفراز خان کی زیر کمانڈ جرائم پیشہ افراد کے خلاف گرینڈ آپریشن جاری، گزشتہ دو روز کی مختلف کارروائیوں میں 11ملزمان گرفتار۔ بھاری مقدار میں شراب، منشیات و اسلحہ ناجائز برآمد۔ جرائم پیشہ افراد کے خلاف جاری کارروائیوں کو مزید تیز کیا جارہا ہے ، ڈی پی اوبہاولپور اسد سرفراز خان
تفصیلات کے مطابق ڈی پی اوبہاولپور اسد سرفراز خان کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔تھانہ سمہ سٹہ ، اوچشریف اور تھانہ عنائتی پولیس نے شراب فروشوں کے خلاف بھر پور کارروائیاں عمل میں لاتے ہوئے 03ملزمان کو گرفتار کرکے ان کے قبضہ 180لیٹر شراب اور 01عدد چالو بھٹی برآمد کرلی۔اسی طرح تھانہ صدر بہاولپور اور تھانہ صدر حاصل پورپولیس نے منشیات فروشوں کے خلاف کارروائیاں عمل میں لاتے ہوئے02ملزمان کو گرفتارکرکے ان کے قبضہ سے02کلو 30گرام چرس اور10گرام کرسٹل آئس برآمد کرلی۔ جبکہ تھانہ بغداد الجدید، ڈیراور، صدر احمد پور شرقیہ اور تھانہ صدر حاصل پورپولیس نے اسلحہ ناجائز رکھنے والوں کے خلاف گھیرا تنگ کرتے ہوئے06ملزمان کو گرفتارکرکے ان کے قبضہ سے06عدد پسٹل 30بوربرآمد کرلی۔پولیس نے گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔اس موقع پر ڈی پی اوبہاولپور اسد سرفراز خان نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، انہوں نے مزید کہا کہ جرائم پیشہ افراد کا تعاقب جاری رکھا جائے گا۔
ترجمان بہاولپور پولیس
***********************
