ڈسٹرکٹ پولیس آفس / شعبہ تعلقات عامہ
پریس ریلیز (470)
01.10.25
بہاول پور( )ڈسٹرکٹ پولیس آفیسر محمد حسن اقبال کی جانب سے ایس ڈی پی او آفس سرکل احمد پور شرقیہ میں کھلی کچہری کا انعقاد کیا گیا۔ کھلی کچہری میںاہل علاقہ کی بڑی تعداد کو سنا اور انفرادی طور پر متعلقہ افسران کو شہریوں کے مسائل بر وقت حل کرنے کے احکامات جاری کیے، کھلی کچہری کا مقصد بلاتاخیر شہریوں کے مسائل کو میرٹ پر حل کرنا اور گھر کی دہلیز پر انصاف کی فراہمی کو یقینی بنانا ہے،ڈی پی او محمد حسن اقبال
تفصیل کے مطابق وزیر اعلیٰ پنجاب محترمہ مریم نواز شریف کے ویژن اوپن ڈور پالیسی اور انسپکٹر جنرل آف پولیس پنجاب کے احکامات کی روشنی میں ڈی پی اومحمد حسن اقبال نے ایس ڈی پی اوآفس احمدپور شرقیہ میں کھلی کچہری لگائی، جس میں اہل علاقہ کی کثیر تعداد نے شرکت کی۔ ڈی پی او کے ہمراہ ایس ڈی پی او سرکل احمد پور شرقیہ ، ایس ایچ اوز،میڈیانمائندگان ودیگر معزز شخصیات نے بھی شرکت کی۔ڈی پی او محمد حسن اقبال نے کھلی کچہری میں تمام سائلین کو تفصیل سے سنا اور انفرادی طور پر متعلقہ افسران کو بروقت قانونی کارروائی اور واپسی رپورٹ کے احکامات جاری کیے۔ ڈی پی او نے کھلی کچہری میں شہریوں سے بات کرتے ہوئے کہا کہ تھانوں میں کھلی کچہری کا انقعاد ہماری اولین ترجیح ہے تاکہ شہریوں کے مسائل سن کر ان کی دہلیز پر بروقت دادرسی کی جاسکے۔ڈی پی اونے دوران کھلی کچہری افسران کو ہدایات جاری کرتے ہوئے کہاکہ میرٹ کو مقدم رکھتے ہوئے شہریوں کے مسائل تھانہ کی سطح پر ہی حل کیے جائیں جوکہ ہماری اولین ذمہ داری ہے۔ کھلی کچہری کا مقصد عوام کے مسائل کو ترجیحی بنیادوں پر حل کرنا اور عوام اور پولیس کے مابین فاصلے مٹانا ہے ۔ ایس ایچ اوز کو ہدایات جاری کرتے ہوئے کہا کہ عوام الناس کے ساتھ بہتر رویہ اپنائیں۔ عوام کی خدمت اور ان کے جان و مال کا تحفظ ہر صور ت یقینی بنایا جائے۔جبکہ شہریوں کا کہنا تھا کہ ہم بہت مطمئن ہیں کہ ڈسٹرکٹ پولیس آفیسر خود ہمارے مسائل کے حل کے لئے تشریف لائے اور مسائل کو فوری حل کرنے کے متعلق افسران کو حکم جاری کئے۔ ڈی پی او بہاولپور کے اس احسن اقدام سے انصاف کا بول بالا ہو رہا ہے۔ آخر میں ڈی پی او محمد حسن اقبال نے شہریوں کی شرکت پر بھی ان کا شکریہ ادا کیا۔
ترجمان بہاولپور پولیس
ڈسٹرکٹ پولیس آفس / شعبہ تعلقات عامہ
پریس ریلیز(471)
01.10.25
بہاولپور( )ڈسٹرکٹ پولیس آفیسر محمد حسن اقبال نے ماہ ستمبر2025کی کارکردگی رپورٹ جاری کردی۔ ضلع بھر میں 2507مقدمات درج رجسٹر ہوئے ۔ 3556ملوث ملزمان میں سے 1427ملزمان گرفتار کر کے چالان عدالت کئے جا چکے ہیں جبکہ 178مقدمات جھوٹے ہونے کی بناء پر خارج کئے ہوئے۔ قتل کے09 جبکہ اقدام قتل کے 14مقدمات درج رجسٹرڈ ہوئے ۔ اغواء کے 42مقدمات درج رجسٹر کئے گئے۔ جن میں سے 23مقدمات خارج ہوچکے ہیں، ملوث ملزمان میںسے 14ملزمان گرفتارہوئے۔ ریپ کے 14مقدمات درج رجسٹر کئے گئے اور ملوث ملزمان میں سے 07ملزمان گرفتار کر کے چالان عدالت کئے گئے۔ڈکیتی،سرقہ بالجبر کے 45مقدمہ درج ہوئے جوکہ زیر تفتیش ہیں۔ ناجائز اسلحہ کے خلاف کریک ڈاون کرتے ہوئے بہاول پور پولیس نے گزشتہ ماہ میں75مقدمات درج رجسٹر کرکے ملوث 75ملزمان کو گرفتار کر کے اُن کے قبضہ سے 03رائفل ، 03رپیٹر، 05ریوالور ، 01کاربین ،03بندوق، 59پسٹل اور238گولیاں اسلحہ ناجائز برآمد کیا ۔ منشیات فروشوں کے خلاف کاروائی کرتے ہوئے 162مقدمات درج رجسٹر کئے اور 162ملزمان کو گرفتار کر کے اُن کے قبضہ سے 85کلو175گرام چرس ،ہیروئن 03کلو 230گرام،کرسٹل آئس 02کلو 816گرام،تقریباً 02من کے قریب بھنگ،2432لیٹرشراب،530لیٹر لہن اور04چالو بھٹیاں قبضہ پویس میں لی گئیں۔جوئے کے خلاف 06مقدمات درج رجسٹر ہوئے اور 25ملو ث ملزمان میں سے 23ملزمان گرفتار کئے۔نیشنل ایکشن پلان پر عمل درآمد کرتے ہوئے لاوڈ اسپیکر کی خلاف ورزی کرنے پر 14مقدمات درج کیے گئے جن میں ملوث 14ملزمان میں سے 14ملزمان کو گرفتار کرکے پیش عدالت کیا جا چکا ہے۔ ای گیجٹ ایپ کے ذریعے چوری اور چھینے گئے 78موبائل فونز ریکور کرکے اصل مالکان کے حوالے کئے گئے ۔مجرمان اشتہاریوں کے خلاف کارروائیاں کرتے ہوئے Aکیٹگری کے33مجرمان اشتہاری اور Bکیٹگری کے 129 مجرمان اشتہاری سمیت کل 162مجرمان اشتہاریوں کو گرفتار کیا گیا۔اسی طرح عدالتی مفروران کے خلاف کارروائی عمل میں لاتے ہوئے50عدالتی مفروران کی گرفتاری عمل میں لائی گئی۔سماج دشمن عناصر کے خلاف مزید کارروائیاں جاری ہیں۔
ترجمان بہاولپورپولیس
ڈسٹرکٹ پولیس شعبہ تعلقات عامہ
پریس ریلیز(472)
01.10.25
بہاول پور( )ڈسٹرکٹ پولیس آفیسرمحمد حسن اقبال کی ہدایات کی روشنی میں تھانہ قائم پورپولیس کی کامیاب کارروائی، چوری وڈکیتی کی متعدد وارداتوں میں ملوث پٹھان گینگ کا سرغنہ ساتھیوں سمیت گرفتار ، گرفتار ملزمان سے لاکھوں روپے مالیتی چوری شدہ موٹرسائیکل، مال مویشی ، گھریلو سامان و نقد رقم برآمد۔ عوام الناس کو لوٹنے والے کسی رعائت کے مستحق نہیں، جرائم پیشہ افراد کا تعاقب جاری رہے گا،ڈی پی او محمد حسن اقبال
تفصیلات کے مطابق وزیر اعلیٰ پنجاب محترمہ مریم نواز شریف کے ویژن جرائم سے پاک پنجاب اور آئی جی پنجاب کے احکامات ،ڈسٹرکٹ پولیس آفیسرمحمد حسن اقبال کی ہدایات کی روشنی میں تھانہ قائم پور پولیس نے دن رات محنت سے خفیہ معلومات، انٹیلی جنس ذرائع، ہیومن ریسورسز ،جدید ٹیکنالوجی کے استعمال اور موثر حکمت عملی سے اسپیشل ٹیمیں تشکیل دے کرچوری وڈکیتی کی متعدد وارداتوں میں ملوث 03 ملزمان کو گرفتار کرلیا۔ گرفتارملزمان کے قبضہ سے09عدد موٹر سائیکل،28عدد سولرپلیٹس،01عدد انورٹر،06عدد موبائل فونز،مال مویشی، گھریلو سامان اور تقریباً 2لاکھ روپے40ہزار روپے نقد رقم برآمد کی گئی۔ گرفتار ملزمان سے مزید انٹیروگیشن جاری ہے ، جلد ان کے باقی ساتھیوں کو بھی گرفتار کرلیا جائے گا ۔ برآمد شدہ موٹر سائیکلز، مال مویشی ،دیگر سامان ونقد رقم ضروری کارروائی کے بعد اصل مالکان کے حوالے کی جارہی ہے۔علاقہ مکینوں نے ملزمان کی گرفتاریوں پرایس ڈی پی او سرکل حاصلپور اورتھانہ قائم پور پولیس کا شکریہ ادا کیا۔ ڈی پی او بہاولپورمحمد حسن اقبال نے اس حوالے سے بات کرتے ہوئے کہا کہ شہریوں کے جان و مال کا تحفظ ہماری اولین ذمہ داری ہے۔ جرائم پیشہ افراد کسی رعایت کے مستحق نہیں، ایسے جرائم پیشہ عناصر کو قانون کے مطابق منطقی انجام تک پہنچایا جائے گا۔اس کامیاب کارروائی پر ڈی پی او نے تھانہ قائم پور پولیس کو شاباش دی۔
ترجمان بہاولپور پولیس
image
