ڈسٹرکٹ پولیس شعبہ تعلقات عامہ
پریس ریلیز(199)
مورخہ 29.04.25
بہاولپور ( )ڈسٹرکٹ پولیس آفیسرمحمد حسن اقبال کے احکامات،تھانہ سٹی یزمان پولیس کی کامیاب کارروائی،چوری کی متعدد وارداتوں میں ملوث بلاول عرف حیدر گینگ کا سرغنہ05 ساتھیوں سمیت گرفتار ، گرفتار ملزمان سے 48لاکھ روپے سے زائد مالیت کی نقد رقم برآمد۔ ڈی پی او بہاولپور کے واضح احکامات ہیں کہ عوام الناس کو لوٹنے والے کسی رعائت کے مستحق نہیں، جرائم پیشہ افراد کا تعاقب جاری رہے گا،ایس ڈی پی او سرکل یزمان کی بہاولپور کی میڈیا سے گفتگو
تفصیلات کے مطابق ایس ڈی پی اوسرکل یزمان نے اپنے دفتر میں ایس ایچ اوتھانہ سٹی یزمان کے ہمراہ پریس کانفرنس کے دوران کہا کہ ڈسٹرکٹ پولیس آفیسرمحمد حسن اقبال نے یزمان سرکل میں چوری کی بڑھتی ہوئی وارداتیں کنٹرول کرنے کے احکامات جاری کئے ۔ جس کے نتیجے میں ایس ایچ اوتھانہ سٹی یزمان نے دن رات محنت سے خفیہ معلومات، انٹیلی جنس ذرائع، ہیومن ریسورسز ،جدید ٹیکنالوجی کے استعمال اور موثر حکمت عملی سے اسپیشل ٹیمیں تشکیل دے کرچوری کی متعدد وارداتوں میں ملوث بلاول عرف حیدر گینگ کے سرغنہ کو 05ساتھیوں سمیت گرفتار کرلیا۔ گرفتارملزمان کے قبضہ سے چوری شدہ48لاکھ روپے سے زائد کی نقد رقم برآمد کرلی گئی ہے یہ بین الصوبائی چور گینگ جنوبی پنجاب کے دیگر اضلاع کو بھی مطلوب ہے جن کی گرفتاری کے بعد چوری کی واردات میں واضح کمی واقع ہوگی۔ گرفتار ملزمان سے مزید انٹیروگیشن جاری ہے ، جلد ان کے باقی ساتھیوں کو بھی گرفتار کرلیا جائے گا ۔ برآمد شدہ نقد رقم ضروری کارروائی کے بعد اصل مالکان کے حوالے کی جائے گی۔علاقہ مکینوں نے سرقہ شدہ نقد رقم ملنے اور ملزمان کی گرفتاریوں پربہاولپورپولیس کا شکریہ ادا کیا۔ ڈی پی او بہاولپورمحمد حسن اقبال نے اس حوالے سے بات کرتے ہوئے کہا کہ شہریوں کے جان و مال کا تحفظ ہماری اولین ذمہ داری ہے۔ جرائم پیشہ افراد کسی رعایت کے مستحق نہیں، ایسے جرائم پیشہ عناصر کو قانون کے مطابق منطقی انجام تک پہنچایا جائے گا۔ میڈیا نمائندگان کی جانب سے پولیس کی اس کاوش کو سراہا گیا۔
ترجمان بہاولپور پولیس
----------------------------
ڈسٹرکٹ پولیس آفس / شعبہ تعلقات عامہ
پریس ریلیز (200)
29.04.25
بہاول پور( )ریجنل پولیس آفیسر رائے بابر سعیدنے ڈسٹرکٹ پولیس آفیسر محمد حسن اقبال کے ہمراہ تھانہ صدربہاولپور اور تھانہ کینٹ کا وزٹ کیا اور دونوں تھانوں میں کھلی کچہری لگائی۔ کھلی کچہری میںاہل علاقہ کی بڑی تعداد کو سنا اور انفرادی طور پر متعلقہ افسران کوشہریوں کے مسائل بر وقت حل کرنے کے احکامات جاری کیے، کھلی کچہری کا مقصد بلاتاخیر شہریوں کے مسائل کو میرٹ پر حل کرنا اور گھر کی دہلیز پر انصاف کی فراہمی کو یقینی بنانا ہے،ریجنل پولیس آفیسر بہاولپور
تفصیل کے مطابق ریجنل پولیس آفیسر رائے بابر سعیدنے ڈسٹرکٹ پولیس آفیسر محمد حسن اقبال کے ہمراہ تھانہ صدربہاولپور اور تھانہ کینٹ کا وزٹ کیا تھانہ کی حوالات چیک ، تھانہ کے تمام ریکارڈ کا ملاحظہ کیا اور مناسب احکامات جاری کئے۔بعد ازاں ریجنل پولیس آفیسر نے ڈی پی او بہاولپور کے ہمراہ انسپکٹر جنرل آف پولیس پنجاب کے ویژن انصاف آپ کی دہلیز پر کے پیش نظرتھانہ صدر بہاولپور اور تھانہ کینٹ میں کھلی کچہری لگائی، جس میں اہل علاقہ کی کثیر تعداد نے شرکت کی۔ کھلی کچہری میں ایس ڈی پی او سرکل سٹی و صدر اور سرکل کے جملہ ایس ایچ اوزودیگر معزز شخصیات نے بھی شرکت کی۔ریجنل پولیس آفیسر رائے بابر سعید نے کھلی کچہری میں تمام سائلین کو تفصیل سے سنا اور انفرادی طور پر متعلقہ افسران کو بروقت قانونی کارروائی اور واپسی رپورٹ کے احکامات جاری کیے۔