بہاول پور( )تفصیل کے مطابق ملک میں بڑھتے ہوئے سکیورٹی خطرات کے پیش نظر ڈسٹرکٹ کورٹس میں موک ایکسر سائز کا انعقاد کیا گیا۔موک ایکسر سائز میں ضلعی پولیس، پاک آرمی،ایلیٹ فورس، ڈولفن فورس،ریسکیو1122 اور سول ڈیفنس نے حصہ لیا۔موک ایکسر سائز کے دوران 1فرضی دہشت گرد نے ڈسٹر کٹ کورٹس پر حملہ کیا۔حملہ کے فوراً بعدچوکیدار نے ایمر جنسی سائرن بجایا اور ریسکیو15پر کال کی، جس کے جواب میں ضلعی پولیس اور پاک آرمی نے بروقت پہنچ کرکاروائی کرتے ہوئے دہشت گرد کوگرفتار کر لیا۔دہشت گردی کے خلاف موک ایکسر سائز کا مقصد اداروں کی صلاحیت اور اُن کے آپس میں رابطے کو جانچنا تھا تاکہ کسی بھی ہنگامی صورت حال سے آسانی کے ساتھ نمٹا جا سکے۔اس دورا ن ڈسٹرکٹ کورٹس کے ملازمین کو مکمل بریف کیا گیا کہ کسی بھی ہنگامی صورت حال میں ان کا رد عمل کیسا ہونا چاہیے اور ان کو کس طرح کے حفاظتی انتظامات اپنانے چاہئیں۔ آخر میں اداروں کی کارکردگی پر اطمینان کا اظہار کیا گیا اور اداروں کی کارکردگی کو سراہا گیا۔
image
