تفصیل کے مطابق ملک میں بڑھتے ہوئے سکیورٹی خطرات کے پیش نظرایس ای کالج میں موک ایکسر سائز کا انعقاد کیا گیا۔جس میں ڈولفن فورس،ایلیٹ فورس اور سول ڈیفنس نے حصہ لیا۔موک ایکسر سائز کے دوران 1فرضی دہشت گرد نیایس ای کالج پر حملہ کیا۔حملہ کے فوراً بعدپرنسپل نے ایمر جنسی سائرن بجایا اور ریسکیو15پر کال کی، جس کے جواب میں ضلعی پولیس اور ڈولفن فورس نے بروقت پہنچ کرکاروائی کرتے ہوئے دہشت گرد کوگرفتار کر لیا۔دہشت گردی کے خلاف موک ایکسر سائز کا مقصد اداروں کی صلاحیت اور اُن کے آپس میں رابطے کو جانچنا تھا تاکہ کسی بھی ہنگامی صورت حال سے آسانی کے ساتھ نمٹا جا سکے۔اس دورا ن ایس ای کالج کے سٹاف کو مکمل بریف کیا گیا کہ کسی بھی ہنگامی صورت حال میں ان کا رد عمل کیسا ہونا چاہیے اور ان کو کس طرح کے حفاظتی انتظامات اپنانے چاہئیں۔ آخر میں اداروں کی کارکردگی پر اطمینان کا اظہار کیا گیا اور اداروں کی کارکردگی کو سراہا گیا۔
image