ریجنل پولیس آفیسر نے کھلی کچہری میں شہریوں سے بات کرتے ہوئے کہا کہ تھانوں میں کھلی کچہری کا انقعاد ہماری اولین ترجیح ہے تاکہ شہریوں کے مسائل سن کر ان کی دہلیز پر بروقت دادرسی کی جاسکے۔آر پی او نے دوران کھلی کچہری میں افسران کو ہدایات جاری کرتے ہوئے کہاکہ میرٹ کو مقدم رکھتے ہوئے شہریوں کے مسائل تھانہ کی سطح پر ہی حل کیے جائیں جوکہ ہماری اولین ذمہ داری ہے۔ کھلی کچہری کا مقصد عوام کے مسائل کو ترجیحی بنیادوں پر حل کرنا اور عوام اور پولیس کے مابین فاصلے مٹانا ہے ۔ ایس ایچ اوز کو ہدایات جاری کرتے ہوئے کہا کہ عوام الناس کے ساتھ بہتر رویہ اپنائیں۔ عوام کی خدمت اور ان کے جان و مال کا تحفظ ہر صور یقینی بنایا جائے۔جبکہ شہریوں کا کہنا تھا کہ ہم بہت مطمئن ہیں کہ ریجنل پولیس آفیسر اور ڈسٹرکٹ پولیس آفیسر خود ہمارے مسائل کے حل کے لئے تشریف لائے اور مسائل کو فوری حل کرنے کے متعلق افسران کو حکم جاری کئے۔آر پی اواور ڈی پی او بہاولپور کے اس احسن اقدام سے انصاف کا بول بالا ہو رہا ہے۔ آخر میںآ ر پی او رائے بابر سعید اور ڈی پی او محمد حسن اقبال نے شہریوں کی شرکت پر بھی ان کا شکریہ ادا کیا۔
ترجمان بہاولپور پولیس
-----------------------------
ڈسٹرکٹ پولیس شعبہ تعلقات عامہ
پریس ریلیز(201)
29.04.25
بہاولپور( )ڈسٹرکٹ پولیس آفیسر محمد حسن اقبال کا بہاولپور پولیس کے افسران و جوانوں خصوصاً پولیس کے شہداء کی فیملیز کی ویلفیئر کیلئے احسن اقدام،بہاولپورپولیس اور سید لیب، لیزر ڈینٹل کلینک، ریوائیول انٹرنیشنل سکول اور نیشنل کالج آف بزنس ایڈمنسٹریشن اینڈ اکنامکس(این سی بی اے اینڈ ای ) کے مابین مفاہمتی یادداشت پر دستخط۔پولیس افسران و جوانوں کی ویلفیئر بھی ہماری اولین ترجیحات میں شامل ہے، ڈی پی او محمد حسن اقبال
تفصیلات کے مطابق بہاولپور پولیس کے افسران و جوانوں کے بچوں خصوصاًپولیس کے شہداء کی فیملیزکو بارعائت علاج معالجہ اور سستی تعلیم کی فراہمی کے لیے ڈسٹرکٹ پولیس آفیسر بہاولپورمحمد حسن اقبال اور سید لیب، لیزر ڈینٹل کلینک، ریوائیول انٹرنیشنل سکول اور نیشنل کالج آف بزنس ایڈمنسٹریشن اینڈ اکنامکس(این سی بی اے اینڈ ای ) چیئر مین اور ڈائریکٹرز کے مابین مفاہمتی یادداشت پر دستخط ہوئے ۔مفاہمتی یادداشت کی تقریب ڈسٹرکٹ پولیس آفس بہاولپور میں منعقد ہوئی ۔مفاہمتی یادداشت کے مطابق سید لیب، لیزر ڈینٹل کلینک، ریوائیول انٹرنیشنل سکول اور نیشنل کالج آف بزنس ایڈمنسٹریشن اینڈ اکنامکس(این سی بی اے اینڈ ای ) پولیس کے شہدا ، حاضر سروس اور ریٹائرڈ افسران و جوانوں اور ان کی فیملیزکو خصوصی رعائت پر علاج معالجہ اور تعلیم و دیگر سہولیات مہیا کریں گے۔معاہدے کی رو سے پولیس کے شہدا ، حاضر سروس اور ریٹائرڈ آفیسران و جوان اپنا سروس کارڈ دیکھا کریا ڈی پی او آفس سے سرٹیفکیٹ حاصل کرکے سہولیات حاصل کرنے کے مجاز ہونگے ۔ اس موقع پر ڈی پی اومحمد حسن اقبال نے کہا کہ پولیس کے شہدا ، حاضر سروس اور ریٹائرڈ آفیسران و جوانوں کے بچوں کی معیاری تعلیم کے ساتھ ساتھ دیگر سہولیات کے لئے بھی عملی اقدامات کئے جارہے ہیں اور مختلف اداروں کے ساتھ مزید ایم او یوز دستخط کیے جائیں گے۔سید لیب، لیزر ڈینٹل کلینک، ریوائیول انٹرنیشنل سکول اور نیشنل کالج آف بزنس ایڈمنسٹریشن اینڈ اکنامکس(NCBA&E) کے اونر زنے پولیس کے شہدا ، حاضر سروس اور ریٹائرڈ افسران و جوانوں کو دی جانی والی دیگر سہولیات کے حوالے سے بھرپور تعاون کا یقین دلایا۔ڈی پی او محمد حسن اقبال نے مزید کہا کہ پولیس کے جوانوں کی ویلفیئر بھی ہماری اولین ترجیحات میں شامل ہے۔
ترجمان بہاولپور پولیس
image
