ڈسٹرکٹ پولیس شعبہ تعلقات عامہ
پریس ریلیز(380)
مورخہ 13.08.25
بہاول پور( )ڈسٹرکٹ پولیس آفیسرمحمد حسن اقبال کی زیر کمانڈ جرائم پیشہ افراد کے خلاف کارروائیاں جاری، گزشتہ روز کی مختلف کارروائیوں میں09ملزمان گرفتار۔بھاری مقدار میں شراب،منشیات، اسلحہ ناجائزاور پتنگیں برآمد۔جرائم پیشہ افراد کے خلاف جاری کارروائیوں کو مزید تیز کیا جارہا ہے ، ڈی پی اومحمد حسن اقبال
تفصیلات کے مطابق وزیر اعلی پنجاب محترمہ مریم نواز شریف کے ویژن منشیات سے پاک پنجاب اور انسپکٹر جنرل آف پولیس پنجاب کے احکامات کی روشنی میںڈی پی اومحمد حسن اقبال کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔ تھانہ ڈیرہ نواب صاحب، سٹی احمدپور شرقیہ،خیرپورٹامیوالی اور تھانہ صدر حاصل پورپولیس نے شراب فروشوں کے خلاف کارروائیاں عمل میں لاتے ہوئے 04ملزمان کو گرفتارکرکے ان کے قبضہ سے19بوتلیں ولائتی شراب، اور 100لیٹردیسی شراب برآمد کرلی۔تھانہ اوچشریف پولیس نے منشیات فروشی کے مرتکب 01ملزم کو گرفتار کرکے اس کے قبضہ سے 1300گرام چرس برآمد کرلی ۔اسی طرح اسلحہ ناجائز کے خلاف کارروائی عمل میں لاتے ہوئے تھانہ سٹی یزمان، ہیڈ راجکاں اور تھانہ قائم پور پولیس نے03ملزمان کو گرفتارکرکے ان کے قبضہ سے 02عدد پسٹل 30بوراور 01عدد ریوالور 32بوربرآمد کرلیا۔جبکہ تھانہ کوتوالی پولیس پتنگ فروشی کے مرتکب 01ملزم کو گرفتارکرکے اس کے قبضہ سے 07پتنگیں اور خطرناک دھاتی ڈوریں برآمد کرلیں۔ گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔اس موقع پر ڈی پی او محمدحسن اقبال نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، انہوں نے مزید کہا کہ جرائم پیشہ افراد کا تعاقب جاری رکھا جائے گا۔
ترجمان بہاولپور پولیس
image
