ڈسٹرکٹ پولیس شعبہ تعلقات عامہ
پریس ریلیز(436)
مورخہ 13.09.25
بہاول پور( )ڈسٹرکٹ پولیس آفیسرمحمد حسن اقبال کی کمانڈ میں بہاولپور پولیس کا سماج دشمن عناصر کے خلاف گرینڈ آپریشن، مختلف کارروائیوں میں11ملزمان گرفتار۔بھاری مقدار میں شراب،منشیات اور اسلحہ ناجائز برآمد۔جرائم پیشہ افراد کے خلاف جاری کارروائیوں کو مزید تیز کیا جارہا ہے ، ڈی پی اومحمد حسن اقبال
تفصیلات کے مطابق وزیر اعلی پنجاب محترمہ مریم نواز شریف کے ویژن منشیات سے پاک پنجاب اور انسپکٹر جنرل آف پولیس پنجاب کے احکامات کی روشنی میںڈی پی اومحمد حسن اقبال کی طرف سے جرائم پیشہ افراد کے خلاف جاری مہم میں بڑی کامیابیاں ملنے کا سلسلہ جاری ہے۔ تھانہ سمہ سٹہ اور تھانہ صدر یزمان پولیس نے شراب فروشوں کے خلاف کارروائیاں عمل میں لاتے ہوئے 02ملزمان کو گرفتارکرکے ان کے قبضہ سے55لیٹر شراب برآمد کرلی۔اسی طرح تھانہ سول لائنز، سمہ سٹہ، سٹی یزمان،صدر یزمان اور تھانہ ہیڈ راجکاں پولیس نے 07ملزمان کو گرفتار کرکے ان کے قبضہ سے 03کلو 380گرام چرس ،520گرام ہیروئن اور 402گرام کرسٹل آئس برآمد کرلی۔جبکہ اسلحہ ناجائز کے خلاف کارروائی عمل میں لاتے ہوئے تھانہ چنی گوٹھ اور تھانہ صدریزمان پولیس نے02ملزمان کو گرفتارکرکے ان کے قبضہ02عدد پسٹل 30بوربرآمد کرلئے۔گرفتار ملزمان کے خلاف علیحدہ علیحدہ مقدمات درج کر کے تفتیش شروع کر دی۔اس موقع پر ڈی پی او محمدحسن اقبال نے اپنے پیغام میں کہا کہ جرم جیسا بھی ہو قانون سے کسی صورت بچ نہیں سکتا، سماج دشمن عناصر کے خلاف جاری آپریشن کو مزید تیز کیا جارہا ہے، انہوں نے مزید کہا کہ جرائم پیشہ افراد کا تعاقب جاری رکھا جائے گا۔
ترجمان بہاولپور پولیس
*******************************
ڈسٹرکٹ پولیس آفس / شعبہ تعلقات عامہ
پریس ریلیز(437)
13.09.25
بہاولپور( )ڈسٹرکٹ پولیس آفیسر محمدحسن اقبال کااپنے دفتر میںبرانچز ہیڈ کے ہمراہ پولیس ملازمین کے ساتھ میٹنگ۔جملہ ایس ایچ اوز ، افسران و جوانوں کی بذریعہ ویڈیولنک شرکت۔ محکمہ پولیس کو آپ پر فخر ہے ، ہمیشہ محنت اور جانفشانی سے اپنے پیشہ وارانہ امور کو سرانجام دیں، ڈی پی او محمد حسن اقبال
تفصیلات کے مطابق ڈسٹرکٹ پولیس آفیسر محمد حسن اقبال کی جانب سے اپنے دفترکے کانفرنس روم میں پولیس ملازمین کے مسائل کے حوالے سے میٹنگ کا انعقاد کیا۔ اس موقع پر ضلع بھرسے اپر سپارڈئنٹ و لوئر سپارڈئنٹ اورکنسٹبلان نے بذریعہ ویڈیو لنگ شر کت کی۔ اس موقع پر ڈسٹرکٹ پولیس آفیسر محمد حسن اقبال نے اپنے خطاب میں کہا کہ ضلع بھرکے پولیس ملازمان کی ویلفیئر ہماری اولین ترجیح ہے۔ ڈسپلن پر عدم برداشت کی پالیسی اپنائی جائے گی۔ آپ سب محکمہ پولیس کا فخر ہیں ، ہمیشہ محنت اور جانفشانی سے اپنی ڈیوٹی سرانجام دیں۔ بدعنوانی اور پیشہ وارانہ امور میں غفلت برتنے والوں کے لئے محکمہ میں کوئی جگہ نہیں ہے۔ اگرآپ میں سے کسی کو بھی کوئی بھی مسئلہ ہو تو وہ میرے ذاتی نمبر پر بلا خوف رابطہ کر سکتے ہیں۔ میرے آفس کے دروازے تمام افسران کے لیے کھلے ہیں۔در بار کے اختتام پر ڈی پی او بہاولپور نے جملہ ملازمان سے باری باری ان کے مسائل دریافت کئے اور ان کے مناسب حل کے لئے احکامات جاری کئے۔آخر میں انہوں نے کہا کہ بہاولپور پولیس اسی طرز پر مزید محنت اور جدوجہد سے عوام کے مسائل اور جرائم کی کمی کے لیے دن رات کام کو یقینی بنائے گی۔
ترجمان پولیس بہاولپور
***********************
ڈسٹرکٹ پولیس آفس / شعبہ تعلقات عامہ
پریس ریلیز (438)
13.09.25
بہاول پور( )ڈسٹرکٹ پولیس آفیسر محمد حسن اقبال نے پیرا گون فلڈ ریلیف کیمپ علاقہ تھانہ صدر بہاولپورکا وزٹ کیا اور عوام کے مسائل ترجیحی بنیادوں پر حل کرنے کے لئے کھلی کچہری کا انعقاد کیا گیا۔ کھلی کچہری میںاہل علاقہ کی بڑی تعداد کو سنا اور انفرادی طور پر مسائل بر وقت حل کرنے کے احکامات جاری کیے، ،ڈی پی او محمد حسن اقبال
تفصیل کے مطابق ڈی پی اومحمد حسن اقبال نے پیرا گون فلڈ ریلیف کیمپ کا وزٹ کیا، تمام انتظامات کا جائزہ لیا۔اس موقع پر انہوں نے بات کرتے ہوئے کہا کہ شہریوں اورپولیس افسران حفاظتی تدابیر اختیار کریں۔افسران و جوان اپنی ڈیوٹی الرٹ رہ کر انجام دیں، نشیبی علاقوں میں رہنے والے افراد کو آگاہی فراہم کرتے رہیں۔ شہری دریائے کے کنارے اور سیلابی علاقوں میں غیر ضروری آمد و رفت سے گریز کریں۔ ہنگامی صورتحال میں فورا ًپولیس ہیلپ لائن 15یا ریسکیو اداروں کو اطلاع دیں۔بعد ازاں انہوں نے لوگوں کے مسائل ترجیحی بنیادوں پر حل کرنے کے لئے کھلی کچہری لگائی۔ جس میں اہل علاقہ کی کثیر تعداد نے شرکت کی۔ ڈی پی او کے ہمراہ ایس ڈی پی اوصدر سرکل بہاولپور، ایس ایچ اوودیگر معزز شخصیات نے بھی شرکت کی۔ڈی پی او محمد حسن اقبال نے کھلی کچہری میں تمام سائلین کو تفصیل سے سنا اور انفرادی طور پر متعلقہ افسران کو بروقت قانونی کارروائی اور واپسی رپورٹ کے احکامات جاری کیے۔ ڈی پی او نے کھلی کچہری میں شہریوں سے بات کرتے ہوئے کہا کہ کھلی کچہری کا انقعاد ہماری اولین ترجیح ہے تاکہ شہریوں کے مسائل سن کر ان کی دہلیز پر بروقت دادرسی کی جاسکے۔انہوں نے کہا کہ سیلاب اللہ پاک کی طرف سے آزمائش ہے ثابت قدم رہیں پریشانی کی اس گھڑی میں محکمہ پولیس آپ کے ساتھ ہے۔ جبکہ شہریوں کا کہنا تھا کہ ہم بہت مطمئن ہیں کہ ڈسٹرکٹ پولیس آفیسر خود ہمارے مسائل کے حل کے لئے تشریف لائے اور مسائل کو فوری حل کرنے کے متعلق افسران کو حکم جاری کئے۔ ڈی پی او بہاولپور کے اس احسن اقدام سے انصاف کا بول بالا ہو رہا ہے۔ آخر میں ڈی پی او محمد حسن اقبال نے شہریوں کی شرکت پر بھی ان کا شکریہ ادا کیا۔
ترجمان بہاولپور پولیس
image
