ڈسٹرکٹ پولیس شعبہ تعلقات عامہ
پریس ریلیز(479)
22.09.24
بہاول پور( )ڈسٹرکٹ پولیس آفیسر اسد سرفراز خان کااسلامیہ یونیورسٹی امتحانی مرکز کا وزٹ ،MDCATکے ٹیسٹ کی فول پروف سیکیورٹی کے انتظامات بارے جائزہ،UHS کے عملے کو بلا خوف وخطر پرامن ماحول مہیا کرنا ہماری اولین ڈیوٹی میں شامل ہے۔ معاشرتی امن کو ہر صورت بحال رکھا جائے گا،ڈی پی اواسدسرفرازخان
تفصیلات کے مطابق انسپکٹر جنرل آف پولیس پنجاب کی ہدایات کی روشنی میں ڈسٹرکٹ پولیس آفیسر اسد سرفرازخان نے اسلامیہ یونیورسٹی میں جاری MDCATٹیسٹ سنٹر کا وزٹ کیا ۔اس موقع پر پرنسپل قائد اعظم میڈیکل کالج ڈاکٹر صوفیہ فرحت نے تمام تر انتظامات بارے ڈی پی او بہاولپور کو بریفنگ دی اور فول پروف سکیورٹی انتظامات مہیا کرنے پرڈی پی او بہاولپور کا شکریہ ادا کیا۔طلبہ و طالبات کے جاری انٹری ٹیسٹ کے حوالے سے سکیورٹی کے سخت انتظامات کئے گئے ہیں۔ڈسٹرکٹ پولیس آفیسراسد سرفرازخان نے اس حوالے سے بات کرتے ہوئے کہا کہ پولیس افسران و جوان اپنے اردگرد شرپسند عناصر پر کڑی نظر رکھیں ۔ کسی کو چیکنگ کے بغیر اندر نہ آنے دیا جائے ۔ چیکنگ کے عمل کو شفاف بنانے کے لئے لیئر وائز ڈیوٹی لگائی گئی ہے۔طالبات کی چیکنگ کے لئے لیڈی پولیس کو ڈیوٹی پر مامور کیا گیا ہے۔سکیورٹی کے عمل کو مزید بہتر بنانے کیلئے ڈرائون کیمرہ اور CCTVکیمرہ جات سے مانیٹرنگ کے عمل کو یقینی بنایا گیا۔ UHS اورقائد اعظم میڈیکل کالج کے ڈاکٹرز اور پروفیسرو دیگرعملہ امتحان لینے کے فرائض سرانجام دے رہے ہیں،کو بلا خوف خطر پرامن ماحول مہیا کرنا ہماری ڈیوٹی میں شامل ہے۔ انہوں نے مزید کہاکہ ڈی ایس پیز و دیگر افسران ڈیوٹی پر مامور جوانوں کو چیک کریں اور الرٹ رکھیں، ڈیوٹی میں سستی و لاپرواہی برداشت نہیں کی جائیگی۔
ترجمان بہاولپور پولیس
*******************
ڈسٹرکٹ پولیس آفس / شعبہ تعلقات عامہ
پریس ریلیز(480)
22.09.24
بہاو ل پور( )ڈسٹرکٹ پولیس آفیسر اسد سرفراز خان کے احکامات کی روشنی میں مسیحی عبادت گاہوں کی سیکیورٹی کے سخت انتظامات، سینکڑوں پولیس افسران و اہلکار ڈیوٹی پر تعینات، مسیحی برادری سمیت تمام شہریوں کی حفاظت ہمارے اولین فرائض میں شامل ہے، ڈی پی او اسد سرفراز خان
تفصیلات کے مطابق انسپکٹر جنرل آف پولیس پنجاب کی فول پروف سیکیورٹی کی ایس او پی کے تحت ڈی پی او اسد سرفراز خان خان کے احکامات کی روشنی میں اتوار کے روز مسیحی عبادت گاہوں پر سیکیورٹی کے فول پروف انتظامات کئے گئے۔جن پر سینکڑوں کی تعداد میں پولیس افسران و اہلکار تعینات کیے گئے۔ ضلع کے سرکل افسران اور ایس ایچ اوز نے جاری شدہ سیکیورٹی پلان کے مطابق ڈیوٹی پر مامور افسران و اہلکاروں کو چیک کرنے کے ساتھ ساتھ ڈیوٹی کی حساسیت کے بارے میں بریف کیا اور ڈیوٹی الرٹ رہ کر سرانجام دینے کی ہدایت کی،بعد ازاں سیکیورٹی سکینینگ کے آلات کی انسٹالیشن اور ورکنگ کے ساتھ ساتھ جامعہ تلاشی کے عمل کا بھی جائزہ لیا۔ سول پارچات میں سیکیورٹی اہلکاروں کے ساتھ معاونین اداروں نے بھی اردگرد کے ماحول اور غیر متعلقہ افراد کی سرگرمیوں پر نظر رکھی۔ ضلع بھر میں قیام امن کو یقینی بنانے کے لئے مختلف مقامات کے علاوہ ضلع کے خارجی اور داخلی راستوں پر جرائم پیشہ افراد کی نقل و حرکت کیلئے موثر سنیپ چیکنگ کا عمل بھی جاری ہے۔ ڈی پی او اسد سرفراز خان نے مزید ہدایات جاری کرتے ہوئے کہا کہ ایس ایچ اوز اور پٹرولنگ ڈیوٹی پر مامور افسران اقلیتی عبادت گاہوں کے ارد گرد گشت کو ہر صورت یقینی بنائیں، کسی بھی مشتبہ اشخاص سے پوچھ گچھ اور اقلیتی عبادت گاہوں کے اردگرد رہنے والے غیر متعلقہ افراد پر بھی نظر رکھیں، معاشرتی امن کے لیے بہاولپور میں رہنے والے تما م اقلیتی برادری کی سیکیورٹی کو فول پروف رکھا جائے، غفلت و لاپرواہی برداشت نہیں کی جائے گی۔ اس موقع پر ڈی پی او اسد سرفراز خان نے ہدایات جاری کرتے ہوئے کہا کہ ضلع میں امن و امان کے حوالے سے دیگر سیکیورٹی فرائض کے ساتھ عبادت گاہوں میں بھی سیکیورٹی ایس او پیز پر عملدرآمد کو یقینی بنائیں، ایسے مقامات کی سیکیورٹی جہاں پر عوام الناس بھاری تعداد میں جمع ہوں ایسی جگہوں پر امن و امان کی صورتحال کو برقرار رکھنا نہایت ضروری ہے، مسیحی برادری سمیت تمام شہریوں کی حفاظت ہمارے اولین فرائض میں شامل ہے۔
ترجمان بہاولپور پولیس
*****************
