ڈسٹرکٹ پولیس آفس / شعبہ تعلقات عامہ
پریس ریلیز(490)
30.09.24
بہاول پور( )انسپکٹر جنرل آف پولیس پنجاب کے احکامات کی روشنی میںاورڈسٹرکٹ پولیس آفیسراسد سرفرازخان کی زیر نگرانی محکمانہ ترقی کے سلسلہ میں لسٹ B-1کے امتحان کا انعقاد کیا گیا۔امتحان میں ضلع بہاول پورسے کانسٹیبلز اور لیڈی کانسٹیبلزنے شرکت کی۔امتحان دینے والے جوانوں کے لیے تمام سہولیات کا خصوصی طور پر انتظام کیا گیا۔ محنتی اور میرٹ پر آنے والے جوان ہی ترقی کے اہل ہوں گے۔ ڈی پی او اسد سرفرازخان
تفصیل کے مطابق ڈی پی او بہاول پور اسد سرفرازخان کی سرپرستی میں پولیس لائنز میں محکمانہ ترقی کے سلسلہ میں لسٹ B-1کے امتحان کا انعقاد کیا گیا۔امتحان میں ضلع بھر سے کنسٹیبلز اور لیڈی کانسٹیبلز نے شرکت کی ۔ تمام جوان اپنی ترقی کے لیے انتہائی پرجوش اور مکمل تیاری کے ساتھ آئے ہوئے تھے۔لسٹ B-1کا امتحان اس لیے بھی اہمیت کا حامل ہے کہ محکمہ میں مسلسل ترقی کی طرف پہلا قدم ہوتا ہے۔ امتحان کے تمام مراحل کی ڈی پی او بہاولپور نے بذات خود نگرانی کی ۔ ڈی پی اواسد سرفرازخان نے اس حوالے سے بات کرتے ہوئے کہا کہ ترقی کے اس عمل میں 100فیصد میرٹ کو مدنظر رکھا جائے گا۔ محنتی اور میرٹ پر پورا اترنے والے جوان ہی ترقی کے اہل ہوں گے۔امتحان میں شفافیت اورمیرٹ کو یقینی بنانے کے لیے تمام عمل کی بذریعہCCTV کیمرہ جات مانیٹرنگ کی گئی۔ ترقی کے عمل سے جوانوں کا مورال بلند ہوتا ہے۔ سکیورٹی خدشات کے پیش نظر پولیس لائنز میں سکیورٹی کے فول پروف انتظامات کیے گئے۔اس موقع پر ڈی ایس پی ہیڈ کوارٹر زبیر بنگش، ڈی ایس پی لیگل Iعبدالرئوف جاوید، ڈی ایس پی لیگل II جام محمد محسن اور دیگر متعلقہ افسران بھی موجود تھے۔
ترجمان بہاولپور پولیس
